Velmont - Odin Hørthe Omdal » Ferdige

Laga film med Jon og Espen i dag

Odin Hørthe Omdal — Tue, 23 Jun 2009 22:44:27 +0000

So fekk me endeleg gjort det. Var ikkje so ovmykje smerte som skulle til. Det tok ikkje lange tidi helder. Eg kom til Espen ca. kl. 1800 då dei [Espen og Jon] sat og spelte FIFA. Det heldt dei fram med ei tid fyrr me starta.

Eg hev hatt ein heilt super dag i dag. Det var kjempemoro å laga film.

Me hadde planar um å få til noko lite, men likevel av høgare kvalitet enn det me normalt gjer (vel, normalt og normalt, det me gjorde som småungar på ungdomsskulen). Litt meir gjennomtenkt og -arbeidd. Dette skulle me bruka tvo kjappe dagar på, men eg fekk ikkje tak i ljos på sundagen, so me korta det ned til ein dag.

So dreit me i ljos i det heile teke, og no gjekk det verkeleg frå «høgare kvalitet enn normalt» til «det same lågkvalitets upplegget som alltid». Jajo. Me mista totalt all ambisjon. Gadd ikkje taka med nokon andre, av di er det berre oss tri so hev me det moro og treng ikkje laga noko bra. Vil ikkje sløsa tidi til nokon andre når det ikkje vert noko å ringja heim um likevel.

Me kasta manus og kom på nye idéar medan me filma, det vart ein del «goofs» og me hadde det generelt sett moro. Veldig moro. Og der er ein del av verdien. Eg hadde ein skikkeleg god dag i dag, det var veldig koseleg. Og sjølv um det ikkje er noko som kann brukast på nokon som helst måte so er det moro å hava endå ein «film» (vel, leik + eit kamera) under beltet.

I slutten gjekk alt veldig kjapt, som vanleg. Me visste alle at all profesjonalitet var kasta på båten og kjappe idèar og løysingar (enn kor rare) vart løysingi. Det er no eigentleg endå meir morosamt å «jobba» på den måten (ok, eg bør seriøst leggja av gåseaugo no («»)).

Då me raskt og gale slutta av, fann eg ut at me måtte prøva redigera det med ein gong. Det plar verta til at dei aldri vert redigerte med mindre me startar rett på. Espen hev Sony Vegas, men det viste seg at den ikkje stør MJPEG. So eg måtte nøya meg med Windows Movie Maker. Det var eit heilt ekstremt treigt program, som var ganske so ilt å jobba i. Me gav upp då Espen fortalde meg at eg ikkje kunne fjerna ljod frå eit klypp.

Men so starta eg att, berre for å få saman noko. Det kunne jo ikkje verta verre enn ein uklypt film. So ljoden er endå verre enn biletet og historia og resten av filmen. Hadde me fylgd manus hadde nok filmen vore litt klårare. Miljøet som han skulle vera plassert i er òg totalt feil. Det vert meir feelgood enn mørk film noir. Flatt keisamt ljos. Hadde ikkje alle objektivene med meg. Men brukte nesten berre vidvinkelen likevel. Dessutan vert det brudd på handlingsaksen (elder kva ho no enn heiter) når eg ikkje planlegg kva side eg skal skyta på. Eg trur ikkje folk vert so lett forvirra av slikt i dag, men det ser stygt ut iallfall. Jon på høgre side, Espen på venstre, plutseleg neste klypp so er dei motsett av di eg er på den andre sida. Amatørfeil. Men eg veit i det minste um det, og visste det tilogmed då eg tok det upp

Men skal eg segja deg kva?

Eg synast filmen er dritkul same faen. Eg luktar ein remake neste gong me treffast, då litt betre. Kannhenda me kann laga han um att og um att heilt til han er presentabel nok til å putta andre stader enn netsida mi.

So kann du få sjå han um du vil. Berre hugs at dette er laga veldig kjapt. Og at han er klyppa i Windows Movie Maker av Windows-gretne Odin. ;] Kannhenda eg klarar klyppa han på ny i Cinelerra, ein eitt hakk betre versjon.

