Kategoriarkiv: Bilete

Eit objektiv eg ikkje visste fanst: 28mm f/1.8

Eg plar sjå på bileti til Mariell Øyre, som eg kjenner gjennom målungdomen, og lura litt på kva objektiv ho brukar for å taka dei. Bileti hev den herlege korte djupdeskapheiten som tyder open blendar og eit ljossterkt objektiv (pluss stor biletbrikke). Eg hev vel ofte tenkt at ho brukar den same 50mm f/1.8-objektivet som eg hev teke mine finaste bilete med i det siste. Likevel hev eg ofte sett at det ikkje liknar ein 50mm i det heile teke.

I innlegget hennar um jolegåvor såg eg eit biletdøme som heilt umogleg kunne verte teke av ein 50mm, og litt lengre nede skreiv ho at ho hadde tenkt å kaupa ein 50mm f/1.8.

Ok, so det er tvo moglege svar: Mariell hev brukt masse pengar på eit ljossterkt normalobjektiv (28–32mm for digitale speilreflekser vil eg tippa), eldes so finst det eit objektiv til ein god penge som eg ikkje kjenner.

No kann det godt henda at Mariell hev eit dyrt objektiv, ho driv jo faktisk med foto (slik eg forstår), men same kva so fann eg:

Sigma 28mm f/1.8 makro

Det finst eit ljossterkt normalobjektiv til ein billig pris! :D

No hev eg nett fengje Sigma 10–20mm f4–5.6 (av herlege Helene!), som er eit dritkult objektiv. Problemet er sjølvsagt at det krevjer mykje ljos, so det er for «studio» elder ute. 28mm tilsvarar 45mm på fullformat (altso vanleg 35mm film), og der er 50mm eit «normalobjektiv». 20mm heilt klart eit vidvinkelobjektiv, og med ljosstyrke på f/5.6 er supermørkt. So eg treng eigentleg eit ljossterkt normalobjektiv. Dessutan. f/1.8. Eg treng ikkje segja meir.

Ok, kannhenda ikkje alle forstår det,—men de kann sjå på bileti på bloggen til Mariell, dei ser ut til å vera tekne av det objektivet nesten alle saman.

Forresten synast eg synd på 18–135mm f/4–5.6 VR kit-objektivet mitt frå Nikon, det er ikkje kult og hipt lengre. 10–20mm-en er ein kul vidvinkel, 50mm-en hev høg ljosstyrke og tek fantastiske portrett. Og no vil eg leggja ein 28mm f/1.8 til i baggen, som er eit ljossterkt normalobjektiv. Det einaste eg treng no, er eit OK-ljossterkt teleobjektiv (OK, dei er skitdyre!) og so treng eg ikkje kit-objektivet til stort lengre.

Eg hev lyst på nytt objektiv

axelbs kom inn på PING med det nye objektivet si for nokon dagar sidan. Det var eit Nikkor 50mm f/1.8-objektiv, ganske likt (om ikkje heilt likt) som det eg skal kaupa ein gong (:p). Det er eigentleg tvo 50mm-objektiv eg ser på, f/1.8 og f/1.4. Men lat oss fyrst sjå på tvo bilete eg tok med kamera, det eine med det objektivet eg hev no (Nikon Nikkor 18–135mm f/3.5–5.6), det andre med objektivet til bs (Nikon Nikkor 50mm f/1.8).

Nikon Nikkor 18–135mm f/3.5–5.6, på 50mm med blendar 5.0 og lukkar 1/4 sek

larsod med Nikon Nikkor 18-135mm f/3.5-5.6, på 50mm med blendar 5.0 og lukkar 1/4 sek

For å forklara litt for dei som ikkje er heilt «inne i» kamera-terminologi. 50mm seier kor mykje eg hev «zooma inn», so eg hev «zooma inn» like mykje som den faste linsa til axelbs «ser». Mitt objektiv gjeng frå 18 til 135mm, so det er ei «zoom-objektiv». Eg kann endra utsnittet. For å laga ei zoom-objektiv treng me meir glas (fleire linsor) enn når me lagar eit objektiv med fast optikk. Eit objektiv med meir glas tek vekk meir ljos (ljoset må gå gjennom fleire glas). Altso, kort sagt; mi zoom-objektiv slepp inn mykje mindre ljos enn axelbs sitt faste objektiv. Me plar visa kor mykje ljos som slepp inn gjennom objektivet med f-stop; jo lavare dette talet er, jo meir ljos slepp gjennom. Som me ser på mitt objektiv, so er f-talet 3.5 når objektivet «ser 18mm» (er heilt zooma ut).

