Velmont - Odin Hørthe Omdal » Organisasjon

Dagverd er sluppe! :D

Odin Hørthe Omdal — Mon, 07 Mar 2011 11:47:51 +0000

Du må sjå avisi i papirformat, taka ho med ut på do eller ha ho i dei seine nattetimar. Eg kann senda ho i posten til ymse folk, eller levera dersom du bur i Bergen. Read more on Dagverd er sluppe! :D…

Mogleg relaterte innlegg

Tri treige dagar, syltetybraudskiva

Odin Hørthe Omdal — Sun, 27 Feb 2011 22:27:13 +0000

Eg hev arbeidd og arbeidd og arbeidd i det siste. Inne-inne-inne. Sett få folk og vorte meir og meir prega av det. Eg klarar meg ikkje stort greit åleina. Men! No kjøpte eg meg ei bringebærsyltety-sprutflaska og fekk teikna litt mynster på braudskivene mine. Det gjorde ting litt betre iallfall.

Nokon av dei såg ut som racebilbanar, andre annleis. So det so.

Det eg arbeider med er dette her;

Det vert kjempebra. Du må koma på studentsamlingi vår 4.-6. mars, so skal du få ei avis med vaffel og meir ;-) Vert kjempekoseleg og sosialt. Mange bra folk kjem.

Mogleg relaterte innlegg

Dagbladet og VG på nynorsk (korleis?)

Odin Hørthe Omdal — Mon, 29 Nov 2010 16:58:50 +0000

I dag lanserte me endeleg dei tvo sidone nynorskvg.no og nynorskdb.no som me hev jobba med i nesten eit år no. Det er del av Norsk Målungdom sin haustkampanje, «Opphev nynorskforbodet i Dagbladet og VG».

Eg hev stått for alt det tekniske, og alt saman putrar og går på ein tenar hjå Linode i London. Veldig mykje av tidi mi hev gått med til å uroa meg yver kva som skjer dersom sida fær ein del trafikk. So i det høve har eg måtta lært meg ein heil del ny teknologi for å kunna skalera det heile ut til fleire maskiner dersom det vert litt for populært for ei maskin.

Det var berre 5 minutt med batteri att på maskina nett, so de fær leva med elendig teikning. Dessutan gløymde eg at Varnish eigentleg er der eg hev skrive nginx (lastfordelar), men dei er uansett ute av funksjon – det er noko eg putter inn dersom me treng meir fart på frontenden.

Den store svarte ulven her er apertium, som er hovudgrunnen til at ting går råtreigt. Apertium et lett 80-200 MB RAM for å omsetja ei side. I den fyrste versjonen eg skreiv so var det berre Apertium og Apache som nettenar, då vart apertium opna for kvar person som gjekk inn på ei side viss sida ikkje var lasta frå fyrr. Det tok meg ikkje meir enn å gå inn på to artiklar på likt for at tenaren kræsja og OOM-killeren (ikkje-meir-minne-drapsmaskina) i Linux drepte som galen. Fyrr den tid brukte han harddisken som minne (swap), noko som er supertreigt og fekk alle dei forskjellege jobbane til å hopa seg opp.

Det var opplagt nok ingen vinnande strategi.

Måten systemet fungerer på no er ganske elegant av di det er mogleg å leggja til fleire tenarar som gjer det harde arbeidet veldig enkelt.

Når du gjeng inn på ei side, skjer no dette;

Sjekk urlen (adressa) mot databasen (mysql), viss han finst, returner den ferdigomsette sida.
- Viss omsetjinga er over GAMAL minutt, legg ein ny jobb til i køen (celery, som pratar med rabbitmq)
Viss urlen ikkje var i databasen, legg ein ny jobb i celerykøen og vis lastar-side.
- Laste-sida prøver den same urlen kvart andre sekund heilt til han fær den ferdig omsette sida (1.)

So, det ligg potensielt eit par jobbar i køen no.

På ei (eller 20) anna maskin, køyrer celeryd som tek ein og ein jobb frå køen og køyrer dei etter kvarandre, når sida er omsett so lagrar dei resultatet i databasa.

Eg hev fylgd med på trafikken til sidene, og nett no med dette systemet so klarar me køyra båe nynorskvg og nynorskdb på ein liten vps, men me bruker stadig meir av ressursane, so det er kannhenda eit poeng å køyra opp eit par tenarar til, problemet er at det vil medføra ein del nedetid, av di eg må gjera systemet nettverksbasert og ikkje på ei maskin slik som no.

Men nett no sit eg på bussen til Bergen og maskini mista internett, so det fær venta. Det er jo for løye dette her, so folk tòler nok litt treigskap. Dessutan so er sidene framleis relativt kjappe. :)

Når det kjem til Varnish so er det litt interessant at det var VG som betalte for utviklingi av programmet i fyrste omgang; so det er moro dersom eg puttar det inn for nynorskvg ;)

Mogleg relaterte innlegg

Nye nynorsk.no

Odin Hørthe Omdal — Tue, 11 May 2010 12:13:15 +0000

1. mai slutta nynorsk.no å fungera, so eg byta han ut med ein nytt system som eg hev brukt Ella CMS (skrive i Django) til å driva. Eg hev skrive ein eigen Ella-modul for å gjera referansane til andre nyhende, som er det meste nynorsk.no er.

Eg finn ikkje passordet og brukarnamnet til feedburnerkontoen til nynorskno, so irriterande nok fær eg ikkje endra rss-en til den nye plasseringi. Same kva, eg lurer på kva folk tykkjer um omformingi? Eg hev eit par eigne idèar på kva eg vil gjera med nynorsk.no, men eg mista litt pågangsmotet no når eg hev brukt so mykje tid på å i det heile teke få han upp i ei enkel utgåve.

Men viss andre kjem med gode framlegg (som ikkje er so alt for vandskelege å fiksa) so vert det kannhenda litt meir moro å fiksa på det.

Dei gamle nynorsk.no-sidene finst framleis på gamal.nynorsk.no, og ser/såg slik ut:

Dei nye ligg upplagt nok på nynorsk.no. Eg hev fiksa skikkeleg no-www for nynorsk.no òg no, herleg. I skrivande stund ser nynorsk.no slik ut:

Brukar du nynorsk.no? Saknar du noko frå dei gamle sidene? Kva vil få deg til å bruka nynorsk.no meir? Gamle nynorsk.no var mykje meir ein portal for nynorskting, korleis kann me få det attende, kva er viktugast?

Mogleg relaterte innlegg

Uproff masseepost til NMU-medlemene mine

Odin Hørthe Omdal — Mon, 30 Jun 2008 22:28:58 +0000

Sit her og et pestopasta med tørka tomat og stirrer inn i Foss, den bærbare maskini eg snart må levera att til Randaberg VGS. I dag hev eg skrive epost til mange menneskje, og han vart ikkje so alvorleg som han kannhenda burde. Sender du epost til mange må det nemleg vera gjennomtenkt og alvorleg. Synd eg er so inn i hampen dårleg på nett dèt.

Tingen er at… Vel. Eg trur eigentleg straumbrevet talar for seg sjølv. Eg skreiv tvo stykk; eitt som gjekk til Sogn og Fjordane folk (omgplz, kom på sumarlæger, han er jo spesielt laga for DYKK) skrive på Sogn og Fjordane-nynorsk, og eitt på normal-nynorsk til resten av fylki mine; Finnmark, Buskerud og Aust-agder – ikkje akkurat nynorsken sine sterkaste kjerneområde. Eg legg berre ut den siste, som var mest usakleg:

Hei, ein liksom-telefon frå meg; sumarleir

Hei!
Mitt namn er Odin Omdal Hørthe, og eg er områdeandsvarleg for deg i
Norsk målungdom. Eigentleg skulle eg (for lengje sidan) ringt rundt
til alle fylka eg har andsvar for, men eg har jobba i Stavanger og
reist. Dessutan likar eg dårleg å ringja folk utan at eg kjenner dei
(kjenner meg litt som ein telefonseljar, æsj). So lat som om eg har
vore flink sentralstyremedlem og ringt deg, omtrent slik går samtala:

«Hei! Dette er Odin som ringjer frå Norsk Målungdom :-) »
Du: «Hallo»
«Har du eit par minutt, kannhenda?»
Du: «Jao, det har eg vel.»
«Flott! Jo. For du skjønar, me har ein sumarleir i desse dagar – har
du fått informasjon om han?»
Du: «Ja.»
«Ja, han er 8. juli og det vert jysla kjekt og (blablablablab), sooo
eg lurte på om du hadde lyst til å koma på den?»

Her svarar du anten:
* «Ja»
* «Nei»
* «Berre litt» (som tyder: eigentleg ikkje, men eg prøver å vera snill)

Svarar du «Ja» (som ganske mange gjer, yey!) so følgjer eg opp:

«Men, BADABOM (denne ljoden lagar eg): har du TID!?»
Kor du då svarar: «Nei»

Eg vert ganske skuffa:
«Å. … Ånei. Nei-nei. Synd. Hmm.»
«Kannhenda ein annan gong?», prøver du å trøysta
«Ja, kannhenda det… Hadebra!»
«Hade!».

MEN: nokre få gongar mellom alle desse 1000 folka eg ringjer so er det
nokon som svarar at dei har tid, då veit eg aldri kva eg skal seia
for eg har då vitterleg ikkje manus for slike særs sjeldne svar
(neidå, eg har ikkje manus i det heile teke, men eg vert heilt sett ut
av folk som faktisk kan koma).

Tingen er då, det er prøver å få fram med denne alt for lange eposten
(orsak!) er: er du ein av desse folka som 1. har lyst, 2. har tid? I
det litt meir seriøse hjørna so er det kjempemoro, og me vert rundt
35 stk, so ikkje for mange og ikkje for få.

