Kategoriarkiv: Tidsfordriv

Raudt, miljø og det som er skrive mellom linene

Eg såg at Raudt hadde lansert miljøkampanja si på Twitter, og lo godt då eg såg sida dei hadde laga for det:

«Miljøpartiet Rødt». Eg tenkte det var litt morosamt av Raudt å velja å la kampanja si få ei lita slagside mot Miljøpartiet. Det framstod som ein (veldig) mild variant av AUF sine fæle flygeblad mot Høgre. Vel, ein ekstremt mild variant, men likevel vart eg altso litt overraska. Eg hadde ikkje venta det av Raudt.

So eg sende ein venlegsinna kvitring om det:

Veldig morosamt at Raudt prøver stela stemmer frå Miljøpartiet Dei Grøne. Er de verkeleg so desperate? :D

Eit stikk i sida attende. Skulle eigentleg ynskja eg heller hadde skrive at det var morosamt at Raudt refererte til MDG i miljøkampanjen sin, for det hadde fått meg til å sjå litt betre ut. Sidan saka eigentleg ikkje gjekk på å stela røyster, men å referera til MDG på ein veeeldig sniksam måte medan dei samtidig gjev eit spark med «me har den beste miljøpolitikken», som må få vera ei ærleg sak å meina.

Eg kan ærleg sjå at den kvitringa mi aller enklast lesast som at eg trur MDG har einerett på miljøpolitikk, so eg kan godt forstå eit par av reaksjonane som var på sin plass når eg vår sopass uklar. Og sjølvsagt spissa eg det litt óg for å få det interessant ;-)

So alt var fint og bra. Eg venta å få eit slags tilsvar, men rekna med at det ville vera underforstått mellom alle partar at Raudt hadde den indirekte referansa lagt inn.

Men slik vart det altso ikkje. Eg meiner det er uærleg å meina at du ikkje gjev assosiasjonar til MDG viss du skriv «Miljøpartiet» framfor partinamnet ditt. Same om det vart brukt slik før MDG vart eit parti. Fordi denne nye kampanja til Raudt var høgst truleg ikkje laga ei eit vakuum og heller ikkje attende på 80-talet. Miljøparti er eit vanleg ord og det er difor ikkje noko gale med å seia «Miljøpartiet Raudt». Miljøpartiet vert jo berre bunden form eintal, eit miljøparti av typen Raudt. I den ekte verda so vil det eigentleg heilt normale ordet «Miljøpartiet» ta med seg ei knytning til MDG. Det går an å argumentera for at det er eit ulada, objektivt og heilt totalt nøytralt ord – men eg trur ikkje fem sekund på at nokon faktisk heilt ærleg meiner det.

Tankerekkja mi kunne vore noko slik då eg såg kampanjesida deira:

Å, Raudt har ein miljøkampanje. Klikkepå. Kvit skjem… Der ja, Miljøpartiet Rødt. Hm. Miljøpartiet. Å assosiasjon, har høyrt «Miljøpartiet» nemnd ein heil del i det siste, kva var det, hm, jo det finst jo eit politisk parti som kallar seg Miljøpartiet Dei Grøne. Dei er einaste som har det i namnet, sjølv om _her_ er det no meint som at Rødt er eit parti som bryr seg mykje om miljø og er flinke på det. So det eg nett tenkte om Dei Grøne er ikkje det som er direkte tenkt i teksten, nei. Dei bruker det som eit vanleg ord.

Ein video, nei den har eg ikkje tid til å trykkja på nett no, la meg sjå på teksten fyrst. «Beste miljøpolitikken» seier dei ja. Kva tyder beste? Det tyder vel betre enn noko anna det då? Nokon andre som har miljøpolitikk, kven har det? Ah, eg tenkte jo nettopp på eit parti, Miljøpartiet Dei Grøne, – ah, so Raudt meiner altso at dei har best politikk, (spanande at dei meiner dei har den beste politikken! ;-) ). Nei, men miljøpolitikken er altso betre enn Miljøpartiet Dei Grøne sin miljøpolitikk. Haha, det var jo morosamt. So dei syntest altso dei var skikkeleg lure då dei la inn ei dobbelttyding i tittelen sin og fekk meg til å assosiera til dei som kallar seg Miljøpartiet. LOL ROFLMAOBBQ KTHXBYE

Altso, sjølv om «Miljøpartiet» er eit vanleg ord, so vil det i dag og med dei assosiasjonane me held til det ordet verta knytt til MDG med ein gong.

