Uproff masseepost til NMU-medlemene mine

Sit her og et pestopasta med tørka tomat og stirrer inn i Foss, den bærbare maskini eg snart må levera att til Randaberg VGS. I dag hev eg skrive epost til mange menneskje, og han vart ikkje so alvorleg som han kannhenda burde. Sender du epost til mange må det nemleg vera gjennomtenkt og alvorleg. Synd eg er so inn i hampen dårleg på nett dèt.

Tingen er at… Vel. Eg trur eigentleg straumbrevet talar for seg sjølv. Eg skreiv tvo stykk; eitt som gjekk til Sogn og Fjordane folk (omgplz, kom på sumarlæger, han er jo spesielt laga for DYKK) skrive på Sogn og Fjordane-nynorsk, og eitt på normal-nynorsk til resten av fylki mine; Finnmark, Buskerud og Aust-agder – ikkje akkurat nynorsken sine sterkaste kjerneområde. Eg legg berre ut den siste, som var mest usakleg:

Hei, ein liksom-telefon frå meg; sumarleir

Hei!

Mitt namn er Odin Omdal Hørthe, og eg er områdeandsvarleg for deg i
Norsk målungdom. Eigentleg skulle eg (for lengje sidan) ringt rundt
til alle fylka eg har andsvar for, men eg har jobba i Stavanger og
reist. Dessutan likar eg dårleg å ringja folk utan at eg kjenner dei
(kjenner meg litt som ein telefonseljar, æsj). So lat som om eg har
vore flink sentralstyremedlem og ringt deg, omtrent slik går samtala:

«Hei! Dette er Odin som ringjer frå Norsk Målungdom :-) »
Du: «Hallo»
«Har du eit par minutt, kannhenda?»
Du: «Jao, det har eg vel.»
«Flott! Jo. For du skjønar, me har ein sumarleir i desse dagar – har
du fått informasjon om han?»
Du: «Ja.»
«Ja, han er 8. juli og det vert jysla kjekt og (blablablablab), sooo
eg lurte på om du hadde lyst til å koma på den?»

Her svarar du anten:
* «Ja»
* «Nei»
* «Berre litt» (som tyder: eigentleg ikkje, men eg prøver å vera snill)

Svarar du «Ja» (som ganske mange gjer, yey!) so følgjer eg opp:

«Men, BADABOM (denne ljoden lagar eg): har du TID!?»
Kor du då svarar: «Nei»

Eg vert ganske skuffa:
«Å. … Ånei. Nei-nei. Synd. Hmm.»
«Kannhenda ein annan gong?», prøver du å trøysta
«­Ja, kannhenda det… Hadebra!»
«Hade!».

<klikk>

MEN: nokre få gongar mellom alle desse 1000 folka eg ringjer so er det
nokon som svarar at dei har tid, då veit eg aldri kva eg skal seia
for eg har då vitterleg ikkje manus for slike særs sjeldne svar
(neidå, eg har ikkje manus i det heile teke, men eg vert heilt sett ut
av folk som faktisk kan koma).

Tingen er då, det er prøver å få fram med denne alt for lange eposten
(orsak!) er: er du ein av desse folka som 1. har lyst, 2. har tid? I
det litt meir seriøse hjørna so er det kjempemoro, og me vert rundt
35 stk, so ikkje for mange og ikkje for få.

Eg vonar du kan koma. Spør meg verkeleg om det er noko! :)

– –
Beste helsing,
Odin Hørthe Omdal <test@s0.no>
http://www.velmont.net

Og elles, jobb jobb jobb

Elles hev eg sitte heile dagen på kontoret mitt hjå Nei til EU. Det er ein diger sekk av uppdrag eg kann velja mellom, det er ikkje alltid like enkelt å velja. So eg gjer litt her og litt der. Eg hev mellom anna skrive eit intranettsystem frå botnen til NTEU. Eg lette lengje etter noko ferdigskrive, men fann aldri noko som passa det me trong. Fann det nesten fleire gongar, men nesten riv ingen mann av hesten som me segjer.

Nei til EU intranett

So eg skreiv mitt eige. Starta med å skriva god kode, so fann eg ut at det berre var eg som kom til å hacka på det lell – og eg kunne like godt gjera det den raske vegen. So eg skriv no OK kode utan superavansert og gjennomtenkt oppbyggning.

Folk loggar seg på med sin vanlege brukar og passord (jadå, det brukar LDAP). Dessutan brukte eg litt tid på å læra meg mod_rewrite skikkeleg slik at eg kunne laga flotte URL-ar som gav meining til brukarane. Eg er godt nøgd.