Eg vonar du kan koma. Spør meg verkeleg om det er noko! :)

- -
Beste helsing,
Odin Hørthe Omdal <test@s0.no>
http://www.velmont.net

Og elles, jobb jobb jobb

Elles hev eg sitte heile dagen på kontoret mitt hjå Nei til EU. Det er ein diger sekk av uppdrag eg kann velja mellom, det er ikkje alltid like enkelt å velja. So eg gjer litt her og litt der. Eg hev mellom anna skrive eit intranettsystem frå botnen til NTEU. Eg lette lengje etter noko ferdigskrive, men fann aldri noko som passa det me trong. Fann det nesten fleire gongar, men nesten riv ingen mann av hesten som me segjer.

Nei til EU intranett

So eg skreiv mitt eige. Starta med å skriva god kode, so fann eg ut at det berre var eg som kom til å hacka på det lell – og eg kunne like godt gjera det den raske vegen. So eg skriv no OK kode utan superavansert og gjennomtenkt oppbyggning.

Folk loggar seg på med sin vanlege brukar og passord (jadå, det brukar LDAP). Dessutan brukte eg litt tid på å læra meg mod_rewrite skikkeleg slik at eg kunne laga flotte URL-ar som gav meining til brukarane. Eg er godt nøgd.

Eposttenar, med dspam osb

Eg sette òg upp Kanin, ein enkel og grei firewall+gateway/router+dnsserver+dhcpserver. Og Rev, ein eposttenar som brukar Postfix og Dovecot, i tillegg til dspam for spamfiltrering. Spamfiltreringi er statistisk og må trenast upp av kvar enkelt brukar. Alle kjem til å måtta bruka IMAP frå no av, for spamfiltreringi avheng av at brukarane legg spam i SPAM-mappa, og tek ut ekte epost frå den same mappa. Eg ville gjera det enklast mogleg for brukarane. Eg er likevel livredd for å setja det i verk. So langt fær eg ingen spam på adressa mi test@s0.no, so eg fær ikkje testa dspam. Eg hadde sett upp SpamAssasin og var godt nøgd med det, men so måtte jo torstehu koma med eit betre framlegg. Same kva, det er sett upp.

Elles

Det er masse elles. Men alt til sin tid. Klaus hev umtrent flytta ut, so eg eig meir eller mindre roterommet honoms («vårt») no. Fylg med på Victor sin freistnad på mangfasesvevn og les kannhenda litt um min eigen svevnfreistnad som eg gjorde for meir enn eitt år sidan.

Ah, forresten er det sumarleir snart. Det VERT dritbra, so kom, kom, kom. :-)

Mogleg relaterte innlegg

Til Sogn og Fjordane!

Odin Hørthe Omdal — Wed, 28 Nov 2007 07:52:05 +0000

Då dreg eg veldig snart til Sogn og Fjordane for å starta lag i Årdal, og for å vitja Firda MU. Bussen gjeng um ein time, og eg må pakka og koma meg av stad. Heldigvis treng eg ikkje mykje;

Tannkost.
Lommabok (med visakort).
Tilfang og nyskipa lag-skjema.
…
Litt varme klede.
Ahh! Sikkert litt kontantar, i Sogn og Fjordane hev dei sikkert ikkje bankterminalar.
Hum. Eg må taka ut pengar då. Det gjer eg aldri.
Forresten må eg truleg skunda meg og ikkje skriva innlegg…

So eg gjer det. Hadet godt! :D Eg gler meg, litt skræmt og nervøs (og det vert truleg verre når eg kjem nærare Årdal). Eg hev diverre sers lite peiling på skiping av lag. Vonar alle er snille med meg og at mange av dei tek verv i styret og vil jobba med det :-)

Mogleg relaterte innlegg

Nynorsken, høgre, sidemål og engelsken

Odin Hørthe Omdal — Fri, 23 Nov 2007 13:24:03 +0000

Det skjer mykje interessant rundt nynorsken i desse dagar. Veldig mykje tull frå mange stader, i tillegg til at eg kjenner NMU stadig veks som organisasjon og vert viktigare. Me fekk nett høyra at resultata frå sidemålsforsøket vart lagt fram med ein knusande siger for ein sidemålsfri skulekvardag. Og rundt oss hoppar Sylfest Lomheim og preikar um dauden til norsk språk i kamp mot engelsk. Saman med han finn me eit englekor som forkynner målfred og ynskjer at me nynorskingar berre skal leggja oss ned og la bokmålet valdtaka oss. Bakfrå.

Det vert ikkje betre av at Sleipfest ofte fær rolla som «nynorskingen», når han hev so klåre meiningar som strid i mot kva målrørsla meiner.

Kampen mot nynorsk forkledd som kamp mot engelsk

Nei, usj! Dette her er berre samnorskingane sin muterte krampaktige kamp mot nynorsken (samnorsken er bra for bokmålet, men dauden for nynorsken). Altso, bokmålet kann berre leggja ned sin strid – der er det ingen. Bokmålet er den store undertrykkjaren, den språkfascistiske herren som trampar av garde og gjer folk likegyldige til språk. Utanom nyorskingane. Bokmålet er ein større trussel mot norsk enn det engelsken er! Mykje større! Og kva språk er best til å stå mot engelsken (og verna um fridomen og folkestyret vårt)? Jo, det er nynorsken. Det er nynorskingane som pratar um språk, det er me som er upptekne av det og er språkmedvitne. Det er nynorsken som gjer at me i det heile teke hev eit ordskifte um språk i Noreg, det er nynorsken som gjer alle upptekne av språk. I Sverige er det langt mindre ordskifte, sjølv um dei hev verdas kulaste målføre innanfor sine grensor (Elvdalsk (nesten som norrønt!)) let dei det stille døy ut.

So kva er svaret på kampen mot engelsken? Tak i bruk nynorsk! Og slutt å prat um at engelsken er ein trugsel mot norsk, det er bokmålet som er den største trugselen.

Og so til dette fantastiske sidemålsrunket i Oslo

Eller kannhenda me skal kalla det eit opent angrep på nynorsken?

Mange fleire enn meg hev prata um kor dårleg dette «forsøket» hev vore og at det ikkje kann kallast forsking. NIFU STEP seier sjølv at rapporten brukast feil av Høgre og meiner han ikkje kann lesast slik fanden les bibelen og Høgre les forskingsrapportar.

Men det er ikkje fjerninga av sidemålsundervisninga som fører til at elevane blir betre i hovudmålet. Elevar som har delteke i sidemålforsøk i andre deler av landet, men då hatt meir sidemålsundervisning, har hatt vesentleg betre haldningar og vorte meir positive til nynorsken, seier Gro Morken Endresen.

Det er synd å sjå Høgre, som ein gong hadde ein skokk intelligente folk, søkka so lågt. Alle ser jo at dette ikkje kann kallast noko seriøst forsøk um obligatorisk sidemål. Alle dei seriøse forskningsmiljøi i Noreg sa jo faktisk nei til å vera med, ei kort lista:

Universitetet i Oslo: Nei, dette er ikkje forskning
Høgskulen i Oslo: Nei, dette er ikkje forskning
Høgskulen i Volda: Nei, dette er ikkje forskning
NIFU STEP: Nei, me hev ikkje kompetanse til å gjera dette
Universitetet i Gøteborg: Nei, dette er ikkje forskning
Universitetet i Stavanger: Nei, dette er ikkje forskning
NIFU STEP: Ooo-kååå då, hekkan, me hev ikkje kompetanse på dette – men me fær prøva likevel då, hekkans maserau, sidan ingen andre gidd

Og so gjorde NIFU STEP eit heilt ekstremt rart forsøk der dei i tillegg til å taka vekk skriftleg sidemål sette i verk mange andre tiltak for å gjera undervisningi betre;

Forfattarvitjing
Teatergåing
Tettare oppfylging av elevane med mappevurdering
Kompetanseheving av lærarane (!!!)

Kva resulterte dette i?

Ikkje auka lesedugleik
Ikkje auka munneleg framstillingsevnur
Ikkje vesentleg betre haldning til norsskfaget
Dårlegare oppfylging av dei som faktisk valde å halda på sidemålet
Ei svakt betre haldning til nynorsk (sikkert samanheng med lærarar som ikkje fær høve til å sabotera og klaga på nynorsken)
Å, yey, noko positivt: heile 0,146 karakterpoeng betre i standpunkt og 0,271 betre på eksamen
- Fryd og gaman! Glede og dans!

So det er difor dette forsøket knuste sidemålet, ja? Dette var jo kjempepositive resultat. Og det er nok ikkje grunna den lista yver andre tiltak som vart sette i gong i tillegg. Neeidå. Eg trur ikkje kompetanseheving av lærarane hev noko resultat, ikkje forfattarvitjing og heller ikkje mappevurdering med tett oppfylging av kvar einskild elev. Nei, det er nok av di dei hev teke vekk eit fag. Me vert jo (som alle veit) betre i språk ved å hava mindre å gjera med det… No synest eg neste steg må vera å fjerna historiefaget, folk hev jo ikkje nytte av dette når dei skal taka seg jobb på Essoen og då kann heller dei som er interesserte verta mykje flinkare i historie – sidan me vert flinkare i alt som ikkje er obligatorisk.