Svara eg fekk på kvitringa mi, var at dette ikkje hadde noko med MDG å gjera i det heile teke. Her lyser varslingslampar for meg; nokon gjer seg dummare enn dei er. Ja, MDG nemnast ikkje med namn ein einaste plass, og nei, eg meiner ikkje berre fordi det handlar om miljø at det automatisk handlar om MDG. Det er det so absolutt ikkje, MDG har politikk på alle område som andre parti, utan at nokon har monopol på eit visst felt. Det går jo ikkje. Å seia at eg reagerte på at nokon andre ville visa miljøpolitikken sin er ei avsporing. Det er ein stråmann; det hadde vore verkeleg latterleg om eg hadde meint det.

«Mediekonspirasjon»

Elles fekk eg dette biletet av aviser som brukar ordet «Miljøpartiet» om andre parti:

large

Eg fekk det med spørsmålet: «Går dei etablerte partia og media saman i ein konspirasjon mot MDG?»

Igjen ein måte å gå rundt grauten på. Me veit alle saman at miljøparti er eit ord som kan fungera på alle parti, og spesielt dersom dei har ei spesiell interesse for det feltet, men det vert berre eit forsøk på å koma bort frå dei eigentlege spørsmålet: «vil folk få ein assosiasjon til Miljøpartiet Dei Grøne når det står skrive på den måten i den konteksten det er i? Ja/Nei». Eg meiner altso at svaret her er «Ja», og at å visa bevis for at «miljøpartiet» kan brukast på andre måtar dimed er på sida av spørsmålet.

For partiet Venstre so er fyrste treff Venstre si eiga netside, det er diskvalifisert. Neste treff er ein wikipediaartikkel om MDG, diskvalifisert. Tredje er ei sak om at «Venstre er ikkje lengre eit miljøparti», som ikkje har den bundne eintalsform-schwungen over seg, so det er irrelevant og diskvalifisert. Fjerde og femte treff er om MDG. Sjette treff er endeleg eit som kan brukast til eit billeg poeng, «Miljøpartiet Venstre». So gjer me testen, er dette brukt utan ei referanse til MDG? Nei, lesarinnlegget i Dagsavisen handlar om MDG, so den er negativ. Sjuande treff er eit blogginnlegg, og der er det brukt utan nokon MDG-referanse, so godkjent poeng for den. Åttande sak er enno eit blogginnlegg, og der er Miljøpartiet skrive med skremmeteikn «», so det er ikkje meint seriøst. Eg kan likevel telja det med som eit godkjent poeng. Niande sak er eit foruminnlegg frå 2007, som eg óg tel med.

3 av 9 bruker det nøytralt på det biletet, og ingen av dei er media, so for «mediakonspirasjonen» vert det altso 0 rette for Venstre.

So ser me på høgre sida av biletet, der SV er med søkjeordet «Miljøpartiet SV».

Fyrste treff er i skremmeteikn frå turbil, so eit poeng, men ikkje media. Andre er ein kommentar i Aftenposten, so eit ekte mediapoeng. Andre er óg frå Aftenposten og mediapoeng. Likevel han er brukt i tydinga «miljøpartiet SV» som til forskjell frå «familiepartiet SV», iallfall slik eg leser det. Tredje er Facebook med spørsmålsteikn, so jodå poeng. Neste eit forum, med skremmeteikn igjen, kallar det likevel poeng (sjølv om det alltid vert brukt som noko negativt). Femte frå Nationen handlar om MDG. Sjette frå DN handlar om MDG. Sjuande frå Gjengangeren er visst ei avis og er poeng (sjølv om det óg vert det brukt negativt).

So 3/7 mediapoeng.

Totalt sett vil eg ikkje seia at det biletet var særleg overbevisande. Om SV vart det for det meste brukt negativt, og to av fem aviser handla om MDG. For Venstre var det ingen ekte bruk av det i media, men to treff for MDG.

At partia sjølv vel å kalla seg «miljøpartiet blabla» i presseutspel er heller ikkje særleg overraskande. Men det er likevel ikkje ein kampanje med eigen logo, og dei er ikkje eit parti som ligg i same sjiktet (må ærleg innrømma at båe MDG og Raudt er små parti). Av ein eller annan grunn har eg ikkje so høg terskel for skitne triks frå Raudt, som eg trur speler inn. Dessutan har eg ein fordom om at SV ikkje er like observante som Raudt og Venstre er (Raudt grunna storleiken sin, og Venstre fordi dei berre er slik).

