Trur eg avtingar Wii, eg hev ingen TV. Eg fann det var litt teit å hava Wii utan noko å sjå det på. Ping sin prosjektor er for ljossvak òg – dessutan vert nok folk fort lei meg her um eg skal sitja spela heile dagen.

Vebjørn: Dei er ein mediekanal, dei eig millom anna ABC. Dessutan eig dei jo sjølvsagt mange radiostasjonar og sikkert ein haug anna. Menmen, – absolutt alle kooperasjonar, digre selskap er vonde. Det er forma som er gal – dei forklarar det godt i filmen “«The Corporation»”:http://imdb.com/title/tt0379225/. Same det, dei «sux anywayzzzz».

Disney har sjølvsagt ein viss påverknadskraft, gjennom å kunna stoppa eigne dokumentarproduksjonar, styra innhaldet i produksjonane dei gjennomfører, etc. Og denne nyttar dei naturlegvis for alt han er verd, då Disney, som alle andre tilsvarande kommersielle selskap, har som einaste mål å tena mest mogleg pengar. Konsekvensen vert naturlegvis at Disney er medvitne på å ikkje distribuera politiske bodskap som kan vera hemmande for profittauken. Men motivasjonen her er som sagt truleg økonomisk, og ikkje politisk. Dersom det hadde løna seg økonomisk for Disney å driva propaganda for venstresidepolitikk, so hadde dei gjort det.

Media er nok diverre noko av det mest politiske som er, dei hev ekstrem påverknadskraft.

Men sensur, fascisme og framandfrykt er på ingen måte tradisjonelle «blåe» verdiar, og at eit storselskap som Disney, som er mest oppteken av å tena pengar, utøver av ein eller fleire av dei, lyt difor heller ikkje brukast i mot høgresida.

Eit anna poeng, som kanskje er endå viktigare i forhold til relevansen, er at Disney ikkje er eit politisk parti, organ eller vesen. Disney er eit kommersielt, kulturkolonialistisk selskap, med størst mogleg profitt og marknadsdel som overordna hovudmål. At dei nyttar anti-demokratiske verkemiddel for å unngå negativ omtale (som igjen kan gå ut over profitten), gjer dei ikkje til eit høgreparti. Det bør vel òg nemnast at det ikkje berre er høgreekstremistiske regime som har vore og nytta seg av verkemiddel som er totalitære, anti-demokratiske og fridomskrenkjande. Soleis er det berre vinklinga i den nemnde radiokanalen som knyter Disney til høgreekstremisme, og Disney sin hypotetiske plassering i det politiske landskapet er dimed irrelevant.