Positive sidemålsforsøk

Det er interessant å sjå på positive sidemålsforsøk her. Der ein faktisk fylgjer læreplanen og gjer undervisningi god i staden for å taka ho vekk. Eg siterer fritt frå pressemeldingi til Noregs Mållag og Norsk Målungdom; Byrådet i Oslo til stryk i sidemål:

- Kvifor tør ikkje byrådet å satse på eit slikt prosjekt i staden, spør Hege Myklebust. Ho meiner osloelevane har krav på god like god undervising som elevane i resten av landet.
– Dei gode nynorskprosjekta finst, men Oslo kommune overser dei. Ved eit liknande prosjekt i Kristiansand gjekk sidemålskarakteren opp på eit halvår, framhevar Jens Kihl.

Dessutan hev me jo det kjende Holmlia-forsøket, der elevane nyttar nynorsk i eit anna fag enn norsk. Kva skjer her?

Tydeleg betre haldning til nynorsk
Og av det fylgjer: betre karakter i nynorsk
Sikkert noko anna, men eg vil ikkje seia noko for eg hev ikkje lese forskingsrapportar på det :-)

Kjære Høgre

So, kva med denne radikale tanken å gjera norskfaget betre i staden for å kutta ut obligatoriske og demokratiserande fag? Eg veit det kann vera litt vanskeleg for dykk å forstå at ein betre skule gjev flinkare elevar (merk den store uvilja mot å prøva positive forsøk og ikkje minst «kunnskapsfallet» som de nett innførde), men prøv i alle fall.

Takk.

Mogleg relaterte innlegg

Lag i Årdal!

Odin Hørthe Omdal — Wed, 14 Nov 2007 23:49:22 +0000

Yey! Eg kjenner det vert mykje NMU-relatert her no for tidi, men det tek all tidi mi no for tidi. Og, ja, førre setning hadde tvo for mange «tidi» i seg. Men eg syntest det var litt moro. Dessutan er det tøft med so mange i-ar. Same kva, det ser no ut til at det vert lokallag for NMU i Årdal! Det er jo megasupert. Eg kjem til å draga vestyver til Sogn og Fjordane mellom 25. til 30. november og vera med på mi fyrste lagskiping. Og eg gler meg noko heilt enormt! :D

Ringjert

Eg hev ikkje fortalt um ringjertane me hev i Sentralstyret i NMU, dei gjeng ut på at me ringjer medlemane i området vårt. Eg var heilt ekstremt redd for dette då eg starta; eg ringde ingen (utanom Jostein Avdem Fretland, som eg visste var ein skitbra mann). Etter eg hadde fått kjenna organisasjonspisken starta eg å ringja lell; det viste seg at det var omtrent ingen som svarte. Eg ringde og samtalane gjekk slik som dette:

Meg: Hei! Dette er Odin Hørthe frå Norsk Målungdom som ringjer!
Person: Åh. Hei.
Meg: Hev du litt tid? (Her smiler eg litt ekstra, eg hev ikkje peiling um det er mogleg å høyra slik :P)
Person: Ja, hev vel det.
Meg: Ah, ok…

På dette punktet byrjar eg seia allslags rare ting. Nokre gonger pratar eg um at eg skal spyrja um fleire ting (ganske teit). Andre gongar spyrr eg um dei hev fengje brevet frå oss for nokre vìkor sidan (dette fann eg ut var lurt å spyrja um etter litt (med hjelp frå Jens)). Det pla enda slik iallfall:

Meg: … Sooo, det eg prøver å seia er; hev du tid og lyst til å koma på ideologiseminaret?
Person: Naai, eg trur ikkje det, du.

Etter det skulle eg spyrja um det var mogleg å få til noko lokallag på plassen – det vart eg betre til etter litt.

Meg: .. Eh, korleis.. er folki rundt deg? Er dei, uhm, moglege, eh, målungdomar? :P
Person: ???
Meg: Trur du det er von for å få til eit lokallag?
Person: Njaa, trur ikkje det.

Ånei. Det var yverraskande, du. Nei, men eg er eigentleg litt slem her, for eg hev eit stort fylke som er heilt fantastisk med masse kule folk; Sogn og Fjordane. Det var fleire kule folk i Årdal fann eg ut, plutseleg varte telefonsamtalane 15–50 minutt og ikkje 2. Me gjekk nøye gjennom stoda for nynorsken i Sogn og fortalte ein del um NMU sentralt. Ganske koseleg. Eg lyt ikkje skriva namn, men generiske førenamn bryr ingen seg um; so eg hadde sers koselege samtalar med mellom anna Eirin, Merete, Kristine og Anette. Anette sa faktisk ho ville koma på idsem (Ideologiseminaret), eg visste ikkje kva eg skulle seia:

Meg: So, hev du tid til å koma på idsem?
A: Ja :-)
Meg: Aah, haha ja, dumme meg, det er jo ikkje det eg skal spyrja um fyrst; meir viktugt: hev du lyst til å koma på idsem.

Her kann eg jo ikkje seia anna enn at eg venta å få eit «nei :-)» (med smil, sidan Anette saman med resten NMU-medlemene i Sogn og Fjordane er ekstremt koselege og hyggelege).

A: Ja, det vil eg gjerne.
Meg: Eh. … Å? Ehh…

Plutseleg vart eg mållaus, etter eg hadde prata som ein kanon i mange, lange minutt. Eg ville ikkje verta fort ferdig med samtala, so eg hadde utsett idsem-spursmålet lengje; då eg fekk positivt visste eg sjølvsagt ikkje kva eg skulle gjera. Men prøvde til slutt å ro meg ut or det:

Meg: … So, eh, bra. Av erfaring er det ikkje det folk seier. So. Ja. Eg veit ærleg talt ikkje kva eg skal gjera når du seier ja. Kann du seia «nei» heller?
A: Ok, … nei, det vil eg ikkje.
Meg: Ah, mykje betre!

Det siste der med «nei» var sjølvsagt berre tull. Meg og Anette la seinare planar um å taka yver verdi i tillegg til å finna ut korleis me skulle få fiksa transport til Oslo. Til sist viste det seg at ho ikkje fekk lov til å reisa lell. Menmen, neste år. :-)

Ut av den enorme avsporingi

Eg skulle gjerne skrive endå meir um kor kult ringjert vart. Eller kor mykje mindre skræmande. Det fær vel heller liggja. Same kva, etter ideologiseminaret hadde hadde eg endå tettare bånd til Sogn og Fjordane, og visste at einaste moglege vegen var opp, opp, opp. So med nytt mot ringde eg att til Årdal, der eg tenkte meg og Mariell skulle starta lokallag. Eg fekk prata med… Nei, eg må slutta å nemna namn. Er ikkje snilt. Same kva, eg fekk prata meir med hyggelege menneske i Årdal. Eg visste sjølvsagt allereie at dei var tøffe, kule og nynorske (+ viljuge til å starta lag) so det var ei sers enkel økt.

I dag ringde eg endå litt meir, og no er eg heilt sikker på at det vert lag i Årdal! :D Eg gler meg slik til å reisa og skipa mitt fyrste lag, vel, det er jo eigentleg langt i frå eg som skipar laget – men eg fær vera med! :D

Forresten, eg hev framleis ikkje fengje sagt det: sjølv um målungdomane i Sogn og Fjordane er til å eta upp, so hev 90% mobilsvar på. Det er heilt utruleg irriterande. Dei er nærast umoglege å få tak i. Eg kann ringja 10 stk, og med 10 mobilsvar på rad.

No må eg snart byrja ringja um ugjelda medlemspengar; eg tenkte i byrja det var skummelt, men so sa Jens at folk vert glad for at du ringjer.

Person: Åå!? Hev eg ikkje gjelda medlemspengane, nei, det må eg få gjort – send ei ny rekning!
Jens: Ok!

Når sant skal seiast so er det ganske logisk, ofte hev folk meldt seg inn i NMU for å vera medlem :-) Eg vart glad då eg vart minna på å gjelda medlemspengane (for eg gløymer jo alltid slikt).

So til slutt

Yey!! Lokallag i Årdal! :D Eg hev framleis ikkje vore i Sogn og Fjordane, men no skal eg dit um alt gjeng bra! Då er det ikkje mange fylke att fyrr eg hev vore i alle. Eg trur faktisk det er det einaste att, det må eg sjekka til neste gong. Kannhenda Hedmark manglar. Reiseskildring frå Årdal um tvo vìkor. :]

Mogleg relaterte innlegg

Ideologiseminaret til NMU ferdig

Odin Hørthe Omdal — Sat, 03 Nov 2007 18:53:25 +0000

Jadå, eg veit at det er lengje sidan (førre helg), og jadå, eg veit at eg aldri vert ferdig med desse innleggi, men likevel prøver eg. Kvar haust hev me ein slags «fagleg» tilskiping i NMU. I år skulle det ikkje vera «Målstrid» som det plar vera, men eit «ideologiseminar» for våre eigne medlem. Det fungerte knallbra, og eg kann trygt seia at dette er den beste hausttilskipingi eg hev vore på! :D

«Målstrid»-konferansen er laga for å draga folk inn i NMU. Gjera målfolk av bokmålingar. Det hev vore ei utetteretta tilskiping. I det siste hev det vist seg at det i stor grad kjem mest folk som allereie er i NMU; og at målferd fungerer mykje betre enn Målstrid same kva. Difor var eg glad at me i år skulle prøva noko anna.

Kva skjedde so på ideologiseminaret?

