Sokkar knyta som øyrevarmarar

I går klyppa eg håret og drog på Underskogpils[1]. Eg drog ikkje fyrr eg absolutt måtte for å få meg ein bysykkel fyrr 00.00 (dei vert låste då). Ikkje yverraskande var det kaldt, spesielt kaldt med avklipt hår[2]. Det tok ikkje so alt for lang tid fyrr eg fraus som ei bikkja, so eg steig av sykkelen og rota uppi sekken min (som eg alltid hev på meg).

Der fann eg eit kjøkkenhandkle[3] men ikkje stort anna. Eg festa det rundt halsen som eit skjerf. Det hjelpte godt. Likevel var øyro verst. Eg grov litt til og fann eit sokkepar. Eg hev hatt paret der sidan eg reiste til Haugesund, men fekk aldri brukt dei[4]. Ein sokk gjekk ikkje rundt hovudet, men viss eg knyta dei saman so gjekk det.

Vips so fekk eg eit panneband. Då var det plutseleg jysla herleg å sykla heim.

Sokkepar til øyrevarmar

Notar

  1. Merk, dersom du ikkje hev konto på underskog so virker det ganske dølt, men med ein gong du hev konto so er det ei heil ny verd på den sida der. Underskogpils er kvar fyrste fredag i månaden, og dette var min fyrste gong (trass i at eg hev vore medlem lengje).
  2. Trass i at eg hev veldig lite og tynt med det, so hjelper det faktisk stort.
  3. Eg tok det med til Helene for å selja is med Isrosa ein gong.
  4. Jadå, dei var reine!

3 tankar om “Sokkar knyta som øyrevarmarar

  1. Unni Elisabeth Skribent

    Hi, hi den var fin :-) Lika bilde ditt og :-D Den som har fantasi og ikkje er redd for kva andre seier og meiner vert aldri rådlaus og kan alltid koma opp med gode utradisjonelle løysingar!!!

    Odin, denne har eg lyst til å legge ut på facebooksida mi. Er det greit for deg?

  2. Skjalg

    VELDIG GODT å sjå at du snart er tilbake på bloggen din! Eg trur det er mange som savnar han! Spesielt oss tri i Spania!!! Eg reknar med at bileta dine og kjem på plass…

  3. Unni Elisabeth

    Hei Odin :-) Har skrolla litt opp og ned på bloggen din. Kjekt å sjå at du har funne tekstene igjen. Kanskje får du bileta fram att og?

Legg att eit svar

Epostadressa di blir ikkje synleg.