Eg sa fyrst at N9 var umogleg å få kjøpt i Noreg, DRM-låst og ubrukeleg med fri programvare. So sa eg at det likevel var mogleg å skaffa seg N9 i Noreg, og det kannhenda ikkje var so DRM-befengt som tidlegare trudd.

No har eg funne ut enno meir (ettersom tidi gjeng):

• Meego-CE (Community Edition) skal visstnok fungera på Nokia N9! kjelde
• Nokia N9 er mogleg å få kjøpt ulåst frå Telenor, til 4100.
• MeeGo er daud, men Intel har gått saman med LiMo … SAMSUNG(!!!) i Tizen, som kann sjåast på som ei slags vidareføring av Maemo/Moblin/MeeGo.

Den fyrste fann eg sjølv.

Den andre fekk eg vita frå Telenor og gode Rasmus Kristensen som kom med eit innspel på hjå meg.

Den siste vart eg gjort merksemd på av Egil, der eg leste LWN.net rett etterpå for å finna ut meir.

N9 frå Telenor

Eg sende denne eposten:

Eg vil kjøpa Nokia N9. Diverre har de skaffa dykk ein monopolliknande greia for sal av mobilen i Noreg, so, vel, då vert det truleg gjennom dykk.

Eg vil opplagt nok kjøpa han billegast mogleg. Eg såg at på kort og kontant so står det at mobiltelefonen er låst, det står ikkje det på dei andre. So t.d. Prat(99), kann eg betala abonnementet fullt ut då, men faktisk berre byta SIM-kort til det ekte simkortet mitt?

Sjølvsagt betala 99kr/mnd ut, men eg vil jo ikkje bruka simkortet.

Evt. kva vert det billegaste abonnementet og utbrytingsgebyret?

Prat(99) ligg på totalpris 4100, omtrent det same kostar kontantkortversjonen.

Ei sers hyggeleg dame frå Telenor svarte då:

Hei Odin, og takk for henvendelsen.

Det svarer vi gjerne på.

Samtlige av alternativene er låst til Telenor/Djuice. Dersom du kjøper med abonnement, vil du få operatørlåskoden din gratis. [...]

Dersom du ønsker telefonen billigst mulig, har vi noen forslag til deg:

1) Prat 99. Telefonen koster da 2899 kr, og du betaler 99 kr i måneden. Det er billigere å ha simkorter liggende å betale 99 kr i måneden, enn det er å bryte bindingen: 99kr *12 mnd = 1188 kr. Å bryte bindingen umiddelbart koster 1600 kr.

2) Kjøpe telefonen med det abonnementet som passer din bruk. Som regel er dette den billigste løsningen. Du vil da kunne portere over ditt eksisterende nummer, eller velge nytt nummer dersom du ønsker det. Gi oss gjerne en tilbakemelding på hvilket type abonnement du har pr. i dag, samt litt info om bruken din, så finner vi abonnementet som passer din bruk.

3) Kjøpe telefonen til kontantkortpris: 4199 kr. Da vil operatørlåskodegebyret komme i tillegg dersom du ønsker å låse opp telefonen. Dette blir den dyreste løsningen.

Gi oss gjerne en tilbakemelding dersom en av disse løsningene er aktuell for deg.

Ha en riktig god dag!

Med vennlig hilsen Karoline Håkonsen kundeansvarlig Telenor Norge

Har de sett ein betre svarepost? Skikkeleg bra.

Eg svarte attende med masse statistikk om mobilbruken min, for å sjå um dei kann overgå Chess iTouch for mitt bruk. Eg er ganske usikker, men kann yvertydast sidan ho var so hyggeleg i eposten sin. Dessutan er ikkje Chess like kjekt å ha når me ikkje bur i Bergen lengre. I Bergen fekk me halv pris på kino, det fungerer ikkje i Oslo. :/

Tizen

Ser ut til å villa byggja meir av systemet på HTML5. Det er ganske nært opp til korleis QML + Qt er laga, so det er ikkje eit so stort hopp, men eit hopp likevel.

Men sidan hoppet er til webplatformen so tykkjer eg det er bra, det kann eg ha god tru på dersom det vert gjort godt. Men er truleg lurt å kopiera Nokia N9 sitt sexy sexy UI. ;-)

Mobiltinging

Eg tenkjer meg 16GB-versjon. 64GB-versjonane er umoglege å få tak på, ser det ut til. Og dessutan, kven treng vel meir enn 16GB? …

Vel, eg gjer nok eigentleg det, men eg har jo mykje mindre på HTC G1-en min utan at det er noko problem.

Same kva, — gler meg stort til eg fær mobilen :D Det vert saker!

Mogleg relaterte innlegg

• Nokia N9, ei lita oppdatering
• Nokia N9, ikkje alt eg trudde
• Windowskræsj i fotoautomat

Eg ventar framleis på N9, eg hev eigentleg vorte forelska, so eg klarar ikkje å sjå til Android-mobilane. Dei er liksom nest-best, og eg vil ikkje ha det.

Ingen DRM likevel?

Eg spurte i MeeGo-kanalen, og der sa dei at dei hadde Nokia N950 køyrande med berre fri programvare, meir eller mindre. Dei meinte òg at dei ville få Nokia N9 til å fungera med «ekte» MeeGo etter at Nokia (og no óg Intel) hev forlete skipet.

I mellomtidi hev eg lese masse om Nokia N9, t.d. heile herlege Nokia N9 UX Guidelines. Ser vakkert ut!

Dessutan er det fleire som er interessert i å reimplementera Nokia sitt sexy sexy Swipe UI som friprog, her er ein tidleg test:

Elles so gjeld framleis dei fleste av irritasjonane mine yver kor dårleg Nokia handsamar denne lekre telefonen.

Oppdatert: Eg har sjekka litt pris o.l. I Noreg so er det visst Telenor som har einerett på sal heilt til 2012. Det gjeng ikkje, dei vil selja mobilen til kr 10400. So me må nok ut av landet:

OPERATØR        CA-PRIS
Telenor Noreg   10400 NOK
Telia Danmark   4270 DKK (16GB), 4430 NOK
3 Danmark       5542 DKK (64GB), 5749 NOK
Telenor Noreg   4199 NOK (16GB)

Oppdatert 2: Vopsi, eg klarte å finna han til 4199 med kontantkort, men låst til Telenor. So må finna ein måte å låsa han opp på. Eg har kontakta Telenor.

Mogleg relaterte innlegg

• Epost frå Telenor, Nokia N9 er tinga, yay
• Nokia N9, ikkje alt eg trudde
• Nokia 3310

Det eg segjer om DRM på mobilen her er visst ikkje korrekt likevel, vonar eg, ein oppdateringspost om kva som skjer.

Nokia N9

Grunnen til at eg ville ha denne mobilen er av di han hev eit skikkeleg operativsystem i botnen. Ikkje noko ugjennomtrengeleg Java-drit som Android. Det er ekte Linux-stakk, omtrent heilt lik som den me køyrer på maskinane våre.

Med andre ord, — eg kann henta inn program eg allereide hev køyrande på laptopen. Herleg!

Eg vil nok skriva dei fleste program som HTML5 mobilprogram i framtidi likevel, — men for å endra på sjølve systemet so er det godt at ting er skrive på ein god måte. Dessutan vil framgang på mobil tyda det same for pcen og motsett.

Dessutan er han altso slank og fin, veldig veldesigna. Men, ja, det viktugaste er operativsystemet.

Men kva hev dei svo gjort som er so gale? Vel, fyrst og fremst so vil dei jo ikkje selja mobilen i noko industrielt land der han kunne seld. Dei prøvar å taka sjølvmord. Elop, den nye sjefen deira, direkteinnhenta frå Microsoft, er strategen for heile sjølvmordet.

Han prøver å tyna ut det siste av Nokia for å prøva å få Windows Phone til å selja litt. Då kann dei ikkje ha konkurrentar, og iallfall ikkje noko so gjennomført bra som Nokia N9. Difor sel dei han ikkje her, og difor motarbeider dei seg sjølv. Utruleg idiotisk strategi med mindre du vil døy.

Alt dette visste eg, og det er no greitt nok, av di han vil ikkje døy av di eg kann jo berre leggja inn mitt eige operativsystem og halda han uppdatert etter Nokia forlét skipet. … Trudde eg.

Men nei, dei hev hindra oss i det. Dei hev lagt inn noko tullete DRM^[disputert] som gjer at du berre kann bruka telefonen dersom du køyrer deira programvare. KVA FAEN? Det er noko nytt! Slik hev aldri Nokia oppført seg sjølv med denne serien av geniale Linux-telefonar. Dei er verkeleg innstilt på å skyta seg so hardt i foten som det gjeng an. Eg er utruleg trist.

So difor kjem eg altso ikkje til å kjøpa Nokia N9, han var visst ein blindveg likevel. Eg kunne skaffa meg Nokia N900, men den er jo større enn mobilen eg hev no (HTC G1), som segjer litt! Det er likevel ein haug med folk som hev den mobilen.

Nokia N950 vil dei ikkje selja ein gong, dei berre gav vekk eit par til eit par utviklarar. Men ingen vil jo utvikla for N9 no lengre når det vert so gale. Eg kunne faktisk kjøpt N950, iom. at han er litt mindre enn min noverande. Viss det hadde vore mogleg…

Samsung Galaxy S

So med tungt hjarta ser eg etter annan mobil. Vil nok truleg sjå hardast på Samsung Galaxy S, eg synast eigentleg den fyrste S-versjonen er finare enn S II, men, ja, II-en er jo nyare.

Likevel litt stor.

HTC Evo eller noko anna

Ja, og so er det HTC-mobilane òg.

Eg vil nok bruka god tid på å sjå på det meste att no. Og spesielt viss det er ein mobil som kann køyra eit fritt operativsystem.