Rebecca var med (hennar fyrste NMU-tilskiping)
Me hadde karaoke (ikkje slik teit singstar, men ekte)
Eg hadde andsvar for folk frå Sogn og Fjordane, Finnmark, Buskerund og Aust-agder
- I mine fylke kom berre folk frå Sogn og Fjordane, i frå Firda MU
- Janne Kristin, Jostein og Mariell kom frå Firda MU
- Til gjengjeld var dei heilt fantastisk superkule, so det gjorde ingenting at eg ikkje hadde andsvar for fleire menneske
- Det var Janne Kristin og Jostein si andre hausttilskiping, dritbra at dei kjem att (godhug!!!)
- Vil jobba mykje med Sogn og Fjordane frametter, gjera NMU meir sexy og kult
  - Det trengst visst der
  - Av ein eller annan grunn veit dei ikkje at me er det allereie! :S
- Eg vil dra til Sogn og Fjordane, det fær eg sikkert snart no
- Lillesysteri til Janne Kristin, Anette, er òg dritkul, men ho fekk ikkje koma ( :-( )
Dette vart litt av ei lista
Eg hadde laga ein bitteliten videosnutt av ymse DVD-ar omsett til nynorsk
- Klipp frå desse filmane:
  1. James Bond – Casino Royale
  2. The Da Vinci Code
  3. Pirates of the Caribbean – Dead Mans Chest
  4. Finding Nemo
  5. Narnia – Lion, Witch and the Wardrobe
- Det vart OK. Spesielt moro var omsetjingi mi når ein franskmann seier «que?» med «kva?» av di det høyrast ut som um han eigentleg seier kva
- Eg brukte alt for mykje tid på å få det til, Avidemux2 til Linux redda meg til slutt
Mi fyrste tilskiping der eg sit i sentralstyret i Norsk Målungdom (SST)
Var ein heil haug kule folk der (ikkje berre Rebecca+Firda MU-gjengen)
Eg sat ikkje på maskini mi å nerda
- Jens var redd for at eg kom til å gjera dette
Eg trur ikkje lister er tingen for meg – det vert berre meir rotete enn ein normalt tekst :P
Eg gler meg alt til neste tilskiping
- Som er vinterleiren, jeei!
- Tilskipingi vert dritbra
  - Eg er i vinterleirnemndi
    - Noko som eigentleg vil seia at det ikkje vert dritbra
      - Men eg skal prøva
      - Kos vert det i alle fall
Eg trur ikkje eg skal misbruka listone meir

Slik. Då fekk eg iallfall sagt meir enn det eg plar seia. :-) Ideologiseminarnemndi gjorde ein skikkeleg god jobb – vonar dette er teiknande for korleis resten av arbeidsåret vil ganga.

Forresten:

Rebecca lagar pannekaker! Eg hev lært henne den ovpopulære pannekakeoppskrifti mi
- Når eg tenkjer meg um so er han utruleg vanskeleg å fylgja

Men. Stopp.

Mogleg relaterte innlegg

Kristiansund VGS, Sunndal VGS og Tingvoll VGS

Odin Hørthe Omdal — Thu, 04 Oct 2007 19:49:24 +0000

Eg lovte eg skulle skriva um resten av turen, men det vart ikkje mykje tid fyrr no. Det er ein time til eg må tenkja på nattbussen til Oslo – so eg er i ferd med å dra. Eg hev budd godt på garden honom Nils Ulvund dei siste tri dagane. Ei ekte perla i Nordmøre. Sjølvsagt hev eg òg bruka dagane på å reisa på målferd til skulane rundt meg.

Tysdag, Kristiansund VGS

Etter eg skreiv førre innlegg gjekk det endå litt tid fyrr Liv Kromsvik kom. Eg vart litt meir vaken att då me drog for å kaupa mat. Kaupte ei bok òg, av di eg hadde allereie lese den eg hadde (gah!). Liv var alt for koseleg, so me prata til langt ut på kveldingi. Då eg la meg var det ikkje lengje til eg måtte opp for å dra tidleg til Kristiansund vidaregåande skule. Eg hadde dundrande hovudverk og var ganske i ørska då eg vart plassert framfor tvo klasser i auditoriumet på skulen. Eg prata for påbygg-klassane i tvo timar fyrr eg byta klassa. Det gjekk toleleg greitt, men eg tulla masse med målsoga og fekk ikkje serleg god kontakt med elevane. Likevel trur eg det var ei (dritkul, sjølvsagt) jenta som melde seg inn i Målungdomen.

Eg gløymde òg å seia alderen min (som vanleg). Det er ganske synd, i og med at folk trur eg er 25–35 og ikkje 20 som eg faktisk er. Eg er «meir som dei» um eg er 20 (berre 1–2 år eldre), medan 25–35 er vaksne. Den andre klassa gjekk ein del betre, det var enklare å få litt kontakt og kommunikasjon. Det synte seg å vera ein herleg klasse so det gjorde ikkje stort at då eg rota på målsoga. Det er alltid mykje vanskelegare å halda interessa oppe i del 2, som er målsoga. Eg kjenner ho ikkje godt, og eg klarar ikkje vera serleg engasjerande. Eg lyt nok kutta ned litt på ho og finna min eigen måte å gjera det på. Fyrste del um språkvalsmekanismar plar gå lett, det kjem frå hjarta.

Ah. Forresten synast eg å hugsa eit par veldig snille andlet i denne klassa, det var skikkeleg hyggeleg. Dessutan trur eg det var ein (eller tvo) som melde seg inn! :D Wey!

Til Ålvundfoss

So drog eg til Nils Ulvund. For ein plass! Eg fekk god mat og herleg seng. Nett som eit gjestebod. Kjende meg litt som Ivar Aasen der eg kom inn på ein liten gard der det hev budd folk i fleirfaldige generasjonar. Eg må halda det kort um eg skal rekkja bussen, men det var storstas å koma til Nils og Helene i Ålvundfoss.

Onsdag, Sunndal VGS

Eg sat oppe til langt på natt og gjorde ei obligatorisk oppgåva til eit svadafag på universitetet. Den skulle leverast fyrr kl 10.15. Heldigvis viste det seg at Sunndal ikkje kunne hava meg tidleg på dagen slik som planen var, so difor kunna eg dra burt 13.00. Eg stod tidleg opp og gjorde ferdig arbeidet fyrr eg leverte akkurat på fristen. I ettertid ser eg at det tilogmed vart litt i seinaste laget – so eg vonar ho gjeng gjennom lell. Sjølve arbeidet vart ferdig fyrr fristen. Eg var framleis daudtrøytt etter sers lite svevn, og då eg drog burt til Sunndalsøra var det ikkje stort betre.

Eg kom fram og fekk ein påbygg-klasse i tvo timar. Dei var ein bitteliten klasse som alle hadde datamaskinar. Eg hugsar faktisk ikkje heilt korleis det gjekk, var ikkje spesielt nøgd, men heller ikkje det motsette. Det var ein god klasse, men eg rota kannhenda litt vel mykje på målsoga. Eg fekk gode underskriftar på oppropet og so var det neste klasse.

Dette var tvo klassar i ein. Eit større klasserom og berre ein time. Eigentleg passa det meg ypparleg, hev eg berre ein time slepp eg rota på målsoga. Eg trur likevel at alt-i-alt so er det bra når eg tek med målsoga, for sjølv um eg er ein rotefant so trur eg folk fær med seg hovudbodskapen og tenkjer litt etter det. Sjølv um ingen er einige med meg (iallfall av dei som pratar :p ). Same kva, i denne timen var det ikkje tid. Eg konsentrerte meg litt meir um språkvalsmekanismer og det heile flaut betre (av di det var seinare på dagen og eg hadde vakna litt?). Trass i at det var tvo klassar i ein, klarte eg å få litt respons. Det var mange skikkeleg glupe elevar i desse klassone og mange såg utruleg koselege ut. Ei jenta sat og ljosa (nokon må hjelpa meg med det verbet) av seg sjølv (nesten). Det var veldig godt å sjå det snille andletet ljosa slik gjennom timen – då me var ferdige kom ho burt til meg og lurte på korleis ein melder seg inn. Ahh! Hjartesukk, so fantastisk herleg av ho!

Eg likte den timen sers godt.

I Ålvundfoss

Attende til den fantastiske plassen med dei herlege folki. Kjempegod fisk til middag, og herleg kveldsmat. Meg og Nils tok oss ein tur rundt på garden der han fortalde um historia og viste meg kva som hadde skjedd dei siste åri. Skikkeleg koseleg. Og so fekk eg verdas beste bringebærsyltety som pålegg.

Tingvoll VGS

Stod opp tidleg i dag, for bussen gjeng berre 0730 og rundt 12. Sidan eg skulle vera der 12, so måtte eg taka den tidlege. Då eg kom fram viste det seg at eg likevel hadde masse å gjera på morgonen. Fyrst ein time, som eg ikkje hugsar skikkeleg. So tvo timar med ein klasse som eigentleg hadde studieretningsfag og vart sinte på at dei måtte hava norsk. Likevel synte dei seg å vera ein god klasse som var koseleg å vera i. Gjorde det litt betre enn fyrste time (som vanleg) og tulla litt mindre på målsoga enn normalt. Gløymde som alltid å seia alderen min, men kom på det i midten. Då fekk dei gjetta, det var sjølvsagt langt yver mine eigentlege år. Trur ei jenta melde seg inn. Eg vart veldig glad då.

So kom eg til den siste klassa eg hadde på målferdi mi, der halvparten av elevane sat oppe med datamaskinene. Eg fekk ganske god kontakt med klassa, og sjølv um eg rota i målsoga so er eg no mykje betre enn det kadaveret eg leverte i starten av vìka. Godt. Ingen innmeldingar i denne klassa, men dei var ein so god herleg gjeng at det kjendest som um dei hadde halv-meldt seg inn same kva. Hehe. Eigentleg som dei fleste klassane eg var i på turen, men eg ser ut til å alltid hugsa den siste best.

Attende på garden, Ålvundfoss

Ahh. Og so attende. No skal eg ned å eta litt super kveldsmat att, fyrr eg fær med meg nistepakke til den vonde bussturen. Må skunda meg no. Kannhenda eg legg inn eitt av dei tvo bileti eg tok på turen (ehm).

