Kategoriarkiv: Kortnytt

Kortnytt i nyhendestraumane

Eg la til Kortnytt i nyhendestraumane (RSS) no. Tenkte dei som abonnerer på nyhendestraumen vil at det skal vera noko nytt litt oftare, då er jo dei små fillesakene i Kortnytt greitt å ha med.

Forresten, vil de at eg skal leggja heile innlegga mine ut i straumen? Om eg får eit par ønskje om dette, skal eg gjera det.

Dyr rekning for heimesida

Då dumpa ei rekning ned i postkassa. 660kr for vevhotellet mitt der eg hev heimesida og alt. Hum. Eg synest det byrjer bli litt dyrt eg. Er sikker på at det finst mykje billigare løysingar no for dagen. Kanskje eg burde bruka hotellet meir då, sidan eg betalar så mykje. Kanskje eg får eit spark i baken og skriv litt meir? :P

SATAN INNI HELVETTE DRITTSYSTEM!

SATAAN INNI HELVETTE!! No hadde eg nett skrive eit superlangt innlegg om nynorsk. Bruka over to timar. Sjølvsagt klåra eg gjera noko litt for fancy på tastaturet slik at eg mista jævelskapen! INNI ÆÆÆÆÆÆÆÆÆRGH!!!! :((((( Faen! Neinei. No får de heller venta to veker til på oppdatering. NO ER EG LEI FOR FAEN.

Heime åleine

Eg er heime åleine desse dagane i byrja av påska. På onsdag reiser eg med Espen og co til Mosterøy. Mon og tys jobbar eg. Nett no er det skralt med mat, eg må visst handla inn. Hev lura Helene til å laga mat til meg på mondag, så det er ein dag eg ikkje treng stressa; men elles må eg finna på noko.

Så, – no er det berre å koma på vitjing til meg! Eg hev opne dørar. Wohoo. Masse kaffi og kak… Hum, eg får lera meg å laga kaffi då – og laga kakar. Om eg får folk. Så, pliiiis, kom på vitjing.

Amandus, lillehammer

No er eg på filmfestivalen Amandus i Lillehammer. Dette er dagen då prisutdelinga skjer; det blir moro. Me har vore på forskjellege kurs og hatt det utruleg moro. Eg er her med Pia mi, filmen eg hjalp Johan laga.

Det er gode vinnarsjangsar; det blir moro å sjå korleis det går. Kan hende eg skriv eit litt større innlegg om turen; eg har iallfall laga videodagbok. (Må testa slikt òg)

Glaaaaaaaad i Rebeccapus

Oooh, eg er så GLAD i kjærasten min. Ho er superdupersøt og verdas beste kjærast. Ho er herleg, snill og veldig flink. Men mest av alt så er eg jysla glad i ho. No har eg ikkje sett ho på leeengje, og eg savnar ho faktisk. Eg ville vera med ho. No :(

Eg plar ikkje savna folk, så det må vera veldig spesielt. Eg skal sjå ho på fredag. Men det er jo leeengje til. Akk. Jaja. Det er vel eigentleg berre bra. Det er moro å savna nokon; kjenner ikkje på kjensla for ofte. Gler meg iallfall til eg ser Labeccapusen min igjen! :D Men. No. Må. Eg. Sova. Ikkje tulla meir. :S

Rebecca+Odin!!! :D

Mimi er kjempesuperkul

Mimi er dritkul. Eg fraus 1.5 timar i det superkalde vêret, men eg ville ikkje gå; det var jo så koseleg. Mimi er ei veninne frå teateret, sjølv om eg ikkje hugsa ho igjen då eg traff ho for eit år sidan. No burde det vera motsett sidan ho er den store skodespelaren, medan eg ser på, og blir engasjert og impontert.

Men då igjen, eg veit ho ikkje gjer slik. Slemme Odin. Ho speler Nora i «Et dukkehjem­» på teateret. Alle sjå!!! Wohoo! Zzz.

Ah, helsing er DIGG

AH! Han nikker til meg, helser. Syklar gjer han. Wohoo. Eg kjende meg allereie glad, men no blei eg heilt frå meg av glede. Eg helser tilbake. Han helser, …igjen rett før han er forbi meg. Hahah :D Eg er kjempeglad, ååå. Det er så flott å smila til folk som går forbi.

Trur ikkje han meinte å helsa på meg fyrst, men eg tok det slik; og det fekk jo ein veldig vakker slutt! Resten av dagen har eg helst og storsmilt til folk. Ahhhh.

Ein fotoamatør tek overeksponerte bilete

Ååå! Vakkert bilete av den vakre kjærasten min Reb. Men AKK. KORLEIS INNI HELVETTE SATAN KLÅRAR EG TAKA OVEREKSPONERTE BILETE!?!?!? :(((( Nybyrjar :( Trudde eg heldt meg over slik standard.

Det var rart, eg hadde jo på automatisk (p) – med +0.3 EV… Kanskje eg trudde eg hadde det, men hadde noko anna :\ EXIF-informasjonen seier eg har hatt det på manuelt. Eitt bilete har eg take med (P). Off. Så dei fleste bileta eg har take i det siste er dårlege. Take av ein ekte fotoamatør; meg.

Rebecca, overeksponert