Til slutt

Same kva, det var ei moro øving, men likevel på sida. Det er den veldig sniksame referansa til MDG som er poenget. Det er ei referanse som ikkje direkte, og dimed vanskeleg å kalla ut i klårtekst, men med ei kopling som dei fleste som kjenner Raudt umiddelbart vil ta. Det står skrive mellom linene, for å bruka ein vanleg uttrykk.

So det er teknisk sett korrekt å seia «me nemner ikkje MDG», men det er absolutt uredeleg å seia det, for du er ikkje eigentleg heilt ærleg då.

Dette er storm i glaskopp. Eg har ikkje noko mot Raudt, dei er for nynorsk, so det er grenser for kor gale dei kan vera. Det er absolutt ikkje mitt parti, men miljøkampanja deira er fin den, problemet mitt var at det var so uredeleg å ikkje innrømma ei tolking dei må ha vore klar over då dei lagde kampanja.

(PS, eg har ingen verv i MDG, og eg trur ingen som deltok i ordskiftet på Twitter er talspersonar for Raudt, so ordskiftet har i tillegg berre vore som privatpersonar)

Miljøpartiet Dei Grøne med den beste språkpolitikken i Noreg

Eg har videostrauma landsmøtet til Miljøpartiet Dei Grøne. Det har vore frykteleg moro.

Spesielt kjekt var det då Grøn ungdom hadde eit skikkeleg bra framlegg til nytt kapittel om språk. Det gjekk gjennom og fekk aller mest ulovleg klapping. Det fanst ikkje ein enkel plass på netet, so då eg vart spurt om kva det innebar på Twitter, fann eg ikkje noko å lenkja til. So eg limer det inn her slik at alle kan sjå kor skitbra språkpolitikk MDG no har (utan tvil best av alle parti):

Mangfold i språket

Det språklige mangfoldet i Norge er en viktig kulturell verdi som må hegnes om og dyrkes. Å synliggjøre språkmangfoldet i hverdagen, og dra nytte av mulighetene det byr på, er den beste måten å ivareta og videreutvikle dette mangfoldet på.

Samtidig vil det kreve at noen ting gjøres annerledes enn i dag. Den formelle likestillingen mellom nynorsk og bokmål er fremdeles ikke realisert, på samme måte som rettighetene for brukere av nasjonale minoritetsspråk og norsk tegnspråk står svakt. Ekstraarbeidet ved å skrive eller bruke et annet språk enn majoritetsspråket, er en av de største utfordringene for mindretallsspråkene. Det ekstraarbeidet bør så langt som mulig elimineres, gjennom å håndheve og styrke de lovfestede språklige rettighetene.

Å realisere den språklige likestillingen og synliggjøre språkmangfoldet i hverdagen innebærer ikke nødvendigvis bare økonomiske investeringer. Mye kan oppnås med nye løsninger, smartere anvendelse av utgiftskroner som allerede brukes, og bevisst bruk av det offentliges forbrukermakt – for eksempel ved inngåelse av læremiddelinnkjøp.

Med nynorsk og bokmål som likestilte skriftspråk har vi et godt utgangspunkt for å utvikle tidlig tospråklighet, med alle de kognitive fordeler som internasjonal flerspråksforskning viser at det fører med seg. I dag skusles denne muligheten bort ved at elevene altfor sent introduseres for sidemålet sitt. God allmenn kompetanse i begge skriftspråkene er også en forutsetning for overholdelsen av nynorskbrukernes språklige rettigheter.

Tospråklighetens gleder er ikke minst en mulighet for barn som vokser opp med flere språk enn norsk i hjemmet, det være seg et nasjonalt minoritetsspråk eller et morsmål fra en annen kant av verden. Rammevilkårene for å ha samisk-/kvensk-undervisning på skolen bør styrkes, og morsmålsopplæringen må gjøres fullverdig. Å lære morsmålet skal ikke bare være et støttehjul for å lære norsk, kompetansen i det bestemte språket har en verdi i seg selv, både for eleven og for samfunnet.

