Månadsarki: januar 2010

Mobilabonnementet for meg

Eg hugsar ikkje lengre korleis det starta, men eg fekk det iallfall for meg at eg ikkje hadde det optimale mobiltelefonabonnementet. Det heile utarta seg til eit ikkje lite program for å sjekka mobilspesifikasjonen min upp mot allslags forskjellege abonnement…

Jo, det var det, eg betalar 40kr/mnd ekstra for å ringja gratis til Helene. Det sparte me i vår tid ekstremt mykje pengar på, av di me ringde kvarandre heile tidi og ekstraordinært lengje. Det gjer me av ganske upplagte grunnar ikkje lengre 1, so då lurte sjølvsagt eg på; ringjer eg Helene for meir enn 40kr/mnd, elder hadde det vore billegare å kvitta seg med det?

Det alle fornuftige menneskje hadde gjort var vel å finna ut kor mykje eg hadde ringd Helene, og so ganga det med vanleg minuttpris.

Jodå, eg tenkte no på det eg òg. Men sidan eg ikkje såg på fakturaen (der står det kor mykje eg hev ringd Helene totalt), men på mobilspesifikasjonen so stod alle gongane eg ringde Helene saman med minutt/sekund upp. Dette måtte jo eg leggja saman!

Eg liker ikkje manuelt arbeid når det er noko datamaskinen kann gjera snøggare/betre enn meg. Dette er noko alle som hev vore mykje rundt meg dei siste åri sikkert hev funne ut. Same um det hadde teke 15 minutt å fiksa noko manuelt, brukar eg glatt helder 40 minutt på å skriva eit perfekt program som vil gjera jobben på nokre millisekund. Eg tenkjer som so; neste gong eg treng gjera dette sparar eg masse tid!

Ikkje alltid like lurt.

So det eg gjorde denne gongen var altso å skriva eit program som rekner ut rekning basert på mitt faktiske ringjemynster. Det heile er ganske enkelt:

  • Skriv inn forskjellege abonnement
  • Fòr programmet med telefonspesifikasjonen min

Og nett slik fungerer det.

So, kva fann eg ut? Var det vits?

Tenkte de ville spyrja um det, ja.

Og nei, det var litt skuffande. I byrjingi var det heilt ekstraordinært kult, for eg fann ut at eg kunne spara masse pengar med å byta abonnement. Men det var fyrr eg hadde skrive ferdig data-delen. Altso utrekning av kor mykje eg lastar ned med mobiltefelonen.

Det er ikkje småtal, med Android-mobilen min som slukar megabyte rått.

Då endra brått heile biletet seg, og abonnementet eg hadde var ikkje so alt for dårleg. Eg kunne ikkje spart grovt mye, berre spart. Likevel, eg hev fengje funne ut at det finst billegare abonnement for meg. Her er ei køyring på okt-des 2009:

odin@fjord:~/Dokument/mobil$ ./parse_spesifisering.py 0910.txt 0911.txt 0912.txt
0911.txt         33 samtalar,  40 minutt.  97 SMS.  51M dag, 208M kveld (259M).
0910.txt         35 samtalar,  43 minutt.  87 SMS. 128M dag, 337M kveld (466M).
0912.txt         59 samtalar, 157 minutt. 118 SMS. 262M dag, 180M kveld (443M).

                            0911.txt   0910.txt   0912.txt

chessitouch                      230        178        282 =        690
t2champ+t2_large                 302        251        339 =        892
t2sheriff+t2_large               309        258        384 =        951
chesspremium+ch_king             353        300        388 =       1042
chessking+ch_king                378        358        411 =      *1147*
chesseasy+ch_king                406        388        429 =       1223
chessitouch+ch_king              479        427        531 =       1437
chesspremium+ch_knight           353        558        617 =       1528
chessking+ch_knight              377        586        641 =       1604
chesseasy+ch_knight              405        611        659 =       1675
chessitouch+ch_knight            478        685        760 =       1923
chesspremium                     704        651        739 =       2095
chessking                        729        680        762 =       2171
chesseasy                        757        705        780 =       2242
chesspremium+ch_queen            489        825       1580 =       2893
chessking+ch_queen               513        853       1603 =       2970
chesseasy+ch_queen               541        878       1621 =       3041
chessitouch+ch_queen             614        952       1722 =       3288
t2sheriff                       1500       1500       1545 =       4545
t2champ                         1633       1582       1670 =       4885

Eg hev ChessKing med SurfKing-pakka på i tillegg. Det viser seg at det er iTouch-abonnementet eg burde hatt, so etter denne månaden kjem eg nok til å byta til det.