Mogleg relaterte innlegg

I Kristiansund, på målferd

Odin Hørthe Omdal — Mon, 01 Oct 2007 17:29:21 +0000

Eg sit på ein cafè som heiter «Onkel og venane honoms». Gratis internett, men absolutt ikkje gratis kaka/kaffi. Min reddande engel, mållagshelten (ho må vera helt for å seia ja til å hava meg til yvernatting) Liv Kromsvik er stadig ikkje komen. Eg hev hatt problem med mobiltelefonen – han vart låst, og no er han utan batteri. Eg trudde eg hadde hugsa alt, men eg hev visst gløymd ladar til Nokia-mobilen min. Off so teit.

Eg hev ikkje sove sidan, hm, eg vakna i går kl. 10.00. No er klokka 1900. 24 + 9 = 33 timar. So eg er veldig trøytt. Nattbussen var eit helvete. Ikkje i seg sjølv, men sidan eg ikkje fekk sova so vart det ein ganske irriterande tur. Bussen var fin og slik. Eg åt mat på «Mor`s kro» på Kvam eller kva det var, ein rar men ganske koseleg plass (men med mange skrivefeil, og stygg-stygg wordart til logo). Då var klokka 0300. So vart eg vekka 0600, då eg måtte bytta buss. Framme i Molde 0710. Venta på neste buss mot Fræna VGS, og var der i 8-tidi saman med alle elevane.

Målferd på Fræna VGS

Eg var daudtrøytt, men det var ikkje lengje til eg skulle inn å hava mi fyrste ekte målferd. Det var ei lita «basisgruppa» (usj, desse teite namni) på 16 fyrsteklasseelevar som sat og høyrde på. Læraren var heime med sjuke born, so eg hadde klassa åleine. Det gjekk rimeleg bra, sjølv um eg ikkje kjenner meg heilt stødig på målferd.

Etter lunsj skulle eg prata for 3 klassar i auditoriumet på Fræna VGS. På dette punktet var eg veldig trøytt (hadde ete masse brød, off) og kjende meg ikkje heilt bra. Eg hadde berre fengje ein time, so eg måtte komprimera opplegget – eg hoppa yver heile målsoga. Trur ikkje det er rett, men kva veit eg. Nettopp; ingenting. Kjenner meg kasta uti dette her. Ikkje forberedt i det heile teke. Diverre trur eg ikkje at eg gav Fræna VGS den rykande bra målferden dei hadde venta. :-( Eg fekk vel ein tri-fira nye medlem (um dei berre gjeldar medlemspengar) og tvo ark med underskriftar for oppropet vårt (som er rundt 40 underskriftar trur eg).

So til Kristiansund

Ned til Fræna kommune-kontor, «kor tid og kvar frå gjeng bussen til Molde?». Eg fekk vita det, og sat på med same koselege bussjåfør som eg hadde på vegen burt. I Molde måtte eg sitja ein halvtime for å taka TIMEekspressen til Kristiansund. Då eg kom fram såg eg at mobiltelefonen min spurde meg um PUK-kode. Hekkans. Eg ringde Liv med ein telefonautomat. Etter det kom eg på den geniale idèen å ringja pappa for å få PUK-koden min. Den fekk eg. Men so gjekk batteriet no når Liv sikkert ringde meg. Men rart ho ikkje kjem innom kafèen her ho veit eg skal vera og sjekkar. Eg vonar berre ikkje ho hev drege heim eller noko. Ugh, det hadde vore dumt. Kann henda ho var her men ikkje såg meg.

Å-vel. Ah. Eg hev framleis ei vond-vond obligatorisk oppgåva å levera. Inf1300 oblig3. Æsjæsj. Hmm. Men må vel gjerast. Berre, ikkje, no… Ah. Jepp. Eg trur det fær halda med klaging og kyting for no.

NB: Kyting er eit interessant ord, i og med at det visstnog tyder båe «skryta» og «skjenna/ klaga». Eg meiner det på den siste måten.

Mogleg relaterte innlegg

Rebecca hev oppdatert litt um livet i Oslo

Odin Hørthe Omdal — Sat, 29 Sep 2007 23:15:52 +0000

Kjærasten min, Rebecca, skreiv i dag litt um livet ho hev her i Oslo. Ho flytta inn med meg for tvo månadar sidan, trur eg. Det vil vera høgst relevant å lesa innlegget hennar sidan mykje gjeld meg òg.

Ho skreiv mellom anna dette:

Og så bor jeg tross alt sammen med Odin, kan’ke si det er kjedelig. Det er veldig gøy, faktisk. Hihi, blir nok litt fortere irritert på’n enn før, men det hører vel med. Han er herlig å bo med, når en ser vekk fra mangelen på orden og vaskevilje. Vi har det så fint sammen, atte. Det går mye bedre enn jeg hadde venta meg, vi har det så moro :)

Det er eit ganske godt opprit av stoda i heimen, berre for meg skrive på nynorsk. Ah, og med ei nota um at Rebecca er bra å bu saman med berre ein ser bort frå den sjuke trongen til å hava det ekstremt ryddig og reint til ein kvar tid. [stort glis]

Kva driv eg med?

Eg hev inni granskauen mykje å gjera for NMU for tidi. Utanom det hev eg inn i granskauen mykje å gjera utanom. Det plar vera ymse, men no i det siste hev det mellom anna vore jobbing med firma mitt (Velmont film), universitetsinnleveringar (eg tek 50 studiepoeng trur eg), ymse sosiale ting og tid eg vil hava med Rebecca. Det høyrest ikkje mykje ut når eg skriv det ned på ein so komprimert måte, men det hev nesten drept meg i det siste. Eg hev mista litt av gnisten allereie. Truleg tek det seg opp att når eg hev fengje gjort ferdig mykje av det eg slit med no. Då må eg berre hugsa å ikkje taka på meg so mykje. Til dømes hev eg dei siste vìkone umtrent gjort ein NMU-ting til dagen. Som oftast varar det langt yver ein time. Den siste vìka hev eg faktisk gjort noko med NMU-relatert kvar einaste dag, og då hev det teke lang tid òg.

I morgon dreg eg til Møre og Romsdal der eg skal på målferd. Målferd er eit opplegg der me i NMU dreg rundt på (i hovudsak) vidaregåande skular og fortel dei den ekte historia um nynorsken. Me prøver å få dei til å innsjå ein heil del ting som skulesystemet og staten ikkje vil at dei skal vita. Det er for å gjera dei merksemde på at det framleis er målstrid i landet og at dei tek aktivt standpunkt med å «velja» å skriva bokmål. Eventuelt skal eg rundt i M&R for å prøva å omvenda dei som hev gjort negativt målbyte (frå nynorsk til bokmål). Hehe. I all hovudsak, arbeid for nynorsken.

Målferd på Hartvig Nissen VGS i Oslo

Eg var nett på min fyrste målferd her i Oslo. I går. Åleina. Heilt åleina. Ingen som såg på meg utanom elevane. Det gjekk godt i starten, men sklei ganske mykje ut i slutten. Heldigvis fekk eg gjeve eit skikkeleg branninnlegg um nynorske læremiddel i slutten, der fleire såg ut til å verta engasjerte og sers interesserte. Eg fekk ein god del underskriftar, og iallfall ei dritkul jenta som melde seg inn. Det var supertøft. Eg trur ein tøff bergenser med namn Andreas melde seg inn òg. Han kunne målsoga betre enn meg og var glad og smilande. Same kva, ei innmelding er supert.

Ahh, når det er sagt so må de skriva under på oppropet vårt. Må berre venta til det kjem på internett.

Samandrag

So, kva hev eg gjort i det siste? Arbeidd med NMU-ting. Kva skal eg gjera frametter? Arbeida med NMU-ting. Vonar berre ikkje det vert for mykje. Eg hev andre ting å pressa inn òg :-S

Ynsk meg lukka på målferd i Møre og Romsdal! :S [grue seg]

Mogleg relaterte innlegg

Misting av ting på Noregs mållagslandsmøte i Nidaros (Trondheim)

Odin Hørthe Omdal — Fri, 04 May 2007 16:44:12 +0000

Eg hev mista ladaren min, sekken og korti i lommaboki. Siste dag på landsmøtet i Noregs mållag i dag, so er det tog til Oslo (utan ladar, so ingen hacking :-( ). Yvernatta hjå Jørgen fyrste natti – det var sers moro. Forresten fekk eg endå meir problem etter eg skreiv dette, so det er berre å fylgja med…

Dette er skrive på mållagslandsmøtet, so for ei tid (ei vìka) sidan.

Eg skreiv eit langt innlegg her fyrr, men diverre vart det sletta. So eg skriv litt av det om att.

Hjå Jørgen

Då eg kom til Nidaros måtte eg stressa med å finna plass å bu. Jon og Simon Litlehamar kunne ikkje. Eg hadde ikkje nummer til resten av Nidaros-folki. Eg klarte få nummeret til den andre Nidaros-Simon eg kjenner, og sende melding. Men fekk ikkje svar. Eg hang på Avalon (ein butikk som Outland) i tri timar. Kjende meg litt teit. So fekk eg melding frå Jørgen um at eg kunna bu der. Supert! Eg kaupte ein DVD til Jørgen (hadde vore teit av meg å berre gå) og tok buss.