Miljøpartiet De Grønne vil:

  1. At ordningen med 3 karakterer i norsk, én for hovedmål, én for sidemål og én for muntlig, videreføres.
  2. At sidemålsopplæringen og kjennskap til sidemålet starter allerede i barneskolen.
  3. At Nasjonalt senter for nynorsk i opplæringa styrkes, blant annet ved tilføring av flere midler og utvidede mandater.
  4. Innføre strengere krav til dokumentasjon av språkkompetanse i lærerutdanningen.
  5. At innvandrere i nynorskkommuner skal få norskopplæring på nynorsk, og sikre den videre utviklingen av nynorskspråklige læremidler og læringsressurser for voksne innvandrere.
  6. At alle statlige institusjoner på sikt skal følge Målloven. Å tilby faglig påfyll i form av f.eks. nynorskkurs til offentlig ansatte, vil være et viktig virkemiddel i denne sammenhengen.
  7. Fase inn flerspråklig skilting (nynorsk, bokmål og eventuelt samisk/kvensk) i det offentlige rom.
  8. Vurdere justering av de språklige kravene for pressens momsfritak for å stimulere riksaviser til å oppheve sine redaksjonelle nynorskforbud.
  9. Gi norsk tegnspråk offisiell status.
  10. Håndheve og styrke elevenes språklige rettigheter. Retten til lærebøker på eget hovedmål må realiseres, og bør gjøres gjeldende også for elever som går på privatskole eller tar et utdanningsprogram med små årskull. Videre bør retten til å få en rimelig andel av undervisningen og det skriftlige materiellet fra skolen på eget hovedmål fastsettes i Opplæringsloven.
  11. Håndheve studenters rett til å få eksamen på selvvalgt mål.
  12. At det forskes mer på hva som kan gjøres for å forebygge språkskiftet fra nynorsk til bokmål blant skoleungdom, og at slike tiltak deretter settes i verk.
  13. Stille klarere krav til universitets- og høgskolesektoren om utvikling av norsk fagterminologi for å hindre domenetap til engelsk.
  14. At så mange barn som mulig skal få tilbud om morsmålsopplæring.

Medlemsregister til Norsk Målungdom

På landsmøtet til NMU 2007 i Trondheim starta eg på eit nytt medlemsregister. Tidleg i 2012 vart eg spurt kor tid det lang-venta registeret endeleg skulle i drift. Eg sa januar 2013, og slik vart det.

Eg starta på det fyrste registeret på landsmøtet fordi me var i fare for å kjøpa noko dyre greier som ville kosta oss fleire tusen i året. Pengar fattig-NMU ikkje hadde råd til å bruka. Registerkjøpet vart avverga, noko grunna mitt eindags-register og mest grunna Ola (dåverande skrivar) sine ord om at han kunne fiksa det gamle Access-registeret til å ha høgare medlemspengesats for gamlingar.

Eg hacka litt vidare på registeret, men stoppa meir eller mindre opp då Ola fekk fiksa Access-registeret. Den umiddelbare fara var over.

DSC_0788-medlemssys

Jarle, ein god ven og lang organisasjonskamerat, hadde rundt den tida gått inn i Miljøpartiet dei Grøne, med det seg fore å rusta opp organisasjonen. Han trong ein medlemsregister. Eg trur ikkje han baserte noko av den koden på min, men han brukte iallfall CakePHP, det same rammeverket eg hadde brukt for det eg jobba med. Å kunne jobba saman på eit register høyrtest bra og smart ut. Det var lengje planen min.

Men MDG byta system, og rundt den same tida jobba eg i Nei til EU, der eg fekk høve til å læra meg Django då eg skreiv eit  landsmøtesystem for dei. Diverre vart det berre brukt éin gong. Det er friprog, so fleire kunne ta det i bruk, men kor tid skulle det liksom skje? No ligg det ikkje ute lengre heller trur eg :-) Men eg fekk i minsto lært meg Django!

So omtrent på same tida starta eg på botnen att med eit nytt medlemsregister til NMU. Den fyrste innsjekket i Git gjorde eg 5. oktober 2009. På det tidspunktet hadde allereie registeret masse funksjonalitet, t.d. OCR-fil og KID-støtte. Dessutan klarte det å lesa inn dato frå det gamle Access-registeret.

Men det mangla ekte giro-utskrivning for dei som ikkje tok imot epostane våre.

Eg jobba av-og-på med dette registeret, utan å eigentleg seia det til stort mange. Eg la til CSV og PDF-skriving tidleg april 2010. Mot slutten av månaden vart eg spurt av Jarle om dette her med medlemsregister. MDG hadde byta, men UHN, Ungdom for Human Narkotikapolitikk, hadde nett vore stifta og trong eit register. Eg sa eg hadde eit, men det var ubrukeleg tidleg i utviklingsfasa. Eg sette opp ein prøve til dei 11. april 2010.

So høyrde eg ikkje meir før nesten eit år seinare. Eg hadde oppgradert serveren og CSV-eksportering hadde slutta å fungera. UHN hadde faktisk brukt prøvesystemet mitt utan at eg visste det. Dei var tilogmed nøgde, og ynska eigentleg berre litt betre epost-handtering. So eg la til det.