Netlesaren din stør ikkje video-taggen, du kann lasta ned/sjå videoen på ein annan måte då; Orddelingsbyrået, av Odin, Jon og Espen. Laga i windowsmoviemaker, juni09

So, trass alt, kva tykkjer du?

Mogleg relaterte innlegg

Espen hev (nesten) fengje kjærast

Odin Hørthe Omdal — Thu, 15 May 2008 16:06:40 +0000

So meg og Espen hadde lite å gjera på ein dag. Som normalt. Eller, eg hev no masse eg kann gjera, men eg vel å ikkje gjera noko. For eg er jo trass alt sjuk og ikkje minst sjukeleg lat. Er stress å vera lærar.

Same kva, eg tok fram kamera – og filma, vel, ingenting. So her hev de ingenting! Versogod!

Videoen er i Ogg Theora (eitt FRITT videoformat). Du kan “lasta «Ingenting med Espen (han hev snart kjærast)» ned”:http://www.ping.uio.no/~odinho/filmar/080515-espa-kjaerast.ogg, men må ha ein avspelar som “VLC”:http://www.videolan.org eller liknande for å sjå han. Avspelar som er bruka er GPL-a “Flumotion Cortado Java applet”:http://www.flumotion.net/cortado/.

Eg ler som ein mongo i videoen. Haha.

Velvel, men meg og Espen heng mykje um dagane. God gang fiskestang.

Mogleg relaterte innlegg

Månadens video: Telefonpimpin’

Odin Hørthe Omdal — Mon, 10 Jul 2006 16:30:17 +0000

Dette er ein særs gamal video (frå 2001). Mange av dykk hev sett han allereie, men då i ein litt stiligare innpakking med musikk. Musikken er take vekk litt på grunn av at eg ikkje gadd å finna han fram igjen (+ ikkje hadde tid) og litt på grunn av rettighetsdrit. Eg lot teipen gå litt lengre på denne videoen, så det er «ekstramateriale» av kva me gjorde rett etter me hadde laga Telefonpimpin’. Det er ein grunn til at eg aldri hev vist det før…

Det er nemleg superkeitt og -dumt. Eg trur ikkje Espen vil bli overglad av å sjå etterhenget. Og eg veit Jon ikkje likar Telefonpimpin’ i seg sjølv, men det er ein klassikar – og han må visast!

Videoen er i Ogg Theora (eitt FRITT videoformat). Du kan lasta Telefonpimpin’ ned her, men må ha ein avspelar som VLC eller liknande for å sjå han. Avspelar som er bruka er GPL-a Flumotion Cortado Java applet.

Mogleg relaterte innlegg

Månadens video: Videodagbok frå Amandus

Odin Hørthe Omdal — Sun, 04 Jun 2006 23:45:20 +0000

Eg skall prøva starta noko nytt. Kvar månad rundt den femte skall eg leggja ut ein video. Fyrst ut er videodagboka frå Amandus. Meg, kamerat Espen og kjærasten min Rebecca drog til Amandusfestivalen i Lillehammer for å representera ein film. Eg laga ein 6 minutters lang versjon av turen; sjølv om eg hev 2 timar og 30 minutt med råstoff.

Eg hev tenkt å laga ein podcast (ein RSS-feed) av videoane, men hev ikkje gidda finna ut korleis endå. Trur eg lagar dei for hand, gidd ikkje stressa med å finna eigna program til det. Er jo XML, enkelt. Eg veit ikkje heilt kva eg skall skriva til desse videoane, kanskje ikkje for mykje. Kom med forslag. Men før den tid; her er videoen:

Videoen er i Ogg Theora (eitt FRITT videoformat). Du kan lasta Amandus-dagboka ned, men må ha ein avspelar som VLC eller liknande for å sjå han. Avspelar som er bruka er GPL-a Flumotion Cortado Java applet.

~~Om eg får tilsaman 10 fornuftige kommentarar på dette, skal eg leggja ut heile Mmmmmbop-songen til meg og Espen.~~ Eg fekk over 10 gode kommentarar, så her er heile songen: Odin og Espen syng Mmmbop (Ogg Vorbis).