Mogleg relaterte innlegg

• Nokia N9, ei lita oppdatering
• Nokia 3310
• Epost frå Telenor, Nokia N9 er tinga, yay

Er det nokon som hev peiling og kann hjelpa til? Slik ser det ut no:

De finn dei òg heilt nedst på sida mi, då med lenkjer slik de kan sjå kva innlegg som ligg der inne.

Eg ser at eg hev flest innlegg i «Personleg» og undergrupper der. Eg vil kvitta meg heilt med undergrupper, det er ikkje ei so avansert netside.

Viss eg hev vore usikker på kvar eg skal plassera eit innlegg, puttar eg det alltid i Personleg.

Eg bør sjølvsagt ha ein eigen kategori for reise, utan det ganske teite skiljet mellom utanlands/innanlands.

Det er likevel ein viss verdi i kategoriar som «Sint», sjølv um det truleg kann liggja under «Meining» og heller bruka merkelappar for slikt.

På den motsette sida so er det dumt å skjæra for mykje ned på kategoriane. Dei er den mest opplagte måten for folk å finna fram til noko dei kannhenda ikkje visste fantest. T.d. vil eg tru at det er ein del folk som drit rakt i kva eg skriv um det aller meste, men likar godt å lesa t.d. teatermeldingar. Eg merker det sjølv når eg kjem til ei tilfeldig netside og les ei teatermelding, veldig ofte vil eg lesa fleire meldingar av same personen dersom den fyrste var god. Slikt bør gjerast enkelt.

So «omtalar» eller «melding» som eg kallar det no må eg gjerne ha inn.

Det er eit par kategoriar som iallfall er superenkle å fjerna, her er dei fjerna, og resten er litt verre:

• Frå den gamle sida mi (eh, kva skal eg gjera med denne, truleg gå gjennom og gje dei nye kategoriar?)
• Gjesteskribentar (Espen dette, kannhenda eg burde skilja det ut til ei eigi side, det leser jo som hans eigen blogg)
• Jobb (endra til Arbeid?)
• Melding (omtale)
• Oxford (reise, gjerne?)
• Personleg (vil sprengja ut denne, er so stor)
• Dagbok (kvardag, heller truleg)
• Erfaringar (denne er «eg lærte noko», ofte)
• Meining
• Nye opplevingar (litt lik erfaringar?)
• Reise (opplagt)
• Prosjekt (eigne prosjekt, putta kreativt inn her)
• Datarelatert
• Norsk målungdom (endra til noko som ink. PING o.l.)
• Skule («læring», kannhenda?)

Oi. Eg fjerna ein god del som gjorde litt vondt no. Men eg bør gjerne laga ein kategori Mine favorittar eller best of eller noko liknande for å samla dei innleggi eg tykkjer andre vil finna det morosamt å lesa. Anten av di dei er mongodårlege, eller av di dei er litt spesielle.

Burde laga ein ny taksonomi, men veit ikkje heilt kvar eg skal starta enno.

Kva tykkjer de?

Korleis hadde de delt det inn? Korleis hev de gjort det sjølv?

Mogleg relaterte innlegg

• Vevsidereformen 2007
• Intervju om bloggen min
• Sida endelig oppe!

Til slutt testa eg det heile i Internet Explorer 8. Etter litt småfiks so vart det brukbart att der òg.

Som ein ekstra bonus tok eg med Chromium òg. Det er litt juks eigentleg, for eg hev ikkje omsett -moz-linear-gradient-ane til webkit sin mykje meir kryptiske variant. Eg hev ikkje den i hjernebarken. Det ser likevel ganske greit ut utan gradientane.

Men det skal segjast at Chromium eigentleg ser lik ut som Firefox 4, so snart eg fær skrive -webkit-gradient-ane inn…

Leif Arne: Opera skal eg sjå på seinare ;-)

Mogleg relaterte innlegg

• Test av kameraljod (videoklypp)
• nynorskvg-innstikket mitt til Firefox er populært!
• Korleis lasta ned (lagra) video frå NRK Nett-TV (i Ubuntu Linux)?

Der står det at innstikket er lasta ned 138158 gongar (!).

Kven i alle dagar er desse folki!? :D Det er kjempemoro, men ei so lita sær greie. Alt han gjer er å byta ut vg.no med nynorskvg.no, slik at du alltid fær nynorskvg-versjonen.

Eg skal utvida han med fleire netsider, som Aftenposten og Dagbladet og kannhenda fleire seinare. Nett no tek han berre VG.

Elles fungerer innstikket berre i Firefox 4.0. Og kven brukar den so langt, utanom meg og andre teknologiinteresserte?

Nei, i det heile teke er eg ekstremt positivt yverraska yver at eit innstikk eg tenkte gjerne fekk 6-7 nedlastningar hev allereide fengje 158!

So, viss du brukar Firefox 4 og ikkje allereide hev installert innstikket mitt so er det berre å pella seg til nynorskvg på Mozilla Addons.

Mogleg relaterte innlegg

• Internet Explorer vs Firefox (+ Chromium)
• Endra design på sida
• Dagbladet og VG på nynorsk (korleis?)

Rett nok, i koden låg det referanse til eit bilete, men det var ingen stad å sjå. Hmm.

Eg leitte rundt på harddisken min, og fann ei backup-mappe med det biletet og ein heil haug andre. Etter litt meir undersøkjing fann eg ut at nett den same backupen òg låg på på tenaren, men ikkje der han skal liggja. So eg måtte flytta alle bileta inn i korrekte mapper. Det gjorde eg no. So no endeleg skal nesten alt vera uppe att, etter dei tvo store tenarkræsji eg hadde.

Det tok nesten to år.

Jaja. Difor det er viktugt med automatiske, skikkelege tryggleikskopieringssystem, som er lette å henta attende…

1. Han er i sterk vekst fall… :(

Mogleg relaterte innlegg

• Mista tvo innlegg, surt…
• Spray ned ein rulletrapp nær deg
• Ein fotoamatør tek overeksponerte bilete

Eg hev stått for alt det tekniske, og alt saman putrar og går på ein tenar hjå Linode i London. Veldig mykje av tidi mi hev gått med til å uroa meg yver kva som skjer dersom sida fær ein del trafikk. So i det høve har eg måtta lært meg ein heil del ny teknologi for å kunna skalera det heile ut til fleire maskiner dersom det vert litt for populært for ei maskin.

Det var berre 5 minutt med batteri att på maskina nett, so de fær leva med elendig teikning. Dessutan gløymde eg at Varnish eigentleg er der eg hev skrive nginx (lastfordelar), men dei er uansett ute av funksjon – det er noko eg putter inn dersom me treng meir fart på frontenden.

Den store svarte ulven her er apertium, som er hovudgrunnen til at ting går råtreigt. Apertium et lett 80-200 MB RAM for å omsetja ei side. I den fyrste versjonen eg skreiv so var det berre Apertium og Apache som nettenar, då vart apertium opna for kvar person som gjekk inn på ei side viss sida ikkje var lasta frå fyrr. Det tok meg ikkje meir enn å gå inn på to artiklar på likt for at tenaren kræsja og OOM-killeren (ikkje-meir-minne-drapsmaskina) i Linux drepte som galen. Fyrr den tid brukte han harddisken som minne (swap), noko som er supertreigt og fekk alle dei forskjellege jobbane til å hopa seg opp.

Det var opplagt nok ingen vinnande strategi.

Måten systemet fungerer på no er ganske elegant av di det er mogleg å leggja til fleire tenarar som gjer det harde arbeidet veldig enkelt.

Når du gjeng inn på ei side, skjer no dette;

1. Sjekk urlen (adressa) mot databasen (mysql), viss han finst, returner den ferdigomsette sida.

   • Viss omsetjinga er over GAMAL minutt, legg ein ny jobb til i køen (celery, som pratar med rabbitmq)

2. Viss urlen ikkje var i databasen, legg ein ny jobb i celerykøen og vis lastar-side.

   • Laste-sida prøver den same urlen kvart andre sekund heilt til han fær den ferdig omsette sida (1.)

So, det ligg potensielt eit par jobbar i køen no.

På ei (eller 20) anna maskin, køyrer celeryd som tek ein og ein jobb frå køen og køyrer dei etter kvarandre, når sida er omsett so lagrar dei resultatet i databasa.

Eg hev fylgd med på trafikken til sidene, og nett no med dette systemet so klarar me køyra båe nynorskvg og nynorskdb på ein liten vps, men me bruker stadig meir av ressursane, so det er kannhenda eit poeng å køyra opp eit par tenarar til, problemet er at det vil medføra ein del nedetid, av di eg må gjera systemet nettverksbasert og ikkje på ei maskin slik som no.

Men nett no sit eg på bussen til Bergen og maskini mista internett, so det fær venta. Det er jo for løye dette her, so folk tòler nok litt treigskap. Dessutan so er sidene framleis relativt kjappe. :)

Når det kjem til Varnish so er det litt interessant at det var VG som betalte for utviklingi av programmet i fyrste omgang; so det er moro dersom eg puttar det inn for nynorskvg ;)

Mogleg relaterte innlegg

• Ny nynorsk Universitas
• Attendetråkk som Dagbladet for Universitas?
• Korleis bruka JuiceRecorder for å lasta ned Triplet

Langt i frå like enkel å installera som i Ubuntu, då, men brukbar. Viss du hev Ubuntu kann du installera han ved å trykkja på denne apt-lenkja: apt://mplayer.

So eg lagde ein kort video for å visa korleis du lastar ned video frå NRK Nett-TV (køyr han i fullskjerm, for sida mi er for smal)

Merk: Du må klikka på det kvite på netsida til NRK for å få fram «vis kjeldekode», altso ikkje klikk på biletet/der videoen skal vera.