Dei neste to åri er omtrent berre småfiks. PDF-skrivinga var framleis ikkje brukbar fordi han berre skreiv ut namn og adresse på ark, utan noko meir info. Det hadde teke ein time å fiksa det, men det gjorde eg ikkje. Eg la til saman fleirfoldige timar inn i allslags anna småpirk.

Då eg la til lokallagsovervaking byrja ting å verta ganske so hendig. Lokallagsleiarar kunne setja seg opp å få i epost alle endringar i registeret som handla om medlemane kopla til lokallaget deira. Det laga eg sidan eg tykte det var veldig nyttig då eg sjølv var lokallagsleiar i Studentmållaget i Bergen. Ein epost i veka (dersom det var noko nytt), fullt oppdatert på nye medlem og tilflyttingar.

Ein annan hendig funksjon var mobil-søk. Skriv inn namn og få opp for kva år medlemen har betalt. Veldig greit når du sel is for Isrosa som har gratis is for alle NMU-medlem.

Git-lageret har meir og meir innsjekkingar jo nærare årskiftet 2012-2013 du kjem, og etter er det ganske mykje kodeendring på gang.

I dag fiksa eg endeleg den PDF-genereringi som eg skreiv omtrent på starten av denne versjonen av medlemsregisteret, og som alltid var den største vegblokken for å setja systemet i drift.

DSC_0787-giroar

Det tok som venta veldig liten tid, men å få det til å sjå fint ut og aligna med OCR Nets-standard tok litt fikling. Men no er han her, og vonleg so kan me senda ut medlemspengegiroar for NMU på epost og papir innan ei veke. :-)

Epost frå Telenor, Nokia N9 er tinga, yay

Enno ein oppdatering: eg har tinga N9 frå Telenor no. Nesten iallfall, iom. at det er helg. Eg har eit par gladnyhende sidan sist oppdatering.

Eg sa fyrst at N9 var umogleg å få kjøpt i Noreg, DRM-låst og ubrukeleg med fri programvare. So sa eg at det likevel var mogleg å skaffa seg N9 i Noreg, og det kannhenda ikkje var so DRM-befengt som tidlegare trudd.

No har eg funne ut enno meir (ettersom tidi gjeng):

  • Meego-CE (Community Edition) skal visstnok fungera på Nokia N9! kjelde
  • Nokia N9 er mogleg å få kjøpt ulåst frå Telenor, til 4100.
  • MeeGo er daud, men Intel har gått saman med LiMo … SAMSUNG(!!!) i Tizen, som kann sjåast på som ei slags vidareføring av Maemo/Moblin/MeeGo.

Den fyrste fann eg sjølv.

Den andre fekk eg vita frå Telenor og gode Rasmus Kristensen som kom med eit innspel på hjå meg.

Den siste vart eg gjort merksemd på av Egil, der eg leste LWN.net rett etterpå for å finna ut meir.

N9 frå Telenor

Eg sende denne eposten:

Eg vil kjøpa Nokia N9. Diverre har de skaffa dykk ein monopolliknande greia for sal av mobilen i Noreg, so, vel, då vert det truleg gjennom dykk.

Eg vil opplagt nok kjøpa han billegast mogleg. Eg såg at på kort og kontant so står det at mobiltelefonen er låst, det står ikkje det på dei andre. So t.d. Prat(99), kann eg betala abonnementet fullt ut då, men faktisk berre byta SIM-kort til det ekte simkortet mitt?

Sjølvsagt betala 99kr/mnd ut, men eg vil jo ikkje bruka simkortet.

Evt. kva vert det billegaste abonnementet og utbrytingsgebyret?

Prat(99) ligg på totalpris 4100, omtrent det same kostar kontantkortversjonen.

Ei sers hyggeleg dame frå Telenor svarte då:

Hei Odin, og takk for henvendelsen.

Det svarer vi gjerne på.

Samtlige av alternativene er låst til Telenor/Djuice. Dersom du kjøper med abonnement, vil du få operatørlåskoden din gratis. […]

Dersom du ønsker telefonen billigst mulig, har vi noen forslag til deg:

1) Prat 99. Telefonen koster da 2899 kr, og du betaler 99 kr i måneden. Det er billigere å ha simkorter liggende å betale 99 kr i måneden, enn det er å bryte bindingen: 99kr *12 mnd = 1188 kr. Å bryte bindingen umiddelbart koster 1600 kr.