Mogleg relaterte innlegg

Film, Pia mi

Odin Hørthe Omdal — Sun, 12 Jun 2005 22:50:07 +0000

Har du nokon gong hatt ein draum så hugnadsam du var sikker på han var røynleg? Har du nokon gong hatt ei røynd så fjåg du var sikker på ho var ein draum? Eg har vore så heldig å få vere med på å lage ein kortfilm med ei søt lita historie. No er endeleg filmen ferdig.

For nokre månedar sidan var eg med Johan Nåden Dyrstad for å hjelpe med/dokumentere filmen dei laga. Han hadde gjeve rollene til Olec og Pernille frå Lilla som eg spelte saman med dei i. Johan er ein av elevane til Skjalg Omdal (pappa) på Randaberg VGS; filmkunnskap.

Det er Johan Nåden Dyrstad som står for manus, regi, foto og klipp. Så det er hans film på mange måtar. Manus er skrive ut frå ein lyrisk prosatekst av Bjarte med namn «Noen har ligget i senga mi». Johan lurte på om eg ville vere med på produksjonsdagen; det ville eg sjølvsagt – så eg kom ned med eit kamera for å take litt produksjonsvideo. Skal sjå om eg får laga ei lita snutt etter eksamen. Eg filma dei litt medan dei heldt på – medan eg kom med inspill då eg kjende for det. Då me var klår fekk eg ansvar for ljoset sidan ingen hadde erfaring. Eg hadde trass alt bittelitt + ein del teori i bakhovudet. Me sleit mykje med ljoset av di me mangla blåfilter; difor blei det forskjellig fargetemperatur på ljoset frå vindauge og det «kunstige» ljoset.

Me hadde 3 digre ljoskastarar – men utan dimmar! Kunne altså ikkje gjere ljosa svakare enn dei var, dei var konstant kraftige ljosbomber. Måtte finne fleire kreative løysinger for å få bukt med dèt problemet. Masse reflektering, matpapir og anna. Fleire gonger tok matpapira fyr – og me måtte byte dei ut. Skuggar og anna var òg eit problem – men eg synest det blei ganske bra til slutt. Det var utruleg moro å få vere ljosmeistar på ein film av Johan. Endeleg fekk eg vere med bak kamera på ein film med substans! Eg har faktisk hjulpe Robert (frå Lilla) med ein film òg; men den har eg ikkje sett.

Eg vil gjerne at de ser «Pia mi» (høgreklikk -> lagre som…), filmen til Johan og kjem med tilbakemeldingar. Om de blir verkeleg engasjerte så skriv gjerne ein kritikk med substans på Pia mi-tråden Johan laga på Det Store Dyret. Tidligare spurde Johan om stønad til fargekorrigering av filmen på forumet, og fekk hjelp av noregs beste visuelleffekt-artist Rune Spaans. Denne fyren har jobba med det meste du ser av visuelle effekter på TV2-reklamane og laga effektane til Monstertorsdag. Eit lite utklipp av det han sa om bileta Johan hadde lagt inn frå Pia mi:

Jeg gjorde ikke så mye med kontrasten i bildet, siden jeg synes den var ganske fin. Du har gjort en bra jobb med lyssettingen, det er fine graderinger i ansiktene til personene.

Heh. Ein blir mållaus av slikt :] Skryt frå Spaans. Det er kjempemoro. No var ikkje ljosjobben min åleine, men me gjorde det bra som eit team – blei like fullt glad for den kommentaren der. Så om du ikkje har gjort det allereie; last ned og sjå Pia mi!

For å sjå filmen må du ha ein MPEG4-dekoder. Har du ikkje dèt installer denne kodeken (XviD, for Windows), han er spyware/malware/reklame-fri.

Oppdatert: Det er ein anna tråd om «Pia mi» på akam forumet no. Det er nesten blitt ein Pernille-fanklubb.

Om plassen der filmen ligg er gått over grensa si, kan du laste ho ned her: Pia_mi.avi (Høgreklikk -> Lagre som…). Men prøv den andre fyrst er du snill! :)