Men nett denne månaden hadde alt anna enn det abonnementet eg hev no (vel, utanum ChessPremium+SurfKing, som hadde vore litt billegare) vore dyrare. Eg hev lasta ned langt yver 6GB på telefonen no, det hadde fått tusenlappane til å fly med andre abonnement.

Helene hev perfekt abonnement

Eg måtte jo testa programmet med noko anna no når eg fyrst hev brukt so mykje tid på å skriva det, so eg køyrde Helene sine filer gjennom det. Det var ikkje særleg moro, for det viste seg at Helene hev allereide det billegaste ho kann få. Spesielt av di det viser seg at ho ringjer meg mykje og lengje.

Vel, ho hev òg fleire vener med Chess, og det gjeng på same kvota – eg gadd ikkje skriva funksjoner som sjekka nummer direkte. Hmm, men det hadde jo sikkert vore ein moro funksjon å ha i programmet.

Elles fær du litt meir informasjon um kvart abonnement når du berre køyrer ei fil gjennom, då fær du ikkje berre totalane, men òg kva du betalar for kvar del (samtale, sms, data):

odin@fjord:~/Dokument/mobil$ ./parse_spesifisering.py 0912.txt
0912.txt         59 samtalar, 157 minutt. 118 SMS. 262M dag, 180M kveld (443M).

                             Samtale        SMS       Data       Fast

chessitouch                      128         56          0         98 =        282
t2champ+t2_large                 114         56          0        169 =        339
t2sheriff+t2_large               159         56          0        169 =        384
chesspremium+ch_king              94         45          0        249 =        388
chessking+ch_king                 75         48          0        289 =       *411*
chesseasy+ch_king                 84         56          0        289 =        429
chessitouch+ch_king              128         56          0        347 =        531
chesspremium+ch_knight            94         45        429         49 =        617
chessking+ch_knight               75         48        429         89 =        641
chesseasy+ch_knight               84         56        429         89 =        659
chesspremium                      94         45        600          0 =        739
chessitouch+ch_knight            128         56        429        147 =        760
chessking                         75         48        600         40 =        762
chesseasy                         84         56        600         40 =        780
t2sheriff                        159         56       1500          0 =       1545
chesspremium+ch_queen             94         45       1312        129 =       1580
chessking+ch_queen                75         48       1312        169 =       1603
chesseasy+ch_queen                84         56       1312        169 =       1621
t2champ                          114         56       1500          0 =       1670
chessitouch+ch_queen             128         56       1312        227 =       1722

So, etter denne månaden so må me skaffa oss ekte internett i heimen, slik at me slepp bruka mobiltelefonen som einaste nettlina. Då kann eg få bruken min under 500MB/mnd att og dermed skaffa meg iTouch-abonnementet og spara eit par kroner i månaden.

Er mykje denne rekneskapstenkingi manar fram ;-)

  1. Neidå, me er like glad i kvarandre, men me bur saman og pratar andlet til andlet ;-) []

wxBanker

Det er på tide å finna ut kvar pengane forsvinn. Sist år sette eg upp eit rekneskap, men det gjekk ikkje lange tidi fyrr eg stogga uppdatera det. Eg skulder på at programmet var for dårleg, so i dag hev eg testa eit nytt eit: wxBanker.

wxBanker er fyrste program eg tester av eit par. Andre program eg kannhenda gidd testa er:

Det finst eit drøss fleire, men eg trur ikkje eg gidd testa meir. Det er desse her som tiltalar meg mest. Viss ingen av dei er gode nok so byrjar eg på KDE-programma (det finst to store «skrivebordsmiljø» til Linux, GNOME og KDE).