2) Kjøpe telefonen med det abonnementet som passer din bruk. Som regel er dette den billigste løsningen. Du vil da kunne portere over ditt eksisterende nummer, eller velge nytt nummer dersom du ønsker det. Gi oss gjerne en tilbakemelding på hvilket type abonnement du har pr. i dag, samt litt info om bruken din, så finner vi abonnementet som passer din bruk.

3) Kjøpe telefonen til kontantkortpris: 4199 kr. Da vil operatørlåskodegebyret komme i tillegg dersom du ønsker å låse opp telefonen. Dette blir den dyreste løsningen.

Gi oss gjerne en tilbakemelding dersom en av disse løsningene er aktuell for deg.

Ha en riktig god dag!

Med vennlig hilsen Karoline Håkonsen kundeansvarlig Telenor Norge

Har de sett ein betre svarepost? Skikkeleg bra.

Eg svarte attende med masse statistikk om mobilbruken min, for å sjå um dei kann overgå Chess iTouch for mitt bruk. Eg er ganske usikker, men kann yvertydast sidan ho var so hyggeleg i eposten sin. Dessutan er ikkje Chess like kjekt å ha når me ikkje bur i Bergen lengre. I Bergen fekk me halv pris på kino, det fungerer ikkje i Oslo. :/

Tizen

Ser ut til å villa byggja meir av systemet på HTML5. Det er ganske nært opp til korleis QML + Qt er laga, so det er ikkje eit so stort hopp, men eit hopp likevel.

Men sidan hoppet er til webplatformen so tykkjer eg det er bra, det kann eg ha god tru på dersom det vert gjort godt. Men er truleg lurt å kopiera Nokia N9 sitt sexy sexy UI. ;-)

Mobiltinging

Eg tenkjer meg 16GB-versjon. 64GB-versjonane er umoglege å få tak på, ser det ut til. Og dessutan, kven treng vel meir enn 16GB? …

Vel, eg gjer nok eigentleg det, men eg har jo mykje mindre på HTC G1-en min utan at det er noko problem.

Same kva, — gler meg stort til eg fær mobilen :D Det vert saker!

Nokia N9, ei lita oppdatering

Posten min om Nokia N9 hev vorte ganske populær på verdsveven, so eg tenkte det var på tide med ei lita oppdatering.

Eg ventar framleis på N9, eg hev eigentleg vorte forelska, so eg klarar ikkje å sjå til Android-mobilane. Dei er liksom nest-best, og eg vil ikkje ha det.

Ingen DRM likevel?

Eg spurte i MeeGo-kanalen, og der sa dei at dei hadde Nokia N950 køyrande med berre fri programvare, meir eller mindre. Dei meinte òg at dei ville få Nokia N9 til å fungera med «ekte» MeeGo etter at Nokia (og no óg Intel) hev forlete skipet.

I mellomtidi hev eg lese masse om Nokia N9, t.d. heile herlege Nokia N9 UX Guidelines. Ser vakkert ut!

Dessutan er det fleire som er interessert i å reimplementera Nokia sitt sexy sexy Swipe UI som friprog, her er ein tidleg test:

Elles so gjeld framleis dei fleste av irritasjonane mine yver kor dårleg Nokia handsamar denne lekre telefonen.

Oppdatert: Eg har sjekka litt pris o.l. I Noreg so er det visst Telenor som har einerett på sal heilt til 2012. Det gjeng ikkje, dei vil selja mobilen til kr 10400. So me må nok ut av landet:

OPERATØR        CA-PRIS
Telenor Noreg   10400 NOK
Telia Danmark   4270 DKK (16GB), 4430 NOK
3 Danmark       5542 DKK (64GB), 5749 NOK
Telenor Noreg   4199 NOK (16GB)

Oppdatert 2: Vopsi, eg klarte å finna han til 4199 med kontantkort, men låst til Telenor. So må finna ein måte å låsa han opp på. Eg har kontakta Telenor.

Nokia N9, ikkje alt eg trudde

Kva mobil skal eg kjøpa no? Eg hev vore fast bestemt på Nokia N9 i lang tid no, og gleda meg stort. Eg var i Karlsrhue for nokre dagar sidan og fekk vita kor ekstremt dårleg det stod til kva ekstra drit Nokia gjer for å unngå å selja mobilen. Det er heilt ekstremt synd…

Det eg segjer om DRM på mobilen her er visst ikkje korrekt likevel, vonar eg, ein oppdateringspost om kva som skjer.

Nokia N9

Grunnen til at eg ville ha denne mobilen er av di han hev eit skikkeleg operativsystem i botnen. Ikkje noko ugjennomtrengeleg Java-drit som Android. Det er ekte Linux-stakk, omtrent heilt lik som den me køyrer på maskinane våre.