Dessutan registrerer eg (i videoen!) at NRK Nett-TV plutseleg fungerer rett i Firefox utan at eg hev gjort noko for å fiksa det, kor tid skjedde det?

Andreas gav fylgjande tips i innspelsfeltet:

Hej, du kan òg berre høgreklikke på videoen etter den har starta å spele og velje “kopier”. Så slepp du å gå inn i kjeldekoda :)

Mogleg relaterte innlegg

• Avspeling av NRK Nett-TV i nyaste Ubuntu (den enkle metoden)
• Snøgg stemningshakk
• Sundagstur nær Sola Flyplass

Jo, det var det, eg betalar 40kr/mnd ekstra for å ringja gratis til Helene. Det sparte me i vår tid ekstremt mykje pengar på, av di me ringde kvarandre heile tidi og ekstraordinært lengje. Det gjer me av ganske upplagte grunnar ikkje lengre¹, so då lurte sjølvsagt eg på; ringjer eg Helene for meir enn 40kr/mnd, elder hadde det vore billegare å kvitta seg med det?

Det alle fornuftige menneskje hadde gjort var vel å finna ut kor mykje eg hadde ringd Helene, og so ganga det med vanleg minuttpris.

Jodå, eg tenkte no på det eg òg. Men sidan eg ikkje såg på fakturaen (der står det kor mykje eg hev ringd Helene totalt), men på mobilspesifikasjonen so stod alle gongane eg ringde Helene saman med minutt/sekund upp. Dette måtte jo eg leggja saman!

Eg liker ikkje manuelt arbeid når det er noko datamaskinen kann gjera snøggare/betre enn meg. Dette er noko alle som hev vore mykje rundt meg dei siste åri sikkert hev funne ut. Same um det hadde teke 15 minutt å fiksa noko manuelt, brukar eg glatt helder 40 minutt på å skriva eit perfekt program som vil gjera jobben på nokre millisekund. Eg tenkjer som so; neste gong eg treng gjera dette sparar eg masse tid!

Ikkje alltid like lurt.

So det eg gjorde denne gongen var altso å skriva eit program som rekner ut rekning basert på mitt faktiske ringjemynster. Det heile er ganske enkelt:

• Skriv inn forskjellege abonnement
• Fòr programmet med telefonspesifikasjonen min

Og nett slik fungerer det.

So, kva fann eg ut? Var det vits?

Tenkte de ville spyrja um det, ja.

Og nei, det var litt skuffande. I byrjingi var det heilt ekstraordinært kult, for eg fann ut at eg kunne spara masse pengar med å byta abonnement. Men det var fyrr eg hadde skrive ferdig data-delen. Altso utrekning av kor mykje eg lastar ned med mobiltefelonen.

Det er ikkje småtal, med Android-mobilen min som slukar megabyte rått.

Då endra brått heile biletet seg, og abonnementet eg hadde var ikkje so alt for dårleg. Eg kunne ikkje spart grovt mye, berre spart. Likevel, eg hev fengje funne ut at det finst billegare abonnement for meg. Her er ei køyring på okt-des 2009:

odin@fjord:~/Dokument/mobil$ ./parse_spesifisering.py 0910.txt 0911.txt 0912.txt
0911.txt         33 samtalar,  40 minutt.  97 SMS.  51M dag, 208M kveld (259M).
0910.txt         35 samtalar,  43 minutt.  87 SMS. 128M dag, 337M kveld (466M).
0912.txt         59 samtalar, 157 minutt. 118 SMS. 262M dag, 180M kveld (443M).

                            0911.txt   0910.txt   0912.txt

chessitouch                      230        178        282 =        690
t2champ+t2_large                 302        251        339 =        892
t2sheriff+t2_large               309        258        384 =        951
chesspremium+ch_king             353        300        388 =       1042
chessking+ch_king                378        358        411 =      *1147*
chesseasy+ch_king                406        388        429 =       1223
chessitouch+ch_king              479        427        531 =       1437
chesspremium+ch_knight           353        558        617 =       1528
chessking+ch_knight              377        586        641 =       1604
chesseasy+ch_knight              405        611        659 =       1675
chessitouch+ch_knight            478        685        760 =       1923
chesspremium                     704        651        739 =       2095
chessking                        729        680        762 =       2171
chesseasy                        757        705        780 =       2242
chesspremium+ch_queen            489        825       1580 =       2893
chessking+ch_queen               513        853       1603 =       2970
chesseasy+ch_queen               541        878       1621 =       3041
chessitouch+ch_queen             614        952       1722 =       3288
t2sheriff                       1500       1500       1545 =       4545
t2champ                         1633       1582       1670 =       4885

Eg hev ChessKing med SurfKing-pakka på i tillegg. Det viser seg at det er iTouch-abonnementet eg burde hatt, so etter denne månaden kjem eg nok til å byta til det.

Men nett denne månaden hadde alt anna enn det abonnementet eg hev no (vel, utanum ChessPremium+SurfKing, som hadde vore litt billegare) vore dyrare. Eg hev lasta ned langt yver 6GB på telefonen no, det hadde fått tusenlappane til å fly med andre abonnement.

Helene hev perfekt abonnement

Eg måtte jo testa programmet med noko anna no når eg fyrst hev brukt so mykje tid på å skriva det, so eg køyrde Helene sine filer gjennom det. Det var ikkje særleg moro, for det viste seg at Helene hev allereide det billegaste ho kann få. Spesielt av di det viser seg at ho ringjer meg mykje og lengje.

Vel, ho hev òg fleire vener med Chess, og det gjeng på same kvota – eg gadd ikkje skriva funksjoner som sjekka nummer direkte. Hmm, men det hadde jo sikkert vore ein moro funksjon å ha i programmet.

Elles fær du litt meir informasjon um kvart abonnement når du berre køyrer ei fil gjennom, då fær du ikkje berre totalane, men òg kva du betalar for kvar del (samtale, sms, data):

odin@fjord:~/Dokument/mobil$ ./parse_spesifisering.py 0912.txt
0912.txt         59 samtalar, 157 minutt. 118 SMS. 262M dag, 180M kveld (443M).

                             Samtale        SMS       Data       Fast

chessitouch                      128         56          0         98 =        282
t2champ+t2_large                 114         56          0        169 =        339
t2sheriff+t2_large               159         56          0        169 =        384
chesspremium+ch_king              94         45          0        249 =        388
chessking+ch_king                 75         48          0        289 =       *411*
chesseasy+ch_king                 84         56          0        289 =        429
chessitouch+ch_king              128         56          0        347 =        531
chesspremium+ch_knight            94         45        429         49 =        617
chessking+ch_knight               75         48        429         89 =        641
chesseasy+ch_knight               84         56        429         89 =        659
chesspremium                      94         45        600          0 =        739
chessitouch+ch_knight            128         56        429        147 =        760
chessking                         75         48        600         40 =        762
chesseasy                         84         56        600         40 =        780
t2sheriff                        159         56       1500          0 =       1545
chesspremium+ch_queen             94         45       1312        129 =       1580
chessking+ch_queen                75         48       1312        169 =       1603
chesseasy+ch_queen                84         56       1312        169 =       1621
t2champ                          114         56       1500          0 =       1670
chessitouch+ch_queen             128         56       1312        227 =       1722

So, etter denne månaden so må me skaffa oss ekte internett i heimen, slik at me slepp bruka mobiltelefonen som einaste nettlina. Då kann eg få bruken min under 500MB/mnd att og dermed skaffa meg iTouch-abonnementet og spara eit par kroner i månaden.

Er mykje denne rekneskapstenkingi manar fram ;-)

1. Neidå, me er like glad i kvarandre, men me bur saman og pratar andlet til andlet ;-)

Mogleg relaterte innlegg

• Helene boksar seg til blods
• Casino!
• Surfing!

wxBanker er fyrste program eg tester av eit par. Andre program eg kannhenda gidd testa er:

• HomeBank (brukte det so vidt i 2009)
• GNUcash (forstod det aldri, avansert)
• Grisbi

Det finst eit drøss fleire, men eg trur ikkje eg gidd testa meir. Det er desse her som tiltalar meg mest. Viss ingen av dei er gode nok so byrjar eg på KDE-programma (det finst to store «skrivebordsmiljø» til Linux, GNOME og KDE).

So til sjølve «testen».

Dette programmet verkar mykje enklare enn dei andre eg hev prøvd. Berre skriv inn det du ynskjer. Dessutan hev han eit litt fleksibelt CSV-importeringsverkty, men eg måtte gjera ein del endringar i programmet for at det skulle taka Skandiabanken sine kontoutskriftar. Litt minus der.

Elles er programmet sopass enkelt at eg kann sjå for meg å bruka det. Enno betre er det at det lagrar all informasjonen sin i ei SQLite-database, so det er ekstremt enkelt for meg å uppdatera med nye transaksjoner sjølv utanfyre programmet. Her er t.d. korleis eg kann gjera det direkte frå kommandolina i Ubuntu:

echo "INSERT INTO 'transactions' VALUES
(NULL, 2, 159.0, 'Ljosstoffrøyr', '2010-01-27');" \
| sqlite3 .wxbanker/bank.db

Og det er alt! Med andre ord kann eg gjera det superenkelt for meg sjølv å skriva inn nye uppdrag. Eg kann tilogmed ha fili på ein tenar, og so skriva eit lite web-API for å uppdatera ho. På den måten kann eg lett ha ein liten boks på telefonen min der eg kann skriva inn nye ting eg brukar pengar på.

Hendig!

Programmet er veldig enkelt, og difor likte eg det. Men det hev ikkje kategoriar, so eg kann ikkje segja um noko er “mat” elder “bil” som igjen høyrer til i “transport”. Difor er nok programmet litt for enkelt for meg. Eg likar godt grafene det lagar då, men eg hadde jo laga det same i nokre skript eg brukte i gamle dagar.