18-135mm linsa

axelbs sitt objektiv kann stoppast heilt ned til f/1.8 når han er 50mm (som han er heile tidi). Han slepp altso mykje meir ljos inn. Lat oss sjå på larsod gjennom axelbs sitt objektiv:

Nikon Nikkor 50mm f/1.8 (50mm (sjølvsagt) blendar 1.8 og lukkar 1/25 sek)

larsod med Nikon Nikkor 50mm f/1.8 (50mm (sjølvsagt) blendar 1.8 og lukkar 1/25 sek) 50mm-linsaDette biletet ser veldig annleis ut. Sjå kor godt fokuspunktet i biletet er separert frå resten. Sjå kor dynamisk biletet er – kor lite «flatt». Dette er berre «peik og klikk», ingen av bileti var meint som noko meir enn enkel test. Likevel hev dette biletet ein mykje større estetisk kvalitet enn det andre. Hadde eg hatt eit lite drittkamera (Ixus, Cybershot og andre kompaktkamera) kunne eg prøvd teke det same biletet med det kamera; det hadde vorte det dårlegaste av alle. Men attende til saki; du seier kannhenda:

«Men kva med ljos som du prata um, desse bileti ser jo ganske like ut der!?»

Ja, det er jo greitt nok å forklara. Eg hev ikkje prata um lukkar, lukkar seier kor lenge kamera hev «lukkaren» sin open når han tek biletet. Altso, kor lengje han let ljoset strøyma på biletesensoren. Det fyrste biletet med mitt objektiv trong 1/4 sekund, altso 0,25 sekund. Det er veldig lengje når ein held eit kamera for hand. Ser du på biletet so ser du at det er litt rørsle i det grunna dette. Då vert biletet uklårt og ikkje bra. Med objektivet til axelbs klarte kamera å taka same biletet (med nok ljos) på 1/25 sekund. Mykje snøggare (raskare). Difor plar ein seia at objektiv som hev lågare blender-verdi er «snøggare objektiv».

f/1.4 eller f/1.8

Objektivet eg eigentleg vil kaupa er 50mm f/1.4, og ikkje f/1.8 som axelbs hev. Men det er store skilnader i pris på desse tvo. f/1.8 kostar 900 kr, veldig billig, f/1.4 kostar ~2500 kr! Dette for eit objektiv som er 0.4 f lysare. Men det kann visa seg å vera masse, difor vil eg testa båe objektivi fyrr eg evt. kauper eitt av dei.

Hev merka meg at det eg likar best å taka bilete av, er folk. Og dette er eit veldig godt portrettobjektiv. Forresten fekk eg eit herleg innspel på eit av bileti i biletegalleriet mitt i går:

Nice. Et av de beste bilder jeg har sett av ikke-proffe på lange tider. Utrolig søt jente og da :) Heldiggrisen ;-)

Slikt fær meg til å vilja taka endå fleire bilete. :]

Oppdatert: Endra linsa til objektiv, og fiksa dei tvo gongene eg hadde skrive alex til axel.

Espen er klar for krig igjen

Etter ein lang 10-dagars ferie frå krigsforbereding, må Espen tilbake. I denne tida har han latt u-krigslege ting skje; håret hev take overhand. Før han tek toget tilbake imorgon må det difor vekk. Hår er slemme greier i krig – generalane vil ikkje lata soldatane deira bli for lette bytte mot jentenes kjende torturmiddel. Nokon måtte jo gjera denne tunge jobben, og kven kunne vel ikkje gjera det meir perfekt enn meg, Odin!? :D

Sjååå, er han ikkje fin etter skamklippen? :D

Espen fekk seg ein hårklipp

Espen seier:

Yes! Klar for krig!

På Kviteseidtur med Rebecca

I helga var meg og Rebecca på tur i Kviteseid. Der var det kufestival og kjempemoro! Eg storkoste meg – kjempeherleg å vera på tur åleine med Rebecca. Eg vonar me kan gjera det oftare.