Med andre ord, — eg kann henta inn program eg allereide hev køyrande på laptopen. Herleg!

Eg vil nok skriva dei fleste program som HTML5 mobilprogram i framtidi likevel, — men for å endra på sjølve systemet so er det godt at ting er skrive på ein god måte. Dessutan vil framgang på mobil tyda det same for pcen og motsett.

Dessutan er han altso slank og fin, veldig veldesigna. Men, ja, det viktugaste er operativsystemet.

Men kva hev dei svo gjort som er so gale? Vel, fyrst og fremst so vil dei jo ikkje selja mobilen i noko industrielt land der han kunne seld. Dei prøvar å taka sjølvmord. Elop, den nye sjefen deira, direkteinnhenta frå Microsoft, er strategen for heile sjølvmordet.

Han prøver å tyna ut det siste av Nokia for å prøva å få Windows Phone til å selja litt. Då kann dei ikkje ha konkurrentar, og iallfall ikkje noko so gjennomført bra som Nokia N9. Difor sel dei han ikkje her, og difor motarbeider dei seg sjølv. Utruleg idiotisk strategi med mindre du vil døy.

Alt dette visste eg, og det er no greitt nok, av di han vil ikkje døy av di eg kann jo berre leggja inn mitt eige operativsystem og halda han uppdatert etter Nokia forlét skipet. … Trudde eg.

Men nei, dei hev hindra oss i det. Dei hev lagt inn noko tullete DRM[disputert] som gjer at du berre kann bruka telefonen dersom du køyrer deira programvare. KVA FAEN? Det er noko nytt! Slik hev aldri Nokia oppført seg sjølv med denne serien av geniale Linux-telefonar. Dei er verkeleg innstilt på å skyta seg so hardt i foten som det gjeng an. Eg er utruleg trist.

So difor kjem eg altso ikkje til å kjøpa Nokia N9, han var visst ein blindveg likevel. Eg kunne skaffa meg Nokia N900, men den er jo større enn mobilen eg hev no (HTC G1), som segjer litt! Det er likevel ein haug med folk som hev den mobilen.

Nokia N950 vil dei ikkje selja ein gong, dei berre gav vekk eit par til eit par utviklarar. Men ingen vil jo utvikla for N9 no lengre når det vert so gale. Eg kunne faktisk kjøpt N950, iom. at han er litt mindre enn min noverande. Viss det hadde vore mogleg…

Samsung Galaxy S

So med tungt hjarta ser eg etter annan mobil. Vil nok truleg sjå hardast på Samsung Galaxy S, eg synast eigentleg den fyrste S-versjonen er finare enn S II, men, ja, II-en er jo nyare.

Likevel litt stor.

HTC Evo eller noko anna

Ja, og so er det HTC-mobilane òg.

Eg vil nok bruka god tid på å sjå på det meste att no. Og spesielt viss det er ein mobil som kann køyra eit fritt operativsystem.

Kategoriar til netsida

Eg hev meir eller mindre aldri tenkt stort yver kategoriane eg hev. Dei hev berre vakse fram av seg sjølv. Skulle gjerne hatt litt færre kategoriar, og litt meir brukbare.

Er det nokon som hev peiling og kann hjelpa til? Slik ser det ut no:

KategoriInnlegg
andre folk1
Draum2
English1
Firma mitt2
fleirfasisk søvn5
Frå den gamle sida mi39
Gjesteskribentar0
— Espen13
— — Russ8
glede1
Jobb5
Kortnytt43
Kreativt2
— Bilete6
— Film4
— — Ferdige2
— — — Månadens3
— — Produksjon9
— Teater3
Lita historie5
Melding9
Oxford12
Personleg76
— Barndom2
— Dagbok53
— — Spesiell dag9
— Erfaringar12
— Meining53
— Nye opplevingar5
— Reise11
— — Innenlands21
— — Utenlands43
— Underfundig8
Ping2
Prosjekt8
Sint7
Tidsfordriv1
— Datarelatert32
— — Vevside27
— Organisasjon1
— — Norsk målungdom21
— Sivilteneste9
— Skule16
— — Russ0
— — Stil4
Uncategorized2
Universitet2

De finn dei òg heilt nedst på sida mi, då med lenkjer slik de kan sjå kva innlegg som ligg der inne.

Eg ser at eg hev flest innlegg i «Personleg» og undergrupper der. Eg vil kvitta meg heilt med undergrupper, det er ikkje ei so avansert netside.

