Attendetråkk som Dagbladet for Universitas?

Dagbladet.no hev byrja med noko me kallar «attendetråkk» (frå trackback via tilbaketråkk :P ), som viser kva sider som lenkjer til det aktuelle nyhendet. Eg hev det same på sida mi, berre ikkje serleg fint vist – dessutan er det veldig få som faktisk lenkjer til mine innlegg (av di dei ikkje er informative) so eg hev ikkje gidda laga det finare/betre. MEN! Då Børge skreiv um at Dagbladet.no pratar med netet kom eg på at dette kannhenda var noko eg kunna gjera for Universitas.

Kvifor visa «sidor som lenkjer til dette innlegget»?

Det er nok betre å lesa innlegget til Børge for å få svar på dette, sidan han interesserer seg stort for slikt og kann mykje um det:

Endelig begynner norske “Main Stream Media” å innse fordelene ved å oppmuntre til en offentlig diskurs ved å vise til bloggposter som linker til artiklene sine.

Eg såg det so vidt fyrr Børge skreiv um det, på Eirik Newth sitt debattinnlegg «Fildeling er framtida». Det er forresten eit kjempegodt innlegg som eg er veldig einig i. Eg er ein stor tilhengjar av fri kultur på same måte som eg er tilhengjar av fri programvare, fridom og folkestyre ålment sett. Difor er eg òg tilhengjar av eit demokratisk språk som ikkje er kulturimperialistisk og representerer yverklassa (altso er eg for norsk (nynorsk) i motsetnad til dansk-norsk (bokmål)). Men det var ein digresjon.

Noko for Universitas?

Sidan eg fekk ein god attendemelding på innlegget mitt um arbeidet med Universitas (som er ein meir enn det eg normalt fær :P), tenkte eg at eg skulle skriva um det litt oftare. No kann eg skriva spesielt um den nye greina eg kjem til å laga i Universitas som vil heita «attendetråkk» eller noko; ikkje av di det er spesielt interessant for verdi, men av di eg veit nokre få set pris på det. Det vil òg vera ein slags pådrivar for å få meg til å gjera han ferdig. Fyrst og framst lyt eg spyrja vyrde redaktør Leif M. Kirknes, men han er ein informatikar sjølv, so han forstår nok kvifor dette er tøft. :-)

Eg ser at Dagbladet driv mykje med eksperimentering og nye funksjonar på netsida si. Eg må seia meg veldig mot all denne iPhone-hypa dei driv med, eg vert sjuk av mindre, men det er jo moro at dei fær leika seg so mykje med netsida som dei gjer.

Hadde eg berre kunna prioritert Universitas litt meir, so kunne eg ha gjort fleire kule ting der – men eg prioriterer nok anna. Same kva, eg skal sjå um eg fær laga ein «kva bloggar lenkjer til dette nyhendet»-boks. :-)

3 tankar om “Attendetråkk som Dagbladet for Universitas?

  1. Simon

    Veit ikkje heilt om eg forstår kva attendetråkk er. Det vil seia, eg har ein viss idé om kva det er, men ikkje korleis det fungerer. Er det eit skript som køyrer på vevstaden, eller hentast dataa frå ein utvendig teneste? I så fall, vil det ikkje berre vera dei vevstadane som nyttar seg av akkurat den tenesta som vil sjå kvarandre?

  2. Odin

    Eit skript køyrast på båe vevstadene. Den som sender sjekkar lenkja du nett hev gjeve upp som ei attendetråkk-lenkja – um det finst ei netadressa (URL) for attendetråkk i den fili som den adressa peikar på, skriv han informasjonen sin til den nye adressa spesiallaga for attendetråkk. T.d. er attendetråkk-lenkja til dette innlegget dette:

    http://www.velmont.net/2007/11/17/attendetrakk-som-dagbladet-for-universitas/trackback/

    So du sender eit XML-dokument inn der, so tek sida mi seg av informasjonen du sender og lagrar honom i databasen. So kann eg visa det slik eg vil. Vart det klårt, eller lyt eg prøva forklåra når eg ikkje er daudtrøytt?

  3. Egil

    Det er eg veldig for, sjølv om eg les Universitas særs lite. Det er koseleg å lesa om kva du gjer med siden.

Legg att eit svar

Epostadressa di blir ikkje synleg.