Sør-Afrika dag 2: Kirstenborsh Botanical Garden

Denne dagen hugsar eg eigentleg alt for lite av. Eigentleg er alle dagene ei diger smørje som hev ein veldig rar form for kronologi inne i hovudet mitt. Heldigvis hev eg eit par bilete frå kamera for å hjelpa meg med koronologien. Me hadde ein piknik i denne herlege, herlege botaniske hagen og gjekk rundt utan t-skjorta og såg på menneske i parken. Det var sers avslappande og deilig. Er ikkje so mykje å seia eigentleg;

Kirstenborsch botanical garden, mats og michael Kirstenborsch botanical garden, mats og michael

Seinare på kvelden hadde Hans og Dien invitert venegjengen til Michael på middag. Eg visste ikkje at dei skulle betala for alle oss 9 stykk pa den dyre restauranten – men det var visst det invitering tydde. Dessutan hev dei betalt umtrent alt meg og Mats hev gjort og ete. Tja, eg kann vera so gjev og seia at det faktisk er alt.

Me var på den fine restauranten og sidan båe meg og Dien er veggisar so spurde me kva veggisspesialen var i dag. Her i Sør-Afrika er det som det var i Noreg for eit par år sidan; totalt umogleg å vera veggis. Det er faktisk ganske usant. Det eg meiner å seia er at det ikkje er kjempeenkelt å vera veggis, slik det er i Noreg no. Same kva, her meiner dei at kylling er ein grønsak – noko som sjølvsagt gjer ting vandskeleg. I dag tinga eg ein omelett med ost, sopp og bacon utan bacon til frukost på eit lite vinpresseri. Etter ei lang tid forstod servitrisa vår endeleg kva eg meinte sjølv um ho framleis ikkje var einig med meg i at det var ein lur ting. Eit par minutt etterpå kom ho springande attende til bordet vårt og spurde litt febrilsk um eg ikkje meinte at ho skulle putta kylling i i staden for bacon. For nokre folk… :p

Same kva, dei hadde svart sopp. Dritbra. Prata masse med folki rundt meg. Veldig koseleg. Meg og Dien hev eit spesielt veggisband, det er kos. Maten var kjempegod. Då me var ferdige spurde Dien og Hans um me ville hava dessert. Alle var stille, ingen ville seia noko. Eg sang ut “Ja! Sjølvsagt vil me hava dessert!!!”, som sagt visste eg ikkje at det ikkje var eg som betalte. Alle vart litt sjokka yver at eg sa dette, og det vart sjølvsagt sagt at desse nordmennene sa det dei meinte. Hehe.

5 tankar om “Sør-Afrika dag 2: Kirstenborsh Botanical Garden

  1. Odin

    Ola: Haha, din raring. :-) Du skal ikkje tvila på alt 1.april! Eg hev ikkje lurt nokon i dag; ikkje prøvd heller.

  2. Torbjørn

    Ein kommentar litt i etterkant: Reknar med du nytta god tid på å sjekke ut Kapplandet sin heilt spesielle flora, med (om eg ikkje hugsar heilt feil) rundt 5 000 endemismar. Eller kanskje ikkje alle har same prioriteringsmåtar som meg?

    Til informasjon blir vel jorda delt inn i rundt sju florarike, dei fleste av dei ganske store og kontinentommspennande, med unntaket av det vesle Kapplandet som då er rekna som eit eiget florarike.

  3. Odin

    Torbjørn: Jo, fekk med meg dette her. Men eg er slett ingen Ivar Aasen, korkje mtp. språk eller botanikk – so eg klara ikkje heilt setja pris på det. Men fint var det. Eg syntest det såg litt bart ut ute på kappen då, men det finst vel masse i det små ;-)

Legg att eit svar

Epostadressa di blir ikkje synleg.