Helene med ny frakk i Praha

Helene_m_frakk

«Forslag» frå Helene her me sit på Starbucks og ventar på å taka flyget til Dubrovnik:

«Legg ut bilete av meg i den nye frakken og skriv ‹medan familien min shoppa heile víka venta Helene til siste stund og shoppa berre ein kjole!› Ja, og so Hegel då. Skriv det. For då høyrast eg so smart ut.»

So det er altso grunnen til dette helder utypiske innlegget frå meg. :-) Eg kann òg fortelja at eg fekk kaupt ein decaf coffee her, og at han smakar himmelsk. Helene segjer han er betre enn all anna kaffi ho hev smakt. Dessutan måtte eg jo hava kaka, er jo år og dag sidan eg hev hatt kaka+kaffi.

Helene gjekk inn og spurde um varmt vatn, og personalet var so ekstremt viljuge til å hjelpa at ho vart heilt frå seg av ovundring og kann no knapt sitja stille på stolen. Ho hev altso med seg teposar og fær no gratis te. Noko ho set veldig stor pris på (iom. at ho brukte dei siste pengane sine på kjolen).

decaf_coffee

Ah, forresten, det fortset, eg fekk med meg dette ut av ordstraumen som kjem ut or den lettare hypre Helene:

«Skriv du um meg, skriv du um meg!? Du må hava eit eige kapittel um meg! Hmm. Forresten, hev du eit bilete av at eg les Hegel?», held ho fram. Ho kjem inn på ein heil del snakk um flyplass og nestle-bar fyrr ho til slutt må forsikra seg at eg ikkje hev gløymd alt det der med Hegel og bilete av ho med frakken.

So, ja, slik gjeng no dagane ;-)

Oppdatert eit kvarter seinare: Eg fekk eit heitt tips um at det var fullt mogleg å byta til eit litt mindre uflatterande bilete, og at det var sterkt tilrådd å gjera det brennkvikt. So, gjort. :-)

Elles fekk eg høyra at det visstnok heiter «Kåpe» for jentor, men «Frakk» var meir sexy. Dessutan fekk det meg til å høyrast dum ut, som var ein bonus Helene godt kunne leva med.

4 tankar om “Helene med ny frakk i Praha

  1. Kristoffer Egil Bonarjee Skribent

    Kul frakk. Kåpe, då tenkje eg på slik ei svær, tung ullsak som farmor kan finna på å ta på seg frå forrige årtusen. Frakk høyrast mykje betre ut :)

    Du må gjeva ein betre innsats enn dèt om du vil høyrast dum ut.

    Hev du drukke noko tjekkisk øl då?

    Når kjem dykk att til Noreg forresten?

  2. Unni Elisabeth Skribent

    Vene Helene!!!

    Har ho lese ut Hegel no eller? Det gjeng jo ann å bare «skinn lesa» og. Det gjer ofte eg. Då har ein berre med seg ei kul bok som får ein til å sjå kul ut og så kan ein jo åpna den ein og anna gong innimellom når det passar godt ;-)

  3. Ida Skribent

    den frakkjen altså! de kunne laga ein gild moteblogg saman – med hennar smak og ditt kamera liksom. eg reagerte forsåvidt ikkje på at du kalla klesplagget frakk. eg trur eg kjem til å kalla «trenchcoaten» min, som er på veg i posten, for frakk. eg får ikkje det plagget til å vera ei «kåpe», altså. (orsak, helene)

    max ubrukeleg kommentar, det her.

Legg att eit svar

Epostadressa di blir ikkje synleg.