Kva gjer eigentleg alle saman på sundagar?

Eg hev lurt på dette heile livet mitt. Eg klarar aldri gjera ein einaste interessant ting dei fleste sundagar. Eg sit inne og venter på at noko skal henda på internettet, men det skjer ingen ting. Det er ingen på internett. Ingen nye innlegg på bloggar, ingen kule nyhende, ingenting. Sundag er den verste dagen som finst. Dritkeisam.

So… Sidan ingenting skjer på sundag. Kva gjer alle andre? Sit dei òg å ser på PC-skjermen og venter på at noko skal henda heile dagen? Eg kann ikkje nemna kor mange timar eg hev gjort ingenting på ein sundag og kjend meg heilt totalt mongo etterpå.

Gjer folk andre ting på sundagar? Kva då for eksempel? Alt er jo stengd. Sundag er ålment sett ein totalt sugen dag. Dei kristne gjeng vel i kyrkja, berre at alle dei kristne eg kjenner gjeng ikkje i kyrkja, so kva dei gjer er likevel eit mysterium.

Nokon burde seriøst laga ein sundagsorganisasjon for å få meir ting til å skje på sundagar. Fleire opne butikkar, fleire kurs, fleire ting som skjer. Gah.

Totalt urelatert so såg eg i dag at trerekkja på andre sida av Akerselva utanfyre vindauga mitt byrjar gro att, slik at eg ikkje ser folk som gjeng tur lengre. Ser fint og grønt ut!

Akerselva utanfor vindauga mitt, vert grønare

Og ein liten ekstra goodie for dei som brukar FireFox 3.5 (elder Opera med video-tagg+Theora-stønad), korleis det såg ut utanfyre vindauga 15. mai. I tillegg til at Helene sit i sengi og syng litt. ;-)

5 tankar om “Kva gjer eigentleg alle saman på sundagar?

  1. Simon Skribent

    Hrmf, så irriterande. Opera har hatt video- og -theora-stønad i snart to år, men ikkje i dei ferdige utgåvene. Må skaffa Opera 10 viss eg skal sjå det, men eg liker ikkje å nytta betautgåver.

  2. Víkþórr Veggiss Berurjóðr Skribent

    Eg er samd med deg – sundagar er keisame. Dessutan trur eg der er ei lov som segjer at det skal vera stengt på sundagar, for flest alle. I Sverike er det ope alle dagar, so ein kunde kaupa mat jamvel på sundagar. :)

    Kaupte ikkje du mange cyclar for ei tid attende?

  3. Carl Henrik Skribent

    Søndag er en utmerket dag for en sykkeltur. Det er litt kaldt nå kanskje, men da er det bare å sette opp tempoet. :)

  4. Synnøve Skribent

    Eg plar trena på sundagar; både Centrum og Domus Athletica er opne. Du er velkomen til å vera med, om du vil – det er sunnare enn å sitja framfor dataen…

  5. Kristoffer Egil Bonarjee

    «Kva gjer alle andre?»

    Eg kan sjølvsagt ikkje tala for alle andre, men når ein har barn er det koseleg å gjera ting med dei. Samtidig blir det meir å gjera i kvardagen, så då er det deilig å ha ein dag der ein ikkje treng å gjera noko, evt gjera ting ein ikkje har orka tidligare i veka. ;)

Legg att eit svar

Epostadressa di blir ikkje synleg.