Me spelte Wii med Wiisports. Det var moro. Tennis var tøffast synast eg. Dei hev framleis ikkje nytta potensialet i dei nye kontrollane, men det kann verta bra når nokon gjer det. Etter det åt me middag og såg på film («Team America»). Det var sers koseleg, fleire folk frå gangen kom og såg på. Etter litt hacking gjekk me til kjøkenet att for å eta litt. Me møtte ei anna frå gangen som kom frå fest og prata lengje med ho. Skikkeleg godt miljø. Ganske annleis enn hjå meg, sjølv um Kringsjå var mykje betre enn Bjerke. På Voll med Jørgen er det fylt opp av typiske studentar, og dei hev eit stort kjøken med sofa eg TV.

Misting av sekk

Fann Margit og Sigbjørn. Tok tog mot Værnes. Då me gjekk av fann eg at sekken min låg att. Eg prøvde å finna nummeret til NSB, men det var umogleg. Eg fekk berre snakka med teite datamaskinar. Mongo. Etter omtrent 10 telefonar kom eg fram. Ein fyr ville ringja til neste stasjon og få sekken send attende med eit anna tog. Etter springing fekk eg ho attende. Då fann eg ut at ladaren låg hjå Jørgen. Ugh. Ingen berbar datamaskin til meg.

Misting av kort

Tja. Då me var på veg til skulen fann eg at korti mine var vekk. Eg leitte hardt. Sat på toget. Etter eg hadde venta ei tid, og tenkt lengje på kva det kunna vera. Nokon som «tullar» med meg? Eg kom fram til at det ikkje kunna vera det, det hadde vore for slemt å ikkje koma attende med korti etter so lang tid. Då eg til slutt sperra kortet fekk eg korti attende av Ola og Elisabeth. Det var irriterande. Eg var òg sers irritert av di eg ikkje hadde ladaren min. Eg ser med triste augo på turen attende til Oslo og frå Oslo til Stavanger utan datamaskin. Det vert sers synd :/

Dessutan hadde eg ikkje stort med pengar no (ca 0, sidan eg nyttar kortet til alt) – so eg måtte få låna av Ola og Elisabeth. Det var jo greitt. Eigentleg ikkje eit stort problem, framleis meir irritert på ladaren som vert att her i Nidaros medan eg dreg heim.

Kulturkveld

Mållaget hev gjeve ei hard rock/metall/svart metall-gruppe med namn «An10 boyband» eit stipend på 50.000 kr. Dei spelte for alle gamlingane, som hoppa og slang hendene for øyro stakkar. Hehe. Eg synest det var sers bra, men forstår at det absolutt, absolutt ikkje er kva resten av salen plar lika høyra på.

Men no gjeng vel batteriet snart, og eg må gå. Denne teksten vart ekstremt mykje kortare, men det er vel berre bra.

Forresten koseleg i NMU-gjengen på landsmøte. Hev vore ei fin helg trass alle problemi.

Her trykka eg på «Publisér», men hadde nett mista internett (fekk berre 24 timar). Nokre minutt seinare gjekk batteriet… So frå her er det «ny tekst».

Heimereise startar, på ein måte

So då sat eg der. Batteriet tomt. Godt. Eg hadde tenkt å dra no same kva. Eg såg på klokka, – hmm, 10 minutt til toget gjeng. Dårleg tid. Eg kom meg opp, pakka i ein fei og stakk frå møtet medan folk var opptekne med å stemma og ordskiftast. Eg sprang mot togstasjonen, kjende tidi var knapp. På vegen bort såg eg noko eg absolutt ikkje ville sjå; toget gjekk! Det køyrde ut frå stasjonen…! Neeei! Neste tog gjekk om tvo timar, problemet var at mitt tog frå Nidaros sentrum skulle gå um ein time. Eg hadde eit skikkeleg problem.

Huh? Men skulle ikkje toget gå 5 minutt seinare?

Jo, du tenkjer heilt rett. Teite tog. MEN! So kom eg på den geniale idéen at kann henda klokka mi var feil. Det var ho visstnok. Då eg la att sekken på toget måtte eg byta mobil for å få straum. Då eg slo mobilen på att måtte eg stilla klokka etter ei anna klokke. Denne klokka må ha vore feil, so difor var altso ikkje mobilen til å stola på. Eg stilte klokka fram 7–8 minutt og tenkte ho no var 2–3 minutt foran skjema.

Flybussar, drosjar og anna herk

Eg dafsa meg slakt bort til Lufthamn Værnes for å sjå um det var flybuss som gjekk i eit høveleg tidspunkt. Til slutt fann eg dei, la sekken inne i bussen og såg etter bussjåfør. Eg gjekk og hang ganske lengje, fyrr eg vart ganske redd. Eg ville spyrja um kor tid eg kunne venta å vera på jarnbanestasjonen – det hadde jo ikkje vore bra um eg var der 0805 (eitt minutt etter avgang). Eg fekk vita det pla taka 40 minutt (w00t?). Til slutt fann eg ein bussjåfør som kunne visa meg kor tid neste flybuss gjekk – det var då neste fly landa, um ein time. Hekkan for ein tullete flyplass! Og Nidaros er ein større by enn Stavanger? Pfysj!

Eg sjekka lommene mine. 70kr. Det var dei siste pengane eg hadde lånt av Ola og Elisabeth. Kortet mitt sperra. Eg kunne ikkje taka taxi til byen; det ville kosta rundt 500 kr, det hev eg ikkje. Totallåst. Eg kann heller ikkje (enkelt) taka eit seinare tog heller, eg hev jo ikkje pengar til det!

Attende på hotellet… Eg kjem meg vel ikkje vekk

Eg labba attende til landsmøtet kor Siv Skulstad (frå Studentmållaget i Nidaros, no i Landsstyret i NMU óg) spurde kvifor eg var kome attende. Eg forklarte medan eg vart drege inn i tellekorps-jobben min att, me skulle stemma på um me ville hava ein lite nynorsk-aktiv FrP-ar (Helge André Njåstad) inn i styret til Noregs Mållag eller ikkje. Då eg var attende (trøytt, irritert og plaga for at det skulle gå so elendig) stod Siv og pakka sakone sine raskt. Ho ville køyra meg til togstasjonen! Yeey! :D Me hadde sers dårleg tid. Det ville taka 20–25 minutt å dra inn um det ikkje var trafikk, og me hadde… ja, omtrent 25 minutt.

Pakka kjapt att, stakk frå møtet (FrP-aren vart visst vald inn, lukke til (eg var sers usikker, men stemde for)). Me såg på klokka, og var usikre på um det ville gå. Men bilen trong bensin(!), so me måtte finna ein bensinstasjon og fylla. Fylde 4L og drog. Måtte stoppa og gjelda bompengar på tvo(!) bomstasjonar. 20 minutt seinare, 1400, var me utanfor stasjonen og hadde klart det. Wo-hoo! Eg sat meg på toget og grein litt sidan eg ikkje hadde ladar til datamaskini mi. Ingen programmering, anime eller filmar for meg på toget, nei. Eg las heller vidare på Ringdrotten.

I Oslo

Framme i Oslo var eg heilt utkøyrd. Då eg kom heim til hybelen prata eg sers lite engasjerande med Rebecca i telefonen. Eg la meg og sov. Plutseleg vakna eg og reiste meg raskt i sjokk og vantru; AAAAHH! EG HEV MISTA TOGET OG EG HEV INGEN PENGAR ELLER NOKO!!! So såg eg på klokka og la merke til at ho var 05.45, so ingen problem. Etter litt surr var eg klar. Såg på klokka. Ahh, det er 7 minutt til t-banen gjeng – då kann eg vaska andletet skikkeleg.

4 minutt att. Eg går ut. 3 minutt att so er eg utanfor blokka og byrjar jogga mot t-banen, ikkje noko problem å vera litt tidleg. Men so gjeng t-banen forbi augo mine. HÆ!? Eg vart sers uroleg no. Eg måtte rekkja toget mitt. Det viste seg at klokka mi hadde ikkje berre vore 5 minutt feil, med heile 10 minutt! So eg måtte stilla ho om att. Problem-problem.

Men eg skal hoppa yver alt tullet. Eg rakk toget. Eg sat på toget (ikkje på komfort no, sidan eg ikkje hadde ladar) og las Ringdrotten. Eg synest ikkje det var supermoro, eg sakna å sitja med datamaskini… :(

So var eg heime i Stavanger!

SLUTT!!! (Eg trur Jørgen hev send ladaren min i posten i dag (wohoo))

Mogleg relaterte innlegg

Mobbing av nynorskbrukarar er heilt greit

Odin Hørthe Omdal — Sun, 15 Apr 2007 14:23:10 +0000

Eg var nett i Trondheim og viste fram ein informasjonsvideo eg hev redigert (for STEP – Ungdom møter ungdom) for lærarar og elevar som var på seminar for prosjektet. Etterpå var det «verta kjend»-aktivitetar der ein av lærarane nytta «kor tid eg hev det bra»-posten til å vitra um kor mykje ho hata nynorsk. Dette var altso etter eg hadde vist filmen på nynorsk og eksponert meg som einaste nynorskbrukar.

Fekk god attendemelding og arbeidsgjevar Nina Grindheim vart sers nøgd. Ho oppmuntra nynorskbruken min og kom med gode idèar på filmen. Dei som kjenner meg veit eg likar betre å få ei ramma – og so få gjera nett det eg vil innanfor den ramma. Og ho lot meg gjera det. Veldig bra, kreativ fridom og ingen klagar på språket mitt. Eg vonar filmen vart betre av den grunn.

Kva er STEP, er det for mobbing?

Absolutt ikkje. Eg hev jobba mykje med informasjonen til STEP for å få eit oversyn yver kva det er, og gjera han enklare slik eg kann skriva det med tvo enkle ord. Men for å sitera det på den vanskelege måten att:

Step er et forebyggende miljøtiltak i videregående skole, hvor elevene arbeider aktivt med det psykososiale miljøet i skolen.