Viss eg hev vore usikker på kvar eg skal plassera eit innlegg, puttar eg det alltid i Personleg.

Eg bør sjølvsagt ha ein eigen kategori for reise, utan det ganske teite skiljet mellom utanlands/innanlands.

Det er likevel ein viss verdi i kategoriar som «Sint», sjølv um det truleg kann liggja under «Meining» og heller bruka merkelappar for slikt.

På den motsette sida so er det dumt å skjæra for mykje ned på kategoriane. Dei er den mest opplagte måten for folk å finna fram til noko dei kannhenda ikkje visste fantest. T.d. vil eg tru at det er ein del folk som drit rakt i kva eg skriv um det aller meste, men likar godt å lesa t.d. teatermeldingar. Eg merker det sjølv når eg kjem til ei tilfeldig netside og les ei teatermelding, veldig ofte vil eg lesa fleire meldingar av same personen dersom den fyrste var god. Slikt bør gjerast enkelt.

So «omtalar» eller «melding» som eg kallar det no må eg gjerne ha inn.

Det er eit par kategoriar som iallfall er superenkle å fjerna, her er dei fjerna, og resten er litt verre:

  • Frå den gamle sida mi (eh, kva skal eg gjera med denne, truleg gå gjennom og gje dei nye kategoriar?)
  • Gjesteskribentar (Espen dette, kannhenda eg burde skilja det ut til ei eigi side, det leser jo som hans eigen blogg)
  • Jobb (endra til Arbeid?)
  • Melding (omtale)
  • Oxford (reise, gjerne?)
  • Personleg (vil sprengja ut denne, er so stor)
  • Dagbok (kvardag, heller truleg)
  • Erfaringar (denne er «eg lærte noko», ofte)
  • Meining
  • Nye opplevingar (litt lik erfaringar?)
  • Reise (opplagt)
  • Prosjekt (eigne prosjekt, putta kreativt inn her)
  • Datarelatert
  • Norsk målungdom (endra til noko som ink. PING o.l.)
  • Skule («læring», kannhenda?)

Oi. Eg fjerna ein god del som gjorde litt vondt no. Men eg bør gjerne laga ein kategori Mine favorittar eller best of eller noko liknande for å samla dei innleggi eg tykkjer andre vil finna det morosamt å lesa. Anten av di dei er mongodårlege, eller av di dei er litt spesielle.

Burde laga ein ny taksonomi, men veit ikkje heilt kvar eg skal starta enno.

Kva tykkjer de?

Korleis hadde de delt det inn? Korleis hev de gjort det sjølv?

Internet Explorer vs Firefox (+ Chromium)

Eg held på med Errantia, den beinveges videokringkastingsprogramvaren min. I dag hev eg brukt alt for mykje tid på å leika meg med skuggar og allslags anna.

Til slutt testa eg det heile i Internet Explorer 8. Etter litt småfiks so vart det brukbart att der òg.

Som ein ekstra bonus tok eg med Chromium òg. Det er litt juks eigentleg, for eg hev ikkje omsett -moz-linear-gradient-ane til webkit sin mykje meir kryptiske variant. Eg hev ikkje den i hjernebarken. Det ser likevel ganske greit ut utan gradientane.

Men det skal segjast at Chromium eigentleg ser lik ut som Firefox 4, so snart eg fær skrive -webkit-gradient-ane inn…

Leif Arne: Opera skal eg sjå på seinare ;-)

nynorskvg-innstikket mitt til Firefox er populært!

Wow, eg skulle visa Nils (ein fyr eg driv og treff på i Bergen) nynorskvg-innstikket mitt til Firefox, og sjekka sida.

Der står det at innstikket er lasta ned 138158 gongar (!).

Kven i alle dagar er desse folki!? :D Det er kjempemoro, men ei so lita sær greie. Alt han gjer er å byta ut vg.no med nynorskvg.no, slik at du alltid fær nynorskvg-versjonen.

Eg skal utvida han med fleire netsider, som Aftenposten og Dagbladet og kannhenda fleire seinare. Nett no tek han berre VG.

Elles fungerer innstikket berre i Firefox 4.0. Og kven brukar den so langt, utanom meg og andre teknologiinteresserte?

Nei, i det heile teke er eg ekstremt positivt yverraska yver at eit innstikk eg tenkte gjerne fekk 6-7 nedlastningar hev allereide fengje 158!

So, viss du brukar Firefox 4 og ikkje allereide hev installert innstikket mitt so er det berre å pella seg til nynorskvg på Mozilla Addons.