Etter ein herleg køyretur over Suleskar til Kviteseid kom me til morfar sin hybel. Me helsa på han og fekk nøklane. Kom oss inn i det vannskada funkishuset og fann ut at det berre var eitt rom ledig. Det var fyllt opp av pappesker med ei lita dobbeltseng heilt på sida. Eigentleg er det ein sofa, men fungerer som båe.

Elles var det dritvarmt oppe i andreetasjen kor alt utanom badet er. Me måtte opp med vindauge overalt. Me sov gjennom natta og eg vakna i 5-tida – Rebecca var óg vaken, så me starta snakka og kosa oss. Det var heeerleg, kvit seng, fuglane song utanfor, ljoset frå sola skein inn og alt var kjempeherleg.

Rebecca et ostebrødRebecca i Kviteseid

Etter ein dusj sat Rebecca seg ned med pianoet. Det var kjempestilig ljos – så eg tok bilete. Det gjorde eg fleire gongar på turen. Tok ikkje bilete av stort anna. Sjå på galleriet. Eg hev ikkje tid til å skriva meir. Sjå på bileta :-)

Alene, biletefangst

Eg har meldt meg på eit fotomaraton på Storedyret og i den anledning skulle eg take eit bilete med tema «alene­­». Sidan eg var vond i hovudet tenkte eg at eg skulle take ein tur ut, mosvatne passa bra.

Båssdunk utan kamerat

Svanemor vil vere åleine

Den grå blokka er åleine

Åleine; søppelet finn heldigvis ingen vener her

Åleine på ein benk

Teit nok bruka eg dette biletet; er ikkje det teit!?

Skriv litt seinare, Espen ventar…

Gimping, Katrine

Litt kjapp gimping til Robert. Han skal ha eit bilete til ein postmodernistisk film han lagar («Monofunk», eg spelar faktisk i han) av hovudpersonen. Han viste meg bileta; dei var kjempeflotte. Så eg leika litt med dei.

No er for det fyrste Katrine ei så vakker og fotogen jente at ho tek seg kjempebra ut på bilete utan nokon hjelp. Dessutan er bileta Robert kom med teknisk veldig fine òg. Så kvifor eg sit og pusser på så flotte bilete er litt rart. Eg har lura på det sjølv. Men likevel, eg ville teste litt i dei små timar mot avslutningsfesten på skulen imorgon.

Bilete

Gimpa Katrine

  1. Dette er originalbilete. Som de ser; veldig bra. Kryssreferer alle bileta med dette.
  2. Her har eg berre skarpa det opp, og justert levels bittelitt. Dette er noko eg gjer med dei fleste bilete eg viser til folk. Veldig standard bileteredigering. Tek meg ca 1 min å gjere dette. Eigentleg treng eg ikkje gjere meir enn dèt med biletet. Er nemlig fint allereie her. Dette er biletet eg synest er best. Men testing, testing.
  3. Dette laga eg for lenge sidan. Eg skulle prøve å mjuke biletet opp. No ser eg jo at det ser forferdeleg ut :S Uff. Heh. Jaja.
  4. Laga på same måte som det til venstre, veldig enkel overlay med blur, og screen justert åt eit høveleg nivå. Elles har eg laga eit eige lag der eg har maska ut augo; laga meir smell i blåfargen og bruka «color» som blendingmode. Dette er noko eg gjer ofte med bilete, sidan det gjer greie resultat på kort tid.
  5. Hehe. Eg liker dette. Særs enkelt laga. Var det fyrste eg gjorde; berre enkel testing eigentleg. Men eg likar kontrast og utheva trekk. Kanskje eit litt spesielt bilete.
  6. Rubberstamping; flekking, eller kva ein kallar det. Noko eg ikkje likar gjere. Eg har gjort det for mykje på dette biletet òg – sidan skyggen som gjer form til nasa med augo er vekk. Difor ser ho litt annleis ut. Burde lagt på litt skugge der. Men det gidder eg ikkje. – Det du ser her er noko dei gjer i alle moteblad o.l. Som du ser er Katrine særs glatt (og kei, spør du meg) i fjeset no.

Burde eigentleg vist litt betre, men eg tek heller det eg allereie har. Så slepp eg jobbe så mykje ;) Nokre forslag? Kven likar de best og kvifor?