Med det psykososiale miljøet meiner dei altso miljøet mellom elevane og korleis dei hev det med seg sjølv. Ein kann seia kor «ope, skapande og inkluderande» miljøet er. Det er altso ikkje rom for mobbing. Etter fleire år i skuleverket, gjeng eg ut frå at alle veit kva mobbing er. Ein lærer kann henda ikkje mykje um «gode psykososiale miljø» på skulen, men ein lærer iallfall mykje um dårlege miljø og mobbingi ein ofte finn der.

Likevel går læraren på direkte åtak mot språket mitt

Eg forstår so inderleg godt kvifor det er so mange som bytar frå nynorsk. Det er ikkje sjeldan eg må forsvara å skriva nynorsk. Bokmålsbrukarar vert aldri spurd kvifor dei nyttar bokmål. Dei fleste av dei hev aldri teke eit val, same kva. Ein må aktivt taka eit val for å skriva nynorsk. Det gjeng ikkje lange tidi med mobbing av lærarar og medelevar fyrr ein kjem til dette valet; vil du verkeleg halda på språket ditt og verta utsett for ei ålment godteke mobbeaksjon?

I staden for å verta lei meg og byta til bokmål, vert eg sint. Men litt lei meg òg når eg vert mobba slik. Det gjeng sterkt inn på meg, og eg synest desse personane er dei største idiotane i verdi. Eg held på nynorsken for å gjera han større, eg held på nynorsken for å gjera det meir ålment akseptert at folk nyttar nynorsk. Eg vil at det ikkje skal vera vanskeleg å skriva nynorsk. At det skal vera lov.

Læraren var ei ung blondine frå austlandet, som jobba med trivsel for elevane i skulen. God jobb, drittsekk. Ho jobbar direkte mot meg, som dei fleste gjer – med å visa desse ekstremt elendige haldningane sine. Det viser seg at dei er ein gjeng ureflekterte sauar. Dei gongane eg hev aktivt teke opp mobbingi deira, viser det seg at dei ikkje hev eit einaste argument. Dei er dumme som braud og brekar berre fordomane dei hev høyrd frå andre. Dei trur på det òg.

Mange lærarar kann ikkje anna nynorsk enn nynorskhat. Kva skjer når norsk skuleungdom «lærer» nynorsk frå desse neki? Jo, det vert «lengje leve norsk-dansken». Ein god ting med målrørsla, er at me er for fritt val av språk; me vil at elevane skal kunna velja mellom bokmål og nynorsk. Me er for fridom. Slik er det absolutt ikkje i dag. Det er veldig vanskeleg å byta til nynorsk av di ein vil. Få, til ingen ser det som eit alternativ, noko eg forstår godt. Det er ofte berre rare folk som meg som bytar til nynorsk, det er kjempesynd. Eg vil at alle skal byta til nynorsk.

Men det er vanskeleg å byta til nynorsk

Det er ikkje vanskeleg å læra seg nynorsk, det er berre å bruka det. Eg lærte meg det kjempefort etter eg byta. Men det er fleire ting som står som digre bautasteinar i vegen:

Undervisningi syg (eg lærte meg nynorsk av meg sjølv, eg lærte ingenting i sidemål på skulen)
Du møter dritmykje motstand, «alle» vil forklara deg kva dei tykkjer um nynorsk (som er piss, eg vil ikkje høyra det din jækla idiot – eg veit allereie kva du meiner)
Du er offer for digre mobbekampanjar som Unge Høgre sin «Nynorsk syg!»-kampanje
Me må alltid kjempa for å kunna skriva nynorsk der me ynskjer (somme gongar vert eg fortald at eg lyt nytta bokmål når eg lagar video for andre, WTF!?)
Eg fær sjølvmeldingi mi på bokmål kvart år, trass i at eg hev valt nynorsk kvart år
Ser ikkje språket ditt serleg mykje, du må ofte aktivt oppsøkja nynorsken (ikkje lesa Aftenposten, men heller tinga Dag og Tid t.d.)
Les(/skriv) ein ikkje nynorsk, er det vanskeleg å verta god i det (opplagt)
Og masse anna… :P

Ei side er jo at um fleire (alle, nesten alle?) hadde byta til nynorsk. Då hadde problemi gått vekk (vonar eg). Me kunne konsentrert oss um å vera snille med bokmålet for kva det faktisk er (ein viktig kulturtradisjon; norsk-dansk) og nytta nynorsken for det nynorsken er: språket vårt, norsk.

Eit par hev sagt at når norsken held på å forsvinna for engelsk i framtidi, vil nynorsken ganga høgt opp som ein reaksjon. Når folk aktivt vil velja ekte norsk, ein som kann stå mot engelsken, vél dei nynorsk. Eg trur det hev noko for seg.

Men no er det altso framleis greitt å mobba meg som nynorskbrukar båe offentleg og privat.

Mogleg relaterte innlegg

Supert nynorskkurs

Odin Hørthe Omdal — Sat, 27 May 2006 16:47:58 +0000

Wohoo! Det var enormt bra. For litt sidan skipa me i Målsiddisane til eit nynorskkurs; me hadde plass til ca 40 stk trur eg. Hang opp plakatar (som me ikkje fekk stor respons på, beste er visst berre å taka kontakt med folk direkte). Det var Ingar Arnøy som hadde kurset – han ville ha fire timar. Eg synest det høyrdest litt mykje ut, men wow – som dei flaug! På kurset møtte eg Thomas frå Forus M&K som visste urovekkjande mykje om meg…

Han snakka mykje om oppbygginga og språket – mykje om historia og kvifor nynorsk var så enormt bra. Det var kjempemoro å høyra på! Eg trur alle som var der inne fekk lyst å byta hovudmål sjølv. Det er eigentleg ikkje rart, for det er nemleg supersmart! Vil du ha god karakter i båe bokmål og nynorsk? Vel, kva anna er det å gjera enn å byta hovudmål til nynorsk? Bokmål får ein i samfunnet rundt ein heile tida, det lærer alle lett. Nynorsk får du ikkje med mindre du skriv det sjølv og les ein del av det. Som alle veit gjekk det utruleg raskt for meg å leggja over; tok ikkje langje tida før eg var god nok til å dra ein femmer i hovudmål (nynorsk) lett i land.

Me hadde 20 påmelde, berre 10 kom. Men til gjengjeld blei me 25 totalt, for 15 ikkje-påmelde kom! :D Hyhy. Eg dro med meg 6 stk frå Randaberg, sjølv om Yvonne var super og melde seg på sjølv. Ho er dritkul ;D

Thomas frå Forus Media & kommunikasjon

Men, nok om det. Gidd ikkje skriva om det nett no. Men Thomas, derimot! Hehe. Det var ganske sjukt.

Hei, du er Odin, du?
Eeeehh. Ja. Korleis vis…?
Bilete på internett. :-)

Hum. Ok. Så han har sett bilete av meg på NMU sine sider eller noko. Morosamt. Så hadde me meir kursing. Prata med Thomas etterpå óg, – han hadde bokmål som hovudmål, men var veldig lik meg i det at han likte nynorsk godt. Det såg nærast ut til at han kunne byta mål ganske snart. Virka som om han hadde lyst, var berre litt engsteleg for skulen og om det ville få negative konsekvensar. Men det kan eg seia raskt; byter du mål til nynorsk hovudmål hev du ingenting å tapa på det. Men etter ei tid med nynorsk hovudmål vil du gjera det mykje betre i norsk. Dét lovar eg.

Me snakka om eitt eller anna då han sa «Ja, eg veit» til noko obskur informasjon om meg. Då eg denne gangen såg utruleg rart på han, forklåra Thomas at han hev fulgt med på heimesida mi. Han såg meg på hw.no-forumet, han er interessera i Linux o.l, men driv jo óg med media. Var óg litt innom det flotte kreative Store Dyret. Frå der hadde han kome til sida mi og lese. Utruleg morosamt. Lurer på om det finst andre som han.

Han var ikkje så interessera i nynorsk for ei tid tilbake (eg veit ikkje kor lengje), men slik eg forsto det hadde mi skriving littebitt med det å gjera! Wohoo! Det er jo berre supertøft! Eg må taka opp skrivinga mi igjen, det hev vore så stille i det seinare. Eg hev gjort så mykje moro og kult; men ikkje gidda skriva om det. Mykje av grunnen til at eg byta til nynorsk var jo flinke Linux-folk som skreiv målet. Eg fekk stor respekt for dei og digga at dei skreiv nynorsk. Etter endå litt meir eksponering for nynorsken byta eg hovudmål og hev levd lukkeleg etter.

Men no går toget til Bryne snart! Skal på endå meir moro ;-)

Meld deg inn i Målsiddisane! :D

Forresten, Thomas melde seg inn i NMU/Målsiddisane! Wohoo! :D Det kan du óg gjera, me tek inn alle som synest nynorsk er litt tøft og som klårar riva opp 30kr for medlemskapen. Vel, eg skal betala kontigenten din om du sender meg ein epost med namn, adresse, epost-adresse (doh!), telefon og om du vil vera med på epostlista vår. Det hadde vore dritkult å få nokon til å melda seg inn i Målsiddisane berre med å skriva noko på heimesida. (>_<)

Du får Norsk Tidend (Noregs Mållag si avis) og Motmæle (vår avis) pluss tilbod om masse kult som medlem. Dessutan får du ei gratis veke på sumarleiren vår (sponsa av Målsiddisane, gjeld berre nye Målsiddisar) :D Wohoo. (Kjenner meg som ein seljar :P). Vel eg må gå, og eg skal skriva meir frametter!