Eposttenar, med dspam osb

Eg sette òg upp Kanin, ein enkel og grei firewall+gateway/router+dnsserver+dhcpserver. Og Rev, ein eposttenar som brukar Postfix og Dovecot, i tillegg til dspam for spamfiltrering. Spamfiltreringi er statistisk og må trenast upp av kvar enkelt brukar. Alle kjem til å måtta bruka IMAP frå no av, for spamfiltreringi avheng av at brukarane legg spam i SPAM-mappa, og tek ut ekte epost frå den same mappa. Eg ville gjera det enklast mogleg for brukarane. Eg er likevel livredd for å setja det i verk. So langt fær eg ingen spam på adressa mi test@s0.no, so eg fær ikkje testa dspam. Eg hadde sett upp SpamAssasin og var godt nøgd med det, men so måtte jo torstehu koma med eit betre framlegg. Same kva, det er sett upp.

Elles

Det er masse elles. Men alt til sin tid. Klaus hev umtrent flytta ut, so eg eig meir eller mindre roterommet honoms («vårt») no. Fylg med på Victor sin freistnad på mangfasesvevn og les kannhenda litt um min eigen svevnfreistnad som eg gjorde for meir enn eitt år sidan.

Ah, forresten er det sumarleir snart. Det VERT dritbra, so kom, kom, kom. :-)

14 tankar om “Uproff masseepost til NMU-medlemene mine

  1. Egil

    Nytta du noko rammeverk då du skreiv intranettet (lol, firefox foreslår «medisintranen» her) ? Eg foreslår at du legg ut kjeldekoden :)

  2. Odin

    Egil: Eg lurte på um eg skulle skriva «Her kjem Egil til å seia at eg må AGPL-a det», haha. So forutsigbar du er. Nei, hev ikkje nytta noko rammeverk, eg tenkte mykje på det. Lurte på um eg skulle ganske lengje, mitt eige rammeverk òg. Starta faktisk med det. Men so, nei. Gjeng raskare å berre skriva det slik eg hev tenkt. :]

    Men, nei. Det hev ingen nytte for andre slik det er no. Um det nokon gong vert større og flottare so er eg ikkje framand frå å leggja det ut. Men eg trur verkeleg ingen fær bruk for det. Vert berre meir rot på intarveven.

  3. Egil

    Så du hev ikkje starta med Django endå altså ;) Eg tenkte ikkje nødvendigvis noko skikkeleg agpl-prosjekt, berre ein anonym tar-fil ein plass som ikkje kan miljøskada uskyldige ofre ;p

    Hehe, er vel berre bra å vera forutsigbar. Du kan regna med meg ;)

  4. Victor

    Den netposten var då ålvorleg nog? Eg trur han dreg fleire folk enn eit «vanlegt» brev hadde.

  5. Odin

    Victor: Eg hev fengje 10 positive svar! Dei gjekk for det meste slik: VELDIG LYST! Men, akk, jobb.

  6. Klaus

    Odin! Vi blei vel samde om at ingen av oss hadde hørt «Deilig er jorden» på nynorsk før, men denne fann eg på nett istad:

    Fager er jordi Fager er jordi, herleg er Guds himmel, glade gjeng sjelene pilgrimsgong. Gjenom dei fagre rike på jordi gjeng me til paradis med song!

    Tider skal koma, tider burt skal kverva, ætt skal fylgja ættarrad. Aldri skal tagna tonen frå himlen, sjeli sitt glade pilgrimskvad.

    Englane song det fyrst for hyrdingflokken, vent det tona for sjeli mødd: «Fred yver jordi, menneske, gled deg, oss er ein evig frelsar fødd!»

    Je! :P

  7. Odin

    Klaus: Ah. Synd eg ikkje vert tvungen med lengre, sidan eg gjeng på universitetet. Hadde vore kult å synge denne her når dei andre sang den danskinfiserte versjonen ;-)

  8. Odin

    Men eg trur meg og Helene må dikta ein norsk tekst til Haustsong (frå svensk), den er so fiiiiiiiin.

  9. Victor

    For ei væn utgåva! På god norsk og greidor! :D

    Ja til songar på norskt! <3

    Odin, du lyt slutta å skriva «Meg og x skal gjera y», det heiter «Eg og x skal gjera y». Du segjer jo ikkje «Meg skriv», til dømes.

  10. Synnøve

    Hæ? Hadde de aldri høyrt «Fager er jordi» før? Tsk.

    Som Ola seier, alle jolesongar finst jo på nynorsk.

  11. Odin

    Victor: Ook! Berre kom med meir, — eg er ikkje so stø i norsk språkføring som eg burde :-)

    Synnøve: Me er ein gjeng konvertittar, det er det me er.

    Janne: Hihi! :D Koseleg. — Denne nye bloggen trur eg at eg hev fengje med meg. Må inn i nyhendelesaren.

    Elles, ingen som la merke til at eg skreiv annleis i eposten? Hoho. Skreiv kannhenda då, det var ikkje meiningi – slapp gjennom.

Legg att eit svar

Epostadressa di blir ikkje synleg.