Nei, wxbanker er alt for enkelt for mitt bruk. Eg treng noko meir avansert.

Mogleg relaterte innlegg

• OpenID, korleis og kvifor?
• Nautilus-skript for å senda fil til tenar/server
• Mobilabonnementet for meg

Same kva, noko eg hev lagt godt merke til er kor få innspel eg fær på innleggi mine. I gamle dagar fekk eg frå 2 (det var ein verkeleg dårleg dag) til 5-6-7. Glatt. I desse dagar, ikkje so mykje.

Men det hev vel stor samanheng med at Egil er so uppteken med familielivet (ikkje noko yverrasking der) og dei andre som ein gong i gamle dagar skreiv innspel hev jo totalt forsvunne (Nader, Tor Eirik (Inzi) og so bortetter). Fær jo stundom gode innspel frå kjekke folk slik at eg ser dei fylgjer med, men det er ingen som tek på seg «eg kjem med innspel på alle innleggi same kor lite eg eigentleg hev å segja».

Det er masse plass på sida mi, og sjølv um eg ikkje hev henta att alle innspeli på alle innleggi mine eg mista so hev eg dei og skal henta dei inn att. Eg er berre so leid av å setja upp netsida mi på ny heile tidi, det er so mykje kjekkare å skriva nye ting enn å fiksa i alt det gamle.

Menmen. No er det leggings, og i morgon er det nyttår, igjen(!).

Mogleg relaterte innlegg

• Ny og fungerande arkiv-funksjon til netsida
• Mista tvo innlegg, surt…
• Sida oppe igjen, i oppdatert godskap!

Testa på Ubuntu 10.04, 10.10, 11.04 (Natty Narwal) og 11.10 (Oneric Ocelot)

1. Klikk her på ubuntu-restricted-extras og vel «installer» i Ubuntu Software Center

Dersom du ikkje vil ha alle ekstragreine du får med denne metoden, so les denne kommentaren

Kannhenda er du interessert i korleis lasta ned (eller lagra) video frå NRK Nett-TV òg?

For Ubuntu 9.10

Eg var litt flaut aktiv i kommentarfeltet til NRK Beta då dei skreiv «korleis få NRK Nettv til å fungera på Mac», sjølvsagt for å forklara korleis folk kan få gjort det same¹ i Ubuntu Linux 9.10 (eg har ikkje testa andre distroar).

Kommentaren min der eg forklarte kor enkelt det var, vart fort gamal. Den ganske so nye Moonlight 2.0 fungerer nemleg ikkje, berre den gamle 1.0.1-versjonen. NRK Beta skreiv ein ny artikkel basert på kommentaren min, men den viste seg diverre å vera av kortvarig verdi: no endra Mono-prosjektet nedlastingssida si frå 1.0.1 til 2.0.

Difor fungerer berre den enkle Ubuntu-varianten av kommentaren min no. Veldig flaut for meg sjølvsagt; å segja «hei, dette fungerer!», få det publisert på den beste bloggen² i Noreg og so fungerer det ikkje likevel.

So her hev eg ei enkel metode³ som fungerer⁴, ulempen er at du MÅ ha Ubuntu 9.10⁵ for at han skal fungera.

Korleis sjå NRK nettv i Ubuntu

1. Klikk her for å installera moonlight-mozilla-plugin

2. Trykk på «innstillinger» øvst i høgre hjørne på NRK Nett-TV

3. Vel «Silverlight»

4. Moonlight vil spørja deg om du vil lasta ned ein kodek-pakke frå Microsoft, diverre må du seia «ja»

5. Set deg tilbake i stolen og nyt NRK Nett-TV

Denne artikkelen er altso basert på NRK Beta sin⁶, og er fylgjeleg lisensiert under Creative Commons lisensen «Navngivelse-Del på samme vilkår 3.0 Norge».

Oppdatert: Moonlight-metoden er veldig dårleg, heldigvis er det enkelt i nyare Ubuntu Linux

1. Grunnen til at eg var so interessert i dette er av di Janne-Kristin klaga på at nettv plutseleg slutta å fungera, eg fekk meg aldri til å fiksa det – og difor fann ho ut av det sjølv; å byta til Moonlight var løysingi hennar. Etter det hev eg fortalt dei gode nyhendi til båe pappa og Marielle (frå jobben), sidan dei òg hadde klaga ein heil del av di NRK sin nettv ikkje fungerte i Ubuntu. Dessutan er det sikkert moro å kunna sjå NRK nettv for brukarane av dei 10 Ubuntu Linux-maskinane på jobben.
2. Åvel, NRK Beta seier dei ikkje er ein blogg, so den beste sandkassa for teknologi og nye medier då, som om det liksom finst fleire enn ein ;-)
3. Eg tykkjer ikkje det er den beste, av di du må lasta ned kodekar frå Microsoft, pluss at du bruker teknologien dei har laga for å i framtida kunna låsa enno fleire folk inn til Microsoft. Den beste metoden finn du i ein kommentar frå Aksel Hovdar
4. eg skreiv òg om han i kommentaren, men NRK Beta tillet ikkje apt-urlar i kommentarfeltet
5. Ubuntu 9.10 heiter Karmic Koala
6. Som ein slags skadereperasjon

Mogleg relaterte innlegg

• Korleis lasta ned (lagra) video frå NRK Nett-TV (i Ubuntu Linux)?
• Kommentarsystem
• Lenovo ThinkPad utan Windows-skatt, plz?

Greitt nok, det er ikkje eit ekte kræsj, men det viser kor dårleg virtuell ram-handteringi til windows er. Og dessutan råflaut for dei som driv automaten. Dessutan, godt gjort å ha for lite ram i noko slikt som berre hev EIN funksjon.. hah, nei, eg ler.

Pluss, korleis i alle dagar fær du vekk meldingi dersom du ynskjer å taka bilete?

Mogleg relaterte innlegg

• Jarle Fagerheim hev skaffa seg ny blogg
• Spurting ved glede
• På veg til Tyskland

So, for å taka det fyrste fyrst (viss eg fær vera svo keisam): sida mi forsvann brått 2. oktober. Tenaren min, Acona kræsja. Dei som les netsida mi nøye (Egil og pappa) vil hugsa at fyrr det var det ikkje stort lengje sidan sist sida mi vart borte. Dette var endå meir jævleg enn det. Sist var eigentleg ikkje svo viktugt; eg fekk ting relativt kjapt upp at (vel, 1-2 víkor). Denne gongen mista eg ikkje berre sida mi, men ein heil haug drit òg.

Acona hev vore tenaren min sidan eg gjekk på ungdomsskulen, og det er difor ikkje reint lite som er å finna der. Dessutan hadde eg heile økonomien til firma mitt der, dvs. alle fakturaane eg hev sendt sidan eg uppretta firma mitt. Alt vekk no.

Like ille er det at pappa hev lagra tingi sine der òg. Likevel vart ikkje han like leid seg av di han hadde kopi av det meste hjå seg nede i Spania.

For, ja, Acona hadde ingen tryggleikskopisystem. Utruleg? Ja, det er det.

Acona hev liksom alltid vore med meg. Alltid fungert, alltid vore der. Berre lagra på meir og meir informasjon, ja, heilt attende til ungdomskulen og lengre. Då eg sette han upp var han ukritisk som få. Eg hadde ikkje god peiling på linux (vel, ganske brukande etter eg hadde drifta Alfons (min fyrste tenar), eit år) og hadde alt det viktuge på windowsmaskini mi.

Men uppetter åri so hev ho vorte kritisk og viktug for meg utan at det gjekk upp for meg. Det var ikkje lengre ei testmaskin som berre hadde ting eg gjerne kunne mista, ho var viktug.

Berre synd eg ikkje kom på det fyrr harddisken rauk. Alle nye maskiner eg set upp hev tryggleikskopisystemer som køyrer og passar på; men den vana fekk eg lengje etter eg sette upp Acona. So no er ho daud, og mykje av netsida mi med. Eg hev funne den meste teksten, men saknar bileti.

Ei periode medan sida mi var nede såg ho slik ut:

[herkjembilete]

Desse månadane utan netside hev ikkje vore so kjekke, mtp. netsidefronten altso. Dei hev vore veldig kjekke eigentleg, men eg hev veldig godt kjend kor sårt eg hev sakna netsida mi. Heldigvis fekk eg skrive litt på pappa si Spania-side medan eg og Helene var der. Det kjendest veldig godt å få skrive ned nokre av upplevingane våre. Hev sakna det.

Eg fær sjå kvar det bèr frå her. Kjem eg til å uppsummera litt frå myrketidi, fylla inn eit par innlegg i tidsperioden, elder starta med blanke ark og sjå frametter? Nei, me fær sjå!

Mogleg relaterte innlegg

• Kvifor forsvann heile sida mi?
• Sida endelig oppe!
• Sida oppe igjen, i oppdatert godskap!

• Berlin, Januar 2009
• Eit halvår med psykisk slit = 0 studiepoeng?

Eg hev truleg innspeli til dei, men ikkje sjølve innleggi. Kann nokon plz vera so snill å finna dei fram. Dei låg på desse URL-ane rundt 24. mai til 1. juni:

• http://velmont.no/2009/05/berlin-januar-2009/
• http://velmont.no/2009/05/eit-halvar-med-psykisk-slit-0-studiepoeng/

Eg trudde eg hadde alle innleggi mine lagra i Liferea (nyhendelesaren min). Det hadde eg visst òg, men dei hev vorte yverskrivne av nyare innlegg, av di nokre av dei nyare innleggi hev fengje nett den same ID-en som dei gamle. Veldig synd.

Leit i cachen din (spyrst um nokon held på han so lengje), nyhendelesaren elder kva det måtte vera. Stod nok ikkje so alt for mykje der, men hadde vore jysla fint å fengje attende. Då spesielt den Berlin-tingen. Var nesten berre bilete, men ein del tekst under.