So til sjølve «testen».

Dette programmet verkar mykje enklare enn dei andre eg hev prøvd. Berre skriv inn det du ynskjer. Dessutan hev han eit litt fleksibelt CSV-importeringsverkty, men eg måtte gjera ein del endringar i programmet for at det skulle taka Skandiabanken sine kontoutskriftar. Litt minus der.

Elles er programmet sopass enkelt at eg kann sjå for meg å bruka det. Enno betre er det at det lagrar all informasjonen sin i ei SQLite-database, so det er ekstremt enkelt for meg å uppdatera med nye transaksjoner sjølv utanfyre programmet. Her er t.d. korleis eg kann gjera det direkte frå kommandolina i Ubuntu:

echo "INSERT INTO 'transactions' VALUES
(NULL, 2, 159.0, 'Ljosstoffrøyr', '2010-01-27');" \
| sqlite3 .wxbanker/bank.db

Og det er alt! Med andre ord kann eg gjera det superenkelt for meg sjølv å skriva inn nye uppdrag. Eg kann tilogmed ha fili på ein tenar, og so skriva eit lite web-API for å uppdatera ho. På den måten kann eg lett ha ein liten boks på telefonen min der eg kann skriva inn nye ting eg brukar pengar på.

Hendig!

Programmet er veldig enkelt, og difor likte eg det. Men det hev ikkje kategoriar, so eg kann ikkje segja um noko er «mat» elder «bil» som igjen høyrer til i «transport». Difor er nok programmet litt for enkelt for meg. Eg likar godt grafene det lagar då, men eg hadde jo laga det same i nokre skript eg brukte i gamle dagar.

Nei, wxbanker er alt for enkelt for mitt bruk. Eg treng noko meir avansert.

Står upp fast kl. 09

Jarle speler på pianoet, eg sit her og slappar litt av og Vegard sit og skriv. Det er tidleg på morgonen og framleis ein time til resten vaknar og står upp.

I det siste hev eg stått upp kl 9. elder tidlegare kvar einaste dag, utan unnatak. Det er ganske deilig, spesielt no når eg er hjelpar her på vetterlægeret til NMU. Her hev eg no stått upp 07.00 og 07.30. I går la eg meg tidleg og kunne gle meg til å stå upp tidleg for å vaska og styra på kjøkkenet heilt utan press, stress og andre folk rundt.

Eg hev fengje gjort meir i det siste òg, i staden for å stå upp seint på dagen og gjera ingenting resten av han, elder som eg gjorde i byrjigi; stå upp tidleg og gjera ingenting lell, so gjer eg noko etter litt. Eg klarar ikkje godt koma meg rett ut, eg vert sitjande ein 2-3 timar på maskini fyrst, men det er betre enn fyrr. Dessutan hev eg ofte mykje å gjera på maskini og det er der eg gjerne gjer det eg må få gjort òg.

Men det er mykje kjekkare å ha faktiske ærend, av di luft og aktivitet gjer meg meir effektiv. So eg hev flytta på meg og arbeidd forskjellege stader dei seinaste dagane eg hev vore her i Bergen no.

Å stå upp tidleg gjer meg meir effektiv, og det kjenst betre å stå upp når eg føler for det i staden for å alltid villa liggja lengre.

Då er frukosten klar og eg ventar på at alle treigingane skal byrja eta.

Amatørteatergruppe

I dag var eg på fyrste, uh, øving kann me vel kalla det i Studentteateret Immaturus.

Immaturus er ei studentteatergruppe her i Bergen. Eg trudde aldri eg skulle byrja med det att. Sant nok so ynskjer eg ikkje stå på ein scene lengre, men eg vil gjerne hjelpa til. Dessuta saknar eg sjølve klubb-konseptet med teateret, at me fekk leika oss når det ikkje var stykke.