Mogleg relaterte innlegg

Årsmøte i Målsiddisane

Odin Hørthe Omdal — Sat, 04 Mar 2006 11:38:03 +0000

Eg drog litt ekstra tidlig frå ein elles stressande dag på jobben; måtte møta NMU-sivilarbeider Jens på togstasjonen. Han skulle vera med på årsmøtet i vårt lille koselege nynorske lokallag. Styret blei vald ut og me fann eit par hovudtrekk for kva me skulle prøva å gjera dette året. Etter dèt åt me på Peppes Pizza.

Eg såg Jens på Narvesen der han sniktitta i bladet «Mann», han blei lettare blyg då eg såg kva slag lesnad han studerte. Me gjekk opp på Metropolis, sidan eg hadde blitt sett ansvarleg for kaffi; tenkte om me fann ein kaffikokar dèr så hadde alt vore fryd og gammen. Me fann det me søkte, men kaffien som følgde med var ikkje superb – så me måtte ut å kjøpa dèt. Valet fall på Coop sin solidariske fair-trade kaffi, som ligg på kjøkkenbenken min no.

Arkologisk museum og opningstidane deira

Sist gong gode Jens var i byen ville han så utruleg mykje sjå Arkologisk museum, sidan dèt dei har i Oslo visstnok var forferdeleg dårleg. Han hadde trava dei lange bakkane opp til musèet, berre for å få vita at det var stengd. Difor skulle me no taka oss ein tur. Det gjekk ikkje bra. Forventningsfull bad Jens om billett; men det fekk han ikkje. Dèt han fekk var informasjon: «Me har stengd.». Ehh. «Det du ser her no er meir som kontortid, me slepp ikkje folk inn». Åneivel.

Så byrja Jens klaga på kor dårleg det var lagt opp; kor tid jobber folk? Jo, til 15/16. Kor tid har dei tid? Frå 16 og utover. Kor tid stengjer Arkologisk museum? Jo, dei hev stengd frå 16 og utover. Ravgale, meinte Jens. «Korleis skal du underhalda meg no?», sa Jens litt morkent og hinta til at det ikkje var moro meir. «Arh, nett no går me berre mellom alle dei kjekke tingene me skal gjera», svara eg utan å ha ein idè om kva me skulle gjera; eg vona berre transportetappa var lang nok slik at eg kunne finna noko.

Motmæle, eit heitt samtaleemne

Då me kom til byen spurde eg om kafè var mogleg underhalding, det var greitt. Me gjekk til Sting. Der såg me gjennom «Motmæle» som er den superfantastiske avisa som NMU gjev ut til medlemane sine. Jens er faktisk redaktør i denne avisa, og lagar stort sett alt utanom artiklane. Vel, han lagar visst ein god del av dei òg. Me diskuterte korleis avisa kunne vore betra, – Jens hadde bruka eit bilete som eg hadde take på forsida av avisa – det meinte eg ikkje kom til sin rett (som Jens var einig i). Avis er iallfall særs interessant.

Etter me hadde svidd av ein del pengar på Sting drog me til Metropolis. Me var alt for tidlige, men jaja, me måtte vel gjera kaffien klår til møtet då. Det sto to herlege jenter i inngangspartiet til Metropolis. Dei såg umiskjenneleg nynorske ut. Huuuummmm… «Er de her for årsmøtet i Målsiddisane?», det var dei. Kort etter kom Vebjørn, med to andre jenter. Jøss, eg som trudde det skulle bli meg, Vebjørn, Jens og kanskje Geir på møtet. Eg har alltid lurt på kven dei mange medlemane i målsiddisane er; for dei er iallfall ikkje særleg aktive.

Årsmøtet startar

Me sat oss inn, drakk kaffi – åt kake. Forresten var det berre eg som drakk kaffi, trass kor mykje eg hinta og bydde dei andre. Me hadde ein kort «om meg sjølv»-runde, som eg absolutt elskar. Men allereie innleiinga mi var lengre enn alle dei andre sine fulle «om meg»-talar, så eg stoppa der. Hadde vore jysla moro om alle ville ha snakka litt lengre då; eg synest det er moro å vita kva folk gjer og tenkjer om ting! Wohoo.

Me gjekk gjennom sakslista, medan Vebjørn stadig kom av tema (og me måtte hanka han inn igjen; den guten er glad i å tala!). Det var to stk som ikkje hadde stemmerett av oss 6 (pluss Jens, som ikkje hev stemmerett same kva), ho eine var ikkje medlem, medan ho andre, Frida hadde ikkje betala endå. Forresten klårar ikkje eg hugsa namn, eg stressa fêlt med kaffien då dei andre pressentera seg sjølv. Vondingen meg. Jaja, eg lerer dei nok snart. :-)

Eg betala for Frida (som seinare vart nestleiar, det trur eg ikkje ho kunne ha vore om eg ikkje hadde betala – det synest eg er kult ^^) og spurde ho andre (off, dumme meg, naaamn) om ho ville vera medlem. «Tja, kan vel det like greitt», sa ho og VIPS! Ein ny medlem i det nye året! Wohoo!

Vebjørn som likar å prata (+ han elskar media)

Me gjekk gjennom føråret. «Kan du taka det kjapt og greitt, Vebjørn», sa Jens. Me visste båe at dèt kom det ikkje til å bli; såpass kjenner me Vebjørn. Etter han hadde kome seg gjennom lefsa si med fleire anekdotar (nokon lange) på vegen, kunne me starta med dèt som hadde litt meir relevans; stemming. Var dette ei god årsmelding? Samstemmig, som faktisk alle sakene var… :-)

Eg hugsar ikkje kva me fann ut at me skulle konsentrera oss om i år; men me gjekk inn for møte annan kvar veke – anten i siddisstova (på lassa) eller der Natur og Ungdom hev sitt kontor. Så var det stemming av verv i styret; Vebjørn Sture blei leiar igjen. Frida Ur blei nestleiar. Eg, Odin, blei kasserar/økonomiansvarleg. Så blei, uhm, ho andre jenta (NEEEI, det namnet hadde eg på tunga!) styrelem, same blei Geir og Mats Indrefjord Høllesli (sjølv om dei ikkje var tilstades innstilde me på det).

Me fann ut kven som skulle sendast på årsmøte i NMU, det blei meg, Vebjørn, Frida (nei, ho kunne ikkje lell), Ingebjørg (?, som ikkje kunne vera på Målsiddisane sitt årsmøte) og… Vel, det er vår vørde leiar Vebjørn som hev oversynet på alt dette. Eg kan vel heller berre seia at eg iallfall blei med :p Eg sa meg òg villig til å vera observatør på Stavanger Mållag sitt årsmøte. Kven som skulle dra på Noregs Mållag sitt årsmøte (og 100—årsjubileum) i Oslo gløymde me; men får taka det på neste styremøte, torsdag kl 1900 om to veker. Eg har iallfall utruleg lyst :]

Slutt på dèn dagen

Me måtte slutta møtet raskt, sidan to måtte på jobb – eg tok kaffien min og rydda saman med Jens og Vebjørn før me stakk til Peppes. Det var koseleg, og tok lang tid. Eg var ikkje heime før i 22-tida. Akk. Etter dèt las eg avisa, sjølv om eg eigentleg ville skriva om møtet pluss jobba litt. Menmen. No er det flott vêr ute, og eg skal vera med Rebecca. Ut å gå tur visstnok. Hum. :-) Får dra.

Det var sjølvsagt ein hugnadsam dag, men herlege menneskje (som NMU-folk plar vera). Wohoo. Eg ser fram til eit år som kasserar i Målsiddisane.

Mogleg relaterte innlegg

Wohoo, pappa skriv nynorsk i brev

Odin Hørthe Omdal — Thu, 16 Feb 2006 23:08:33 +0000

Nynorsk filmsøknad. Pappa har skrive eit brev til Stortinget ved Målfrid Meltveit Kleppa. Han søkjer om pengar til eit informasjonsprosjekt kalla «Den flerkulturelle skole». Fyrste utgåva var superbyråkratisk kommunenynorsk, så han var regelrett rauda ned av pennen min. No er ikkje eg kjempeflink til å skriva, men det flyter mykje betre no! Read more on Wohoo, pappa skriv nynorsk i brev…

Mogleg relaterte innlegg

Sentralstyreinvitasjon frå NMU

Odin Hørthe Omdal — Thu, 16 Feb 2006 22:54:15 +0000

Telefon frå valnemda i NMU, dei lurte på om eg ville stilla som sentralstyremedlem. Særs moro. No veit eg ikkje om valnemda ville tilrådd meg til stillinga om eg hadde sagt ja, men eg trur ikkje dei ringjer rundt til 4 folk for å berre taka ut ein. Det høyrdest ut som om det hadde vore relativt glatt om eg ville. Read more on Sentralstyreinvitasjon frå NMU…

Mogleg relaterte innlegg

Vanskeleg å melda seg ut av Human-Etisk Forbund

Odin Hørthe Omdal — Tue, 24 Jan 2006 16:45:06 +0000

Human-Etisk Forbund har vore til lite bry og jobba godt for sakar eg har vore dels einig i. No vil melda meg ut, men då er dei plutseleg utruleg vanskelege. Er ikkje dette organisasjonen som kritiserer statskyrkja for den same praksisen?

Eg har vore medlem i Human-Etisk Forbund i mange år og godt nøgd med det. Eg har sett på det som den rette organisasjonen til å motta mine statsstønadpengar. Heilt til eg for ei tid tilbake fann ut at eg vil passe betre i Buddhistforbundet.

Eg såg etter informasjon om dette på nettsidene deira (om enn, leita ikkje, så sei ