Eg hev fengje meg ny mobiltelefon (Google-mobilen, Android)

Då hev eg endeleg gått frå å hengja attende i fortidi til å gå inn i framtidi.

HTC Dream (G1), Google Android, mobilen min

Eg hev brukt han eit par dagar allereide no, og eg må segja at dette er eit heilt anna beist enn den gamle mobilen min. Bruksmønstrene liknar ikkje kvarandre i det heile teke. Eg hev ikkje sendt fleire meldingar, eg hev ikkje ringd meir helder — men eg hev hatt han uppe utruleg mykje lell.

Mykje av det eg hev ynskja meg ein open mobil eg kann skriva eigne programmar på er allereide gjort av andre.

Eg hev ei hendig Todo-lista no (Astrid). T.d. skriv eg inn handlelista der, kvar ting skriv eg upp med ein tagg «handla». Eg hadde mellom anna dette for litt sidan:

  • Vaskehanskar
  • Vaskebørste
  • Avokado
  • Mais

I eit anna program (Locale) hev eg laga eit par geografiske sonar rundt butikkar eg ofte går forbi. Eg hev sett upp ein kondisjon: når nær desse butikkane, og ei hendig: hent ut uppgåver tagga «handla» frå Astrid.

Når eg då gjeng (vel, syklar, det er eit anna nyhende! ;-) ) forbi butikken oppfattar mobilen at eg er i «sona» og byrjar vibrera og viser at eg hev 4 ting å gjera i dette området (altso handlelista). Genialt!

Eit anna døme. Eg var heime i gamle bustaden (endå eit nyhende!) og fekk purring frå Chess (huh, eg hev AvtaleGiro?), eg skreiv upp eit gjeremål og tagga det «data». I Locale hev eg satt kondisjon: når plugga til PC på data-taggen. Då eg gjorde dette seinare nede på kontoret neste dag (eg sat aldri på pcen etter eg kom heim att) minna han meg på å betala chess-rekningi. Det hadde eg gløymd, men hugsa det sjølvsagt av di mobilen sa frå. Heilt genialt bra! Det finst ikkje grensor for kva kule ting eg kann gjera no.

Dessutan hev eg eit spesialpassord viss eg hev mista mobilen. Sender eg det til nummeret mitt med SMS (frå din mobil t.d) so set mobilen seg i HØGASTE modus og sender attende ein SMS med GPS-koordinatane til kor han finn seg. Kor kult er ikkje det? Og ekstremt nyttig!

Ja, det heile er eigentleg ganske kult. No må eg berre koma «inn att» i Java (eit programmeringsspråk, nei det hev ingen ting med Javascript å gjera) for å skriva eigne programmar for herlegskapen.

Ei litt morosam historie. Etter tvo dagar logga eg inn på Chess for å sjå kor mykje pengar eg hadde brukt. Eg hadde for det meste brukt trådlaust internett der eg var, men når eg var ute brukte eg 3G. Rekningi for dei tvo dagane var då på 800kr. Eg fekk sjølvsagt hetta, men etter litt fann eg ut at Chess aldri fakturerer deg for meir enn 20kr/dagen. Phew. No hev eg fri databruk då, slik at eg slepp tenka på det meir.

Mobilen kaupte eg på eBay frå Kanada, kosta meg under 3000 kr ink. MVA, toll og frakt. Ganske bra!

Einaste problem må nok vera batterikapasitet. Hadde eg brukt han som ein vanleg mobil (og ikkje meir) so hadde han heldt godt og lengje, men når eg brukar han heile dagen fleire gongar i timen og til straumkrevjande ting so gjeng batteriet fort. Er ikkje anna å venta.

Ein annan negativ ting er at eg fær epost med ein gong han vert sendt. Båe til jobb-eposten min (odin hjå neitileu.no) og den private. På den måten er det ikkje like moro å gå og sjekka datamaskini lengre, av di eg veit eg ikkje hev fengje ny epost… :-/

Men alt i alt, sers nøgd, altso. :-)

9 tankar om “Eg hev fengje meg ny mobiltelefon (Google-mobilen, Android)

  1. Skjalg Skribent

    Kitty Karine vil ha ny mobil. Hu har øydelagt den nye Ericsson me kjøpte til henne i fjor og hun skal no bruke egne pengar på ein telefon. Ho er høyrer berre på Odin og vil ha HTC telefon nett som han. Eg meiner den er for avansert og prøver å få henne til å kjøpe I-phone. Falke har jo ein slik.

  2. Jurg Skribent

    Du kjøpte den brukt regner jeg med? Hvilke muligheter har du med SDKet, kan du f.eks. skrive egne programmer for å ringe / motta samtaler / SMS ?

  3. Klaus Skribent

    Å! Særleg den «finn meg att»-funksjonen hadde gjort seg for min del, som har eit talent utover det vanlege for å miste mobilar både her og der…

  4. Jurg Skribent

    @Odin: Kikket på SDKet, det er litt vel restriktivt enda. Skulle gjerne sett at man faktisk fikk kontroll over telefonfunksjonene på telefonen, men det blir vel en G1 siden FreeRunner er såpass ustabil.

  5. Jurg Skribent

    @Odin: Vil ha skikkelig tastatur ja :)

    Selv om du kan få beskjed når en samtale kommer inn vil jeg ha muligheten til å la en daemon sjekke om den skal akseptere samtalen eller ei, og evt. avvise den. Så vidt jeg har sett kan man ikke ringe gjennom SDKet heller, og kan heller ikke motta SMS på en fornuftig måte (de fjernet store deler av SMS-apiet før releasen av 1.0, men det er fortsatt mulig å lese en mottatt sms ved å bruke udokumenterte features i SDKet).

    Sending av SMS går visst som en drøm.

    Det jeg virkelig har savnet på telefoner er muligheten til å lage forskjellige whitelists / blacklists som bestemmer hvilke samtaler den skal akseptere og om den skal si fra om den har fått SMS eller ikke. Det er (så vidt jeg har forstått) ikke mulig med Android :)

    Vurderer en FreeRunner, men de selger bare A6 nå for tiden og den har problemer med mikrofonen. Får jeg tak i en A7 fra England / Sverige kan det godt bli den.

  6. Jurg Skribent

    Egil: Ikke det jeg er ute etter. Jeg vil kunne spesifisere forskjellige blacklists / whitelists og velge hvilken (om noen) som skal være aktiv. Veldig enkelt dersom et program kan stenge samtaler.

    Velmont: Jeg vet programmer kan få beskjed når en samtale kommer inne, jeg har bare ikke funnet en måte å lukke en samtale fra et program. Denne buggen er ikke lukket enda: http://code.google.com/p/android/issues/detail?id=675

    Om du finner ut hvordan vil jeg gjerne vite det, har en G1 på vei i posten ;)

Legg att eit svar

Epostadressa di blir ikkje synleg.