So eg vart med i Improvisasjonsgruppa til Immaturus. Hadde det sers moro der i dag :-) Lengje sidan eg hev fengje «lov» til å leika på den måten.

So no i helgi på vetterlæger med NMU, og neste torsdag improgruppa att…

Det kjenst godt! :D

Bustaden i Fredrik Meltzers gate 38

Mamma spurde so frekt um 50-100 bilete av den nye bustaden. So heldig er ho ikkje, men eg kunne ikkje godt segja heilt nei helder, so eg tok eit par-få bilete og ein video:

Me var utruleg heldige som fann ein bustad, det var faktisk ganske vandskeleg å finna noko som var fint nok til at eg fekk høyra Helene syngja um morgonen, som kosta mindre enn noko som ville totalt ruinert oss (no ruinerer det oss berre) og som var ganske midt i sentrum. Men det gjorde me altso til slutt!

Det var ein del ting å fiksa, som det alltid er når du flytter til ein ny plass. Mest upplagt er badet, der det hev vore ei vasslekkasje, slik at det skal fiksast av folk no i helgi (når me er i Oslo). Men det var ikkje slike ting eg meinte, eg meiner meir «gjera det fint og leveleg».

Me prøver å ikkje bruka for mykje pengar, so sjølv um me fort kunne svidd av 1.5K på ein brukt sofa, so fekk eg Helene til å leita litt til. Ho var bra forelska i den sofaen, men ho fann til slutt ein som var gratis og «heilt OK».

Men korleis flytter du ein sofa frå ein ende av Bergen til den andre? Lite vits å betala 800 kr for å leiga ein bil når me stresser raui av oss for å gjera ting billeg. Det voldte meg mykje smerte, men til slutt ringde eg Dag (ven av familien) som hjalp meg med å henta og køyra sofaen til oss.

Då Helene kom heim frå den engelske plasseringstesten 1 hennar (ho fekk toppscore!) vart ho bra yverraska; sofaen var finare enn ho hadde trudd. Ho var fylgjeleg kjempeglad.

Det vetle problemet ut av vegen, til eit anna. Ljos. Staden hadde ingen ljos, rart nok. Menmen, slik var det no ein gong. So etter litt «ugh, det er ingen ljos her» eit par dagar, stakk me ut på IKEA. Litt fram og tilbake vart det sjølvsagt, men til slutt tok me berre det billegaste som ikkje såg ekstremstygt ut.

Sidan taket er i gips, og eg aldri hev gjort noko som helst med gips fyrr (åvel, laga ei maska ein gong) var eg ganske i vilska yver kva me skulle gjera. Eg ville jo ikkje øydeleggja taket.

Til slutt prøvde me no ut å hengja upp ein krok rett i taket, det gjekk jo det; lampa er heldigvis lett. Eg kaupte inn slike gips-plast-ting, men me hadde ingen drill. So rett i gipsen. Kabelen heldt eg fast med slike kabelholder+spiker-ting, og det såg heilt OK ut til slutt.

Helene hjalp forresten til. So då fekk me ljos. Og det var ein stor forskjell! Det vart totalt bekmyrkt kl. 16 kvar dag. Litt koseleg var det, men på eit punkt fær du nok ;-)

So det var det, ei lita soge um bustaden her i Fredrik Meltzers gate 38.

Forresten, no hev de alle adressa mi;

Fredrik Meltzers gate 38
5007 Bergen

To flugar i ein smekk, heh.

So no er det so koseleg her, berre kom på vitjing :-) (Helene er alltid redd for at eg er so negativ på netsida mi, so må enda det veldig positivt ;-) )

  1. Helene skal ta eit kurs for å til slutt gå upp til IELTS-testen som ho treng for å studera ved engelskspråklege universitet. []

Skaffa leigebil til Oslo

So, alle innleggi mi handlar um reising for tidi. Jaja. Eg må til Oslo for å flytta tingi mine her til Bergen. Det er so irriterande å mangla alt, spesielt når eg veit at eg hev mykje av det i Oslo.