Uppdatert, gode Simon (boba) fann dei til meg.

Mogleg relaterte innlegg

• Til Bergen (og attende), og INF3190 ferdig
• Få innspel (kommentarar) for tidi
• Practical Mono (ny bok) og eit mista innlegg

eg hev (som dataandsvarleg) kaupt inn eit par Lenovo-maskiner frå dykk. Tidlegare kaupte eg dei frå IBMshop. Det fyrste eg gjer når eg fær desse maskinane inn på kontoret er å installera Ubuntu Linux på dei. Alle bærbare maskiner i Nei til EU køyrer Linux. Windows-installasjonane som alltid ligg på diskane vert aldri brukt.

Eg synast det er ganske gale at Microsoft tener penger på at sal av maskiner når lisensen ikkje vert brukt i det heile teke. Eg hev ikkje funne ein måte å kaupa kvalitetsmaskiner utan Windows. Kva må me gjera for å få attende desse pengane? Eg hev sett at fleire hev gjort det.

Pengane kann me helder bruka på noko meir fornuftig, som å t.d. hyra inn nokon eit par timar til å utbetra operativsystemet me faktisk brukar.

Helsing,
Odin Hørthe Omdal
IT-andsvarleg, Nei til EU

Mogleg relaterte innlegg

• Hekkans bundling!
• Satan inni helvettes Windowsdrit!
• Visningssystem for videoloop for Stavanger Museum

Eg hev brukt han eit par dagar allereide no, og eg må segja at dette er eit heilt anna beist enn den gamle mobilen min. Bruksmønstrene liknar ikkje kvarandre i det heile teke. Eg hev ikkje sendt fleire meldingar, eg hev ikkje ringd meir helder — men eg hev hatt han uppe utruleg mykje lell.

Mykje av det eg hev ynskja meg ein open mobil eg kann skriva eigne programmar på er allereide gjort av andre.

Eg hev ei hendig Todo-lista no (Astrid). T.d. skriv eg inn handlelista der, kvar ting skriv eg upp med ein tagg «handla». Eg hadde mellom anna dette for litt sidan:

• Vaskehanskar
• Vaskebørste
• Avokado
• Mais

I eit anna program (Locale) hev eg laga eit par geografiske sonar rundt butikkar eg ofte går forbi. Eg hev sett upp ein kondisjon: når nær desse butikkane, og ei hendig: hent ut uppgåver tagga «handla» frå Astrid.

Når eg då gjeng (vel, syklar, det er eit anna nyhende! ) forbi butikken oppfattar mobilen at eg er i «sona» og byrjar vibrera og viser at eg hev 4 ting å gjera i dette området (altso handlelista). Genialt!

Eit anna døme. Eg var heime i gamle bustaden (endå eit nyhende!) og fekk purring frå Chess (huh, eg hev AvtaleGiro?), eg skreiv upp eit gjeremål og tagga det «data». I Locale hev eg satt kondisjon: når plugga til PC på data-taggen. Då eg gjorde dette seinare nede på kontoret neste dag (eg sat aldri på pcen etter eg kom heim att) minna han meg på å betala chess-rekningi. Det hadde eg gløymd, men hugsa det sjølvsagt av di mobilen sa frå. Heilt genialt bra! Det finst ikkje grensor for kva kule ting eg kann gjera no.

Dessutan hev eg eit spesialpassord viss eg hev mista mobilen. Sender eg det til nummeret mitt med SMS (frå din mobil t.d) so set mobilen seg i HØGASTE modus og sender attende ein SMS med GPS-koordinatane til kor han finn seg. Kor kult er ikkje det? Og ekstremt nyttig!

Ja, det heile er eigentleg ganske kult. No må eg berre koma «inn att» i Java (eit programmeringsspråk, nei det hev ingen ting med Javascript å gjera) for å skriva eigne programmar for herlegskapen.

Ei litt morosam historie. Etter tvo dagar logga eg inn på Chess for å sjå kor mykje pengar eg hadde brukt. Eg hadde for det meste brukt trådlaust internett der eg var, men når eg var ute brukte eg 3G. Rekningi for dei tvo dagane var då på 800kr. Eg fekk sjølvsagt hetta, men etter litt fann eg ut at Chess aldri fakturerer deg for meir enn 20kr/dagen. Phew. No hev eg fri databruk då, slik at eg slepp tenka på det meir.

Mobilen kaupte eg på eBay frå Kanada, kosta meg under 3000 kr ink. MVA, toll og frakt. Ganske bra!

Einaste problem må nok vera batterikapasitet. Hadde eg brukt han som ein vanleg mobil (og ikkje meir) so hadde han heldt godt og lengje, men når eg brukar han heile dagen fleire gongar i timen og til straumkrevjande ting so gjeng batteriet fort. Er ikkje anna å venta.

Ein annan negativ ting er at eg fær epost med ein gong han vert sendt. Båe til jobb-eposten min (odin hjå neitileu.no) og den private. På den måten er det ikkje like moro å gå og sjekka datamaskini lengre, av di eg veit eg ikkje hev fengje ny epost… :-/

Men alt i alt, sers nøgd, altso. :-)

Mogleg relaterte innlegg

• Nokia 3310
• Endå meir fiksing på mobiltelefonen
• Mi oppvaking

No er tenaren til eg og Egil (thor) uppe att, men eg mista ein heil del – og det må til ein del manuelt arbeid for å få det attende.

Det utset eg. Eg held fram med å la sida mi få vera på Acona (det er tenaren som står på det gamle rommet mitt i Stavanger).

Det er ganske ironisk at tenaren me betalar for er meir ustabil enn den eg hev på guterommet.

Heile grunnen til at eg betalar for ein annan tenar er faktisk driftstryggleik. Alt det andre gjer eg betre heime.

FsckVPS’ morsselskap vart cracka gjennom ein tryggleiksfeil i HyperVM, som er eit program for å halda styr på fleire virtuelle tenarar. 100.000 sider vart sletta av crackarane. Jæklar.

HyperVM er proprietær programvare (lukka), og hovudutviklaren vart funne hengd eit par dagar seinare. Dei trur det er sjølvmord. Difor det er ulurt å driva med proprietær programvare.

So… Det er litt stille her litt. Kannhenda. Same kva, det var difor sida var nede.

Eg gjeng attende til FsckVPS, av di det er hendig og bra. Men eg og Egil tek backup på våre eigne tenarar i tillegg no.

Mogleg relaterte innlegg

• Sida forsvann andre gong og vart berre vekk
• Bilete attende, frå tenarkræsjet, april 2009(!)
• Var oppe heile natta og vakna til godt statsbudsjett

Eg fær ofte stilleperioder når noko stort hev skjedd. Noko so kult/stort/tøft og flott at eg absolutt må skriva um det. Problemet er at det er so stort at det vil taka lang tid å skriva. Difor fær eg aldri starta.

So når eg eigentleg hev tenkt å skriva noko smått på netsida mi, vert det utsett av di eg framleis ikkje hev skrive um den store kule tingen. Og slik held det fram…

No er det langt yver ei månad sidan sist. Eg trur dette er den lengste stilleperioda eg hev hatt på bloggen min etter han vart relansert i 2005.

So, eg vonar å løsna skrivebommen (heh…) med dette innlegget.

Kort skal det vera òg!

Mogleg relaterte innlegg

• Eg er (nesten) ein morgonfugl!
• Stille fredagskveld i heimen…
• Helene boksar seg til blods

Det kann skje feil, då må du sikkert berre prøva å køyra han på ny.

Eg gler meg! Det vert kjempekult å høyra Richard M. Stallman prata. Litt keisamt å måtta styra pubilkumskamera, men eg fær no vore tilstades. Eg skulle eigentleg gjera heile straumen sjølv, men heldigvis kom NUUG si videogruppa og hjalp til. So det vert annleis.

Men eg må springa, eg hev eit møte å nå (vel, eg kjem til å koma litt seint).

Mogleg relaterte innlegg

• Oceans 13 med mortehu, elles eksamen i morgon
• Laga film med Jon og Espen i dag
• Korleis lasta ned (lagra) video frå NRK Nett-TV (i Ubuntu Linux)?

Etter eit par år i målungdomen sette eg meg uppgåva; nye netsider til NMU. Eg tenkte eg ikkje gadd endra netbunaden på andre måtar enn å gjera han lysare. Det var sjølve systemet i botnen som skulle verta meir fleksibelt slik at me seinare kunne gjera ei full omleggjing av bunaden.

Eg såg veldig lengje på Drupal, men fann det til slutt for vandskeleg å koma i gong med. Tidi byrja skorta på (skulle vera klårt til landsmøtet), so eg gjekk med WordPress av di eg kunne det og ville kunna setja upp noko veldig kjapt.

Då eg var halvferdig fann eg ut at det var utruleg vandskeleg å laga ein kopi av den gamle sida med WordPress, han var ikkje fleksibel nok. Eg skreiv ein del spesialkode for å få alt til, men det vart veldig stygt. So ein mogleg veg framyver er kannhenda å helder bruka eit fullt CMS, som t.d. Joomla!

So lat oss gå gjennom korleis sida hev endra seg dei siste 5 åri

Den originale sida er ganske mørk og heng litt att.

Ho er ikkje like stygg som mange andre sider var på den tidi. Ho var ganske OK synast eg. Eg er aldri den som hev hatt aller mest mot denne sida.

Versjonen som vart sluppe landsmøtet 2008 (ca. eitt år sidan)

Dette er «min versjon» av nett den same sida. Det er verd å leggja merke til at det faktisk ikkje er min versjon i det heile teke, men at eg ganske enkelt hev prøvd å kopiera den gamle sida med litt andre fargar og gjera framsida bittelitt meir strukturert. Det fungerte ikkje særleg bra, det er framleis den elendige «nyhende»-straumen nedyver som særs sjeldan vert uppdatert.

Dessutan manglar mykje informasjon um målungdomen og vìnstremenyen er verre enn den som var i fyrste versjonen.

Ho er forresten ganske stygg.

Ei endring eg gjorde i forrigår

Jobba bittelitt med utsjånaden fyrr heile sida kjem til å verta kasta på dynga. No ser ho litt finare ut. Sidan eg sat der og såg Alias med Helene og Janne-Kristin fortsette eg litt på den dødsdømde sida.

Med bilete

So eg la til eitt bilete frå vinterleiren vår i Kviteseid. Og vips. Plutseleg såg dei ganske mykje meir innbjodande ut.

Med bilete kann dykk òg sjå at eg berre viser eitt nyhendeinnlegg på framsida. Det er ganske enkelt av di dei vert so sjeldan uppdatert at det ikkje er vits å visa dei andre lell. Med dei nye sidene må me tenkja mykje hardare på kva som kjem på framsida.

Delingi av sida i aktivist og hovudsida for folk som ikkje er medlem på sida.

So no gjeng ikkje den versjonen av sida ned i historia som alt for superstygg. Sjølv um det sikkert er den netsida som hev eksistert kortast tid. So eg vil veldig gjerne vera med på ei større umleggjing av netsida på ny. Arbeidet er allereie starta. Det kann verta interessant å sjå korleis det vert til slutt.

Eg tok meg god tid (vel, alt er relativt, hadde liten tid) med umleggjinga av Universitas.no som vart ein veldig stor suksess. Eg burde gå gjennom ein del av den.

Mogleg relaterte innlegg

• Eg distribuerer porno-netsider med nakne vevkamera-amatørar (jentor sjølvsagt)
• Norsk munnleg; postmodernisme
• Kvifor forsvann heile sida mi?

Jolaftan og jolaftan

Han skulle eigentleg koma til jolaftan, det var då ho fekk han. Fyrst i 2007, og so no i 2008. Eg tinga han 15. desember 2008 denne siste gongen, og ein dag etter var han registrert i Stavanger. So eg kunne gjeva han på jolaftan! Det var før det slemme tollvesenet kom inn.

Tollvesenet sin superkraft; vera yverdrive skittreige

Ok. So 16. desember. I går var det 5. februar. Kva faen, orsak språket (som um nokon bryr seg), tok tollvesenet 51 dagar? Det heile var ganske enkelt:

• Eg donerte masse pengar
• Eg fekk ei datamaskin i gåve, verdien på gåva var ~2000kr

Altso; ustress. Eg ville mykje helder betala den hekkans tollen (sjølv um eg t.d. ikkje trengte) og få han 18. januar, enn at dei skulle sitja og fisa på stolen sin i 51 dagar fyrr dei fann ut at dei berre skulle senda han vidare utan meir stress.

Masse kudos til DHL, som er dritkjappe, masse ukudos til tollvesenet som er drittreige.

Kvifor denne tonen?

Det hev seg slik at 7. januar so drog eg til Oslo, her eg er no. Altso:

1. Eg fær ikkje prøvd maskini (elder sett ho)
2. Det er utruleg idiotisk å ikkje gjeva jolegåve til veslesyster tvo år på rad

Irriterer meg òg at det trådlause netet heime ikkje fungerer. Som nokon fekk med seg var tenaren min, Acona, utan net eit par dagar. Den trådlause routeren me brukte daua. So pappa skaffa nytt netverkskort til Acona og hev sett upp Acona som NAT-ande router og brannmur. Men me hev framleis ikkje fungerande trådlaust net. Og slike ting synast eg det er mykje enklare å vera i Stavanger å fiksa, i staden for å gjera det herifrå…

Veslesyster Kitty Karina skreiv nett dette innspelet på bloggen min:

Heei odin no har eg fott OL pcen, men den har ikkje de 3 siste bokstavene i alfabete.
Saa klarer eg ikkje og skifta spraak. Men den er kjekk og ha uansett =).

Skal få fiksa at tastaturet registrerer æ, ø og å på dei vanlege plassane—og so fær me skifta språk. Veit ikkje kor godt umsett han er, men eg skal iallfall kunna hjelpa til på den norske umsetjingi. :-)

Eg kjem nok til å skriva meir um sjølve OLPC-en når eg vitjar Stavanger. Gler meg stort til det :-)

Vonar iallfall Kitty Karina vert flink med maskini, slik at ho kann visa meg han når eg kjem. Kannhenda ho tilogmed hev laga sitt fyrste program? :D

Mogleg relaterte innlegg

• Premiere med Kitty Karina
• XO-1, One Laptop Per Child (OLPC)
• Kitty Karina 8 år

Januar, 2008

Eitt år sidan no. Eg sat på internett og las upp på ny teknologi, det same som eg gjer no. Dessutan jobba eg med Cinelerra, medan eg i år hev jobba med Lumiera (som er ein uoffisiell arvtakar etter Cinelerra).

Dessutan hadde eg vore veggis i snart eitt år, no vert det vel altso tvo år.

Februar 2008

Eg vart kasta ut av Universitetet av di eg var på målferd i Telemark for NMU og hadde heilt gløymd å betala semesteravgifti mi. Skit. So det halvåret måtte eg finna på noko anna enn å studera.

Og so prøvde eg å berre leva på rå frukt og grønt. Det gjekk utruleg bra til slutt, men eg gjorde det aldri igjen slik eg hadde lyst. Kannhenda eg prøver meg på ny i 2009?

Mars 2008

Eg og Mats fann ut litt slik kjapt og gale at me skulle dra til Sør-Afrika for å vitja verdas kulaste nynorske nederlender, Michaël de Boer. Tja, eg vil faktisk dra det so langt som å segja verdas kulaste nynorske utanlanding. Kulaste eg kjenner iallfall.

Eg skreiv aldri um dei siste dagone, der eg mellom anna hoppa i strikk (!) (dette er aldri nemnd på bloggen fyrr), og Mats kasta seg utfor brui med den digre bandasjen på foten. Han sleit med å koma seg upp att, haha. Eg hev video av det, so kannhenda det kjem ein gong. Han hadde jo slite seg upp på eit fjell der dei fleste berre tek kabelbanen, men dette var altso værre.

April 2008

Landsmøte i NMU. Eg heng med masse kule folk. Eg vert sint av å køyra bil i Oslo. Eg fortel at eg hev fengje meg vikarjobb i Stavanger som lærar på Randaberg VGS.

Mai 2008

Eg jobbar masse-masse på Randaberg VGS. Jobber litt for Pat Savage.

Helene vitjar meg, og me dreg til Italia. Eg og ho vert kjærastar i månadsskiftet.

Juni 2008

Eg og Helene bur hjå Klaus. Eg er litt i Oslo og Stavanger, eg hugsar eigentleg ikkje alt som skjedde, men det var masse.

Juli 2008

Sumarlægeret til NMU var rundt denne tidi. Den var fantastisk kul.

Eg reiser litt åleina i Danmark og finn ut at Danmark åleina syg.

August 2008

Eg og Helene reiser i Portugal-Spania-Frankrike. Diverre fekk eg aldri skrive um dette. Det skjedde so mykje på so kort tid og eg hadde alt anna å gjera enn å blogga. Men det var dritkult.

Elles tek eg bilete av ein tjuv på Granit i Oslo. Eg hev framleis ikkje brukt gåvekortet eg fekk av dei. Ah, vel, Helene hev. ;-)

September 2008

Eg er på studentsamling med NMU i Trondheim. Kos. Det var ein teit «professor» der, og eg skriv eit sint innlegg.

Eg hev sett Tropa de Elite mange gongar allereide, superbra film teksta på nynorsk.

Oktober 2008

Mangfaldsseminar i Bergen med NMU. Sang karaoke på nattoget burt. Elder iallfall inni meg. Diverre fekk eg store problemer med karaokeutstyret då me skulle hava karaoken. Det gjorde det heile ganske flaut og elendig. :-( Heldigvis kann eg ein måte som fungerer no, men det var sørenmeg ikkje enkelt å båe ha 2 skjermar som viste tekst i tillegg til å få ljod som ikkje hakka.

Eg, Helene og eit par vener av ho dreg til Budapest og er på Queen-konsert der.

November 2008

Eg og Helene var på Stockholmstur, på Al Green-konsert. Hugsar ikkje kva meir som skjedde.

Elles stressa me fælt med eksamenar og anna ymse. Eg jobbar jo i Nei til EU og det tek 50% av tidi mi. Livet gjekk vel sin vante gang sidan eg ikkje kjem på noko spesielt her. Hang med Helene kvar dag (som flytta ut av bustaden sin av di dei ho leigde av viste seg å vera ganske på kanten), og hang mykje med folki i Ivan Bjørndals gate. Det er altso Klaus og Birgitta i tillegg til Janne-Kristin som på ein måte budde hjå oss sjølv um ho ikkje gjorde det. Det gjer ho komande halvår! :D

Desember 2008

Eg hadde fødedag og fekk eit kult objektiv og Nikon D90, i tillegg hadde me jolefest.

Eg kom til Stavanger og var i brullaupet til fetteren min, Buster. Det var veldig kos. Helene drog etter brullaupet for å feira jól på Voss.

So kom joli, det var kos. Eit par dagar etter var eg på joleavslutning med Målsiddisane (det er Stavanger-lokallaget til NMU). Helene kom heim att, og det var nyttår.

Frametter 2009

Eg og Helene var friske som fisk på nyttår. Dagen etter og no, tvo dagar etter er me supersjuke og vonde. Ikkje ein god start på året. Likevel tenkjer eg det vert bra, endå betre enn førre.

Andre oppsumeringar

Eg orsakar for at dette vart endå grunnare enn normalt, men eg er altso supersjuk.

• Klaus skreiv ein herleg oppsummering der han nemner meg sers ofte, eg vart sjølvsagt ovglad.
• Jens skreiv ei oppsummering av målåret 2008, eg burde vel teke ein sniktitt på den fyrst, men eg gløymde det.
• Vebjørn skreiv ei koseleg, moro og fin oppsummering som eg ynskja eg hadde skrive. Neste år! :D

Mogleg relaterte innlegg

• Snakking på 2008-samling
• Ooops, 9 000 meter på 10 dagar
• Aldri meir koffein

«Men du slo jo upp med meg i kommentarfeltet på bloggen min!»

Identitet er eit problem på internettet slik det er no. Me hev ikkje ein standard for å vita kven folk er. FEIL! Me hev det no, og han heiter OpenID. Ok, sjå for deg dette:

1. Nille hev ein blogg, ho er fælt emo av seg, so ho brukar livejournal for der heng alle emoane.
2. Nille hev òg ein kjærast, han heiter Pytt og Panne (frå no av Pytt) og hev ein annan blogg (spytt.example.com)
3. Dessutan finst det ein slem fyr Cato

Pytt hev epostadressa si på bloggen sin, enkelt tilgjengeleg (alle, ink. Cato veit han er spytt@example.com). Ein vakker dag vil Cato øydeleggja litt for Nille og Pytt, so han skriv fylgjande kommentar på bloggen til Nille:

Namn: Pytt og Panne
Epost: spytt@example.com
Nettsida: spytt.example.com
Jeg synest du klager litt mye nå
jeg får vondt i hue, åh!
Tror vi slår opp like greit,
hvis ikke blir jeg feit!
Så du får gå din egen vei,
for nå er jeg rimelig lei! :(

Cato hev sjølvsagt sett korleis alt på livejournal er halvdårlege dikt, og korleis Pytt sine kommentarar er ekstra dårlege. So ingen kann sjå at det er nokon andre som hev skrive kommentaren.

Det er òg problemet.

Nille ser dette og vert heilt frå seg. Ho emobloggar ein heil del på livejournal og segjer ein dum ting um det dumme Pytt hev skrive. Pytt leser berre nyhendestraumen til Nille sin blogg og forstår det slik at Nille hev slege upp med han. Og so vert båe leid seg.

Det gjeld òg for mindre kritiske ting, som å lata som um du er meg, men skriva samnorsk elder bokmål (ugh!).

Slik treng det ikkje vera!

So enkelt var det altso å lata som um du var nokon andre. Slik er det ikkje med OpenID. Ser du i innspeli mine her på bloggen eit OpenID-symbol vedsidan av namnet til den som skreiv innspelet, tyder det at bloggen min hev sjekka at denne personen hev tilgang yver vevområdet han hev skrive seg inn på.

So viss du prøver å leggja att eit innspel her i bloggen med http://www.velmont.net som netsida, vil du ikkje klara det! Du vil ikkje klara å lata som um du er meg, elder nokon andre som hev ein OpenID-fungerande netsida.

Enkel innlogging på andre sidor

Dessutan er OpenID utruleg greitt for innlogging på andre sider,—du treng ikkje hugsa allslags brukarnamn og passord på 10.000 forskjellege sidor når dei stør OpenID. Det er ganske enkelt berre å skriva inn OpenID: www.velmont.net og so kann eg skriva passordet mitt og vips – logga inn! Du kann prøva t.d. identica (mikrobloggingsida) elder Stack Overflow (programmeringsspørsmålssida).

Viss nokon er interesserte, kann eg skriva korleis du kann få ein OpenID og kopla han til netsida di (det er enkelt!). Køyrer du WordPress som omtrent ingen eg kjenner gjer, kann du bruka OpenID-innstikket til WordPress.

Mogleg relaterte innlegg

• wxBanker
• Såg nett «The social network»
• Nautilus-skript for å senda fil til tenar/server

Det viser seg at eg veldig ofte lastar ting upp til roteplassen min på verdsveven. Det er ganske enkelt, eg opnar berre ein terminal og skriv:

scp fili_eg_vil_lasta_upp user@example.com:public_html/

Enkelt og greitt. Likevel er det ikkje alltid eg er i ein terminal og arbeider. Og då vert det litt bale, det tek kannhenda 10 sekund ekstra å

1. Opna ein terminal
2. Navigera meg til mappa der fili ligg
3. Skriva scp-kommandoen

So difor skreiv eg eit lite skript til nautilus slik at eg berre kann høgreklikka på filene eg vil senda og so trykkja på «Send til Acona».

Enkelt og greitt. Når fili er lasta upp fær eg ei fin melding um at ho er nett det, saman med URL-en fili ligg på. Dessutan vert adressa kopiert til det eine klippebrettet i Ubuntu Linux, so då kann eg ganske enkelt berre trykkja på musehjulet (elder på museknapp1 og 2 på likt) so vert adressa limt inn. Herleg!

Eg brukte skriptet til å lasta upp seg sjølv til her: http://odin.s0.no/nyttig/send_via_scp

Mogleg relaterte innlegg

• Korleis bruka JuiceRecorder for å lasta ned Triplet
• XO-1, One Laptop Per Child (OLPC)
• Dagbladet og VG på nynorsk (korleis?)

Oppgåva vart delt ut på internett (http://pgsa.udir.no) og levert på same sida. Sjølvsagt var mange tryggleiksinnstillingar inne; det trådlause netet var slege av. Det var berre mogleg å gå inn på pgsa.udir.no, greitt nok. Dessutan var alle dei bærbare maskinone (laptopane) levert av skulen, so det var ikkje noko rusk på dei. OK. Alle elevane fær eit brukarnamn og passord, dei logger seg inn på pgsa – og so gjeng me (eksamenvaktane) rundt og skriv inn dagspassordet som berre me kjenner. På den måten kann dei ikkje berre mista lappen med brukarnamn/passord på golvet ved lufting slik at mammaen kann koma og logga seg inn, lasta ned uppgåvene, gjera ei av dei og levera.

Norsk er eit vandskeleg fag å juksa i, det finst ikkje svar og det skal godt gjerast å finna ei god uppgåva på netet som andre ikkje finn og som er relevant til uppgåvene du hev fengje. Likevel kann du med internett få hjelp av folk utanfor, dei kann skriva uppgåva for deg etter dei hev fengje uppgåve og senda ho. Voilá enkel 6-er. Men internettilgangen var jo blokkert, so det gjeng jo ikkje!

Lokale ad-hoc netverk

Men du treng ikkje internett! Mori di kann sitja utanfor eksamenslokalet på Linux-maskini si og setja upp eit trådlaust Ad-hoc netverk. Då er det berre for deg å kopla deg til netverket «Mamma sitt überkule netverk for konsulenttenester på nynorsk og bokmål, eller nynorsk og sidemål som er det er kult å kalla det», eventuelt det litt meir anonyme namnet «RRFK-PED». Frå der er det berre å setja på kryptering av pakkone, og vips – du og mamma kann prata fritt med kvarandre medan eksamensvaktane ikkje anar nokon ting. Du kann senda ho PDF-en der uppgåvone står, ho kann enkelt skriva heile uppgåva og senda ho til deg fyrr eksamensslutt. Superenkelt. Og du fær vips 6-er.

Dessutan, viss du berre vil ha 3-er, eller mori di syg, so kann du jo òg avtala på fyrehand med ein kamerat i klassa som òg hev eksamen at de gjeng inn på netverket «RFK-0PEN» (med 0-tal) med passord «booyah» og chattar der/retter kvarandre sine uppgåver slik at de unngår 2-en.

So kva gjorde eg som den hippe eksamensvakten som eg var

Jo. Den dagen på Randaberg VGS var det ingen som kunne juksa på denne måten. Kvifor? Jo, for eg sat jo sjølvsagt med Linuxmaskini mi (Foss) og lytta på all trådlaus trafikk. Eg sat uppe med airodump-ng pluss det trådlause netverkskortet i «monitor»-mode for å henta all trafikk på netet, og so brukte eg hendige Wireshark for å sjå på, analysera, laga grafar og overvåka netverket. So dette brukte eg tvo dagar på.

Diverre vart eg betalt som vanleg eksamensvakt, eg trudde eg skulle få meir sidan den jobben kann ikkje einkvar pensjonist gjera. Velvel, aldri igjen. Og no veit de kor enkelt det er å juksa på norskeksamen um du sit med bærbar datamaskin og um eg ikkje er ein av eksamensvaktane.

Mogleg relaterte innlegg

• Norskeksamen FERDIG!
• Lenovo ThinkPad utan Windows-skatt, plz?
• Nautilus-skript for å senda fil til tenar/server

Demontering

Det var neimen ikkje enkelt! Eg sleit, det var alltid ei skrua til på ein eller annan rar plass som måtte av. Var aldri sikker på um eg måtte riva hardt for å få av delen; eller um det er ein annan måte å fjerna han på. For kvar nye skrue, kvar ekstra del, vart eg meir og meir fortvila. Spesielt ei av skruane til skjermen var irriterande; eg hadde øydelagd gjengane på skrua. Til slutt fekk eg ho opp då Gus (Håvard) hjelpte meg og viste meg O-store-tang.

Til slutt sat eg att med ein heil haug skruer og ein heil haug deler eg ikkje hadde peiling på kvar kom frå.

Avlodding

Eg såg likevel straumkontakten som er Sol sitt livs store problem. Eg starta lodda han av. Etter ei stund var han av. Eg ville finna ein lik del for å kaupa på ELFA.

Kauping av elektronikk på ELFA

Det var ei søt jenta bak disken. Eg forklarte og viste ho delen og kabelen, samt sa nummeret på delen eg ville sjå på (me hev ein tøff bok med alt ELFA hev her på PING). Ho fann til slutt fram ein som passa ganske bra og eg kaupte han for 15 kr. Det var langt frå gale.

Kann eg bruka denne delen?

Eg visste delen ikkje passa heilt til hovudkortet, men eg tenkte eg skulle sjå på det. Eg dreiv mykje på med slike elektronikk-testarar for å finna ut korleis desse tvo delene fungerte og korleis eg måtte lodda delen på hovudkortet til maskini mi.

Til slutt fann eg ut kva som var galt med den gamle delen. Eg gjekk inn for å heller prøva å fiksa den. Det gjorde eg. Litt lodding her, litt lodding der. Eg fiksa opp i den teite delen, og VOOPS! Der var han på kortet!

Deilig!

Putta maskini saman att (men fyrst testing)

Eg var veldig redd for at eg hadde øydelagd maskini på ein eller annan rar måte. Det er jo ein resistor som hev falle ut av maskini (men det skjedde for lengje sidan), og eg hev jo drege ut allslags rare kablar og skrudd ut masse skurer. Eg sat maskini hallvegs saman att, kopla på skjerm og tastatur; og straum. Venta i spenning saman med Egil:

Yey! Han fungerer! Eg hadde ikkje sett harddisken i (med vilje), so difor skrudde eg berre resten av maskini saman (det var ikkje lett) og slo ho på. No skriv eg på Sol og alt fungerer storarta. Eg hev framleis ikkje testa nettverkskabel, men det kann eg leva med. Nett no nyttar eg trådlaust net på PING; trådlaust er herlegare enn kabel same kva.

Etterdønningar

Eg sit att med ei berbar maskin som manglar skruar i ein heil legion hòl. Dessutan sit eg att med ein heil skokk skruar som eg ikkje veit kvar skal. Haha. Dei fungerer ikkje i dei gapande hòli, so noko er veldig feil. Men det er eigentleg ingen problem for maskini fungerer jo att!.

Mogleg relaterte innlegg

• XO-1, One Laptop Per Child (OLPC)
• IP-telefoni fungerer, ikkje
• Sol (maskini mi) er defekt, snart ryk batteriet

Oppdatert: Dei held fram. Eg trur eg hev klart fiksa det no; det låg att ein administrator-brukar på bloggen.

Eg er sjølvsagt i hundre av å hava uppdaga at eg hev kunna spreidd det glade bodskap heilt utan vitande vilja og tanke. At eit par hot sexy latina bitches kannhenda fær litt betre betalt når halliken deira tener litt meir pengar grunna mi inkjevetta lysing, er ein annan positiv biverknad.

Alle veit jo at eg elskar porno-bransjen endå meir enn våpen-bransjen. Sjølv um båe bransjane (som er dei som omset mest pengar i verdi!) er botnsolide og fjonge bransjar; so må eg nok seia at porno stend i høgsetet spesielt i desse joletider. Ja, eg veit, det er jo viktugt å hava våpen slik at me kann skyta i stykker hovuda til menneskje som er mindre verd eller meiner feil ting; men likevel er det noko spesielt i gleda me fær av å sjå på pur kapitalistisk, utnyttande porno. Ah, det finst vel ikkje noko meir samansveisande i ein flokk menneskje enn å sjå på gruppevaldt… – eh, -sex.

Pur kommersiell sex. Det er viktugt at han finst; om ikkje kunne me jo gjort noko so fælt som å hava sex med dei me er glad i! Usj, æsj, bæsj.

Um netsida

I det siste hev eg merka at siderangeringi mi hjå den o-store søkemotoren hev vorte ganske so bra. So lenkjer eg til deg er du heldig, for då fær du søkjemotor-jus. Difor var det so jysla heldig at desse herlege porno-sidene kom på at dei ville cracka WordPress-installasjonen min og putta opp eit lite skript som gjorde at eg kunne hjelpa dei med å få meir søkjemotor-jus. Stakkars, dei hev vel godt av all stønad dei kann få; dei fær vel so mykje trafikk og so mykje pengar av gode, kåte menn at dei må få låna litt plass hjå meg.

Eg veit jo kor mykje eg sjølv betalar for å hava netsida mi oppe.

Kvar er godskapen då?

Leit ikkje lengre!
Eg hev diverre fjerna han. Av ein eller annan grunn gjorde eg noko veldig dumt og impulsivt då eg fann dette (via Technocrati og referer):

• Vart yverraska
• Sint
• Prøvde finna ut korleis dei hadde klart det
• Fjerna xml.php som vart lagt inn av crackarane
• Oppgraderte WordPress-installasjonen min slik at eg ikkje skulle verta råka av det same um att

Å oppgradera WordPress er ikkje impulsivt, men det fær so vera. Elles leita eg gjennom heile netsida for å finna liknande brot.

Sida slik ho var

Eg veit ingen hev venta på å sjå bilete av sida; men eg legg det ut lell.

Godt å sjå at dei ikkje er redd for å taka seg til rette. Sjekk URL-en. Ja, det er faktisk www.velmont.net/xhtml/, ei sida som ikkje er vanleg kjend for folk. Det må ha vore menneskje som fann fram til det, og det må ha vore ein feil i WordPress. Eg synest det er veldig rart at dei fekk det til um det var ein bot som gjorde det; men truleg hev det altso vore ein person.

Elles legg merkje til morosame ting som at [Gay] hev ei spesiell markering; og TEENS ser ut som um eg hev vitja nett denne sida. Elles er puppane til nokre av jentone ganske forferdelege.

Det skjedde um att

Eg vart mildt sagt yverraska då eg såg at dette framleis fungerte. Det var godt at eg fann ut av det att og fekk sletta administrator-brukaren som låg att i WordPress. Ei lita melding til alle som kjem inn på denne sida:

Stop surfing for porn! It’s a nasty business you stupid fuck

No hev eg gjort um dette xml.php-skriptet til eit skript som loggar alle som kjem inn (difor fær eg sjå kvar alle kjem frå). Det er ganske stor trafikk til den fili. Sida mi kjem på fyrstesida på søk med «cheerleader porn» og «horny women webcam». Eg ser det er fleire som er infisert på same måten. Eg vonar berre dei ikkje klarar utnytta sida mi meir.

Alle treffi som kjem inn til xml.php-fili kjem no til denne sida her; so dei fær noko dei ikkje vil hava :P

Mogleg relaterte innlegg

• Norsk målungdom sine netsider
• Vevsidereformen 2007
• Sida oppe igjen, i oppdatert godskap!

Kvar hev eg lært alt eg kann um datamaskiner? Det hev eg lært sjølv. Mykje ved hjelp av internett i tillegg til prøving og feiling på eigen maskin. Mange land (som Brazil og Peru) er ikkje totalt underutvikla (dei hev mat osb), men manglar likevel konkurranseemne til å kunna reisa seg skikkeleg. Idéen er å reisa born i heile verda og gjera dei teknologisk kompetente ved å la dei taka større del av utviklingi sjølve.

Kaup tvo, få ein!

Eigentleg prøvde dei selja til statar, men det viste seg å vera litt vanskeleg. So no, for å få starta det heile og få upp produksjonen (større produksjon = billegare maskinar), sel dei ein maskin for prisen av tvo.

«Huh? Men er det rett?», spyrr du kannhenda.
«Jeppsideppsi,» forklarar eg «den eine gjeng til deg, den andre til ein unge i eit land.»
«Kva for land?»
«Eit i tredje verdi, eller andre. Uindustrialisert iallfall.»

Teknisk

Grunnen til at eg vil hava ein XO-1 (fyrste maskini laga av OLPC) er altso ikkje berre av di eg vil gjeva ei maskin til ein unge. Eg vil jo hava maskini sjølv òg, men kvifor? Jo, spesifikasjonane på den lille søte maskini er heilt nye. Ein ny spesiallaga skjerm som fungerer i soli, sers låg straumbruk og heile maskini er fri og open. Ja, han køyrer sjølvsagt Linux. Kjeldekoden til programmi som kjem med ligg ved maskini, so det skal vera enkelt å endra ho. Tenk so kult! Eg kann berre sitja ute i soli i timesvis og programmera!! Det er so mykje tøft med denne maskini at det ikkje er til å tru.

Korleis få då?

Dette er vel heile grunnen til at eg skriv dette fyrr eg hev fengje sjølve maskini. Det viste seg å vera sers vanskeleg å få kaupt ei maskin. Meg og Børge gjekk saman for å få det til. Me visste det ville verta litt vanskeleg, for OLPC skreiv:

• Maskinane vil berre vera tilgjengeleg for USA og Kanada

Som er ganske teit og tullete for alle oss koselege folk i resten av verdi. Men det vart endra då dei gjorde det mogleg å kaupa maskini til 31. desember. No står det at du skal kunna kaupa maskini same kvar du er, berre du sender ho til ei adressa i USA/Kanada. Det er ikkje so enkelt. Me fekk det ikkje til med Børge sin USA-registrerte PayPal-konto og ei JetCarrier-adressa i USA. Heller ikkje med Leif Arne sitt USA-bankkort og JetCarrier-adressa i USA. Kannhenda dei ikkje sender til JetCarrier. Veldig rart.

Det ser ut som dei sel og sel av denne maskini. Ikkje rart. Men det spyrst kor raskt dei klarar pumpa opp produksjonen nok til å klara senda våre når me ein gong fær tinga dei skikkeleg.

Same kva. Trass alle dei digre problemene me hev, eg hev so inn i granskauen lyst på ein OLPC XO-1. Gaaah. Hackety-hack.

Lillesyster mi, Kitty Karina, må absolutt òg få ein; ho skal jo verta ein stor hackar. Yey! :D

Oppdatert: Endra JetDirect til JetCarrier, etter marXman gjorde meg merksam på det

Mogleg relaterte innlegg

• Kitty Karina hev OLPC XO-1 i huset!
• Sol fungerer att!
• Dagbladet og VG på nynorsk (korleis?)