So, korleis skal eg løysa det? Dette var planen min:

  • Ta toget til Oslo
  • Rydd og gjer klar tingi mine
  • Leig ein billig bil eit døgn
  • Køyr til Bergen
  • Last av
  • Snu, køyr attende til Oslo
  • Ta toget «heim att» til Bergen

Ei satans reise med andre ord. Men so sa ein lur person (orsak, totalt gløymd kven), kva med å leiga bilen i Bergen og berre køyra Bergen-Oslo-Bergen?

Hekkans smart! Heilt utruleg at eg ikkje kom på det!

Det hadde sine grunner, desse problemene dukka upp:

  • Då hev eg ingen «fritid» i Oslo til å pakka/finna ut kva eg skal taka med til Bergen.
  • Det vert veldig stressande.
  • Eg kjenner ingen billege utleigeselskap i Bergen (og rent a wreck er på Flesland, ugh)

Men eg søkte no rundt. Fann ut at eg fær, som medlem i Motorførerenes avholdsforbund 10 prosent avslag hjå Budget. Eg sjekka eit drøss andre òg, men Budget var verkeleg billegast sjølv utan rabatten frå MA. So, kalaset kom på 895.

Vel. Før ein heil masse gebyr det ikkje stod noko um fyrr i eposten eg fekk etter tingingi var klar.

Eg må betala 125kr i bot av di eg er under 25 år, OMG! Gidd å sei i frå um det.

Eg må betala 100kr i avgift av di eg køyrer i byar som hev AutoPass-brikker. Ugh. So det vert nok litt dyrare til slutt, saman med bensin då.

Jaja, det var eigentleg ingen annan måte likevel, eg kann ikkje taka med meg so mykje på tog. Til slik flytting treng du nesten bil.

På veg til Bergen

Då drog eg frå Stavanger i dag. Litt problem med bilen som eg skulle levera; ingen bensin att 1! Problemet er at han ikkje lyser når det er lite drivstoff att slik alle andre bilar gjer.

Heldigvis hadde eg sett av god tid (for eg hadde ærend å gjera), so denne gongen kom eg fram til kystbussen godt i tide.

Same kva, no sit eg på MS Stavangerfjord på den vesle Eee-pcen min (namnet hennar er faktisk Fjord :-) ) og tenkte eg for ein gong skuld skulle bruka kamera som sit i maskini.

Me ser jo fort at det absolutt ikkje er laga til å taka bilete med, men til videoprat o.l. Same kva, de ser jo at eg er i live.

No legg ho til land, eg må inn i bussen att (ikkje det, eg hev jo internett same kvar eg er i landet, men eg leser bok på mobilen der) :-)

  1. Mamma, Pappa og Kitty Karina hadde same bensin-problem på nyttår. []

Garborgheimen og Knudaheio på jæren

Helene er ein stor tilhengjar av Arne Garborg, og eg tenkte me godt kunne taka ein tur utanfor byen, so me dreg til Garborgheimen og Knudaheio.

Irriterande nok gjekk kamerabatteriet ganske tidleg uppe på Knudaheio (som var ei hytta Arne og Hulda) bygde då Arne fann ut at Jæren ikkje var so feiande flott som han hugsa.

Eg forstår ikkje det, jæren er kjempeflott. Helene trudde Knudaheio var langt vekk frå barndomsheimen hans Arne Garborg. Slik var det ikkje, litt lengre inn på høgjæren men ikkje lengre enn ein 5 kilometer.

Parkeringsplassen til Knudaheio var totalt nedsnødd, so me parkerte i «all parkering forbudt»-snuplassen. Austsida av skilta var på nynorsk, medan vestsida var på bokmål.

Som sagt gjekk batteriet. Ganske irriterande iom. at soli gjekk ned og den gyldne timen starta der du fær dei beste bileti. Eg hadde nett fenge humøret yver meg, og då gjekk batteriet.

Fekk so vidt eit par bilete av Helene saman med ein stein som var hogd ut som Arne Garborg. Det vesle raude huset/hytta i bakgrunnen er hytta deira.

Same kva, det var ein flott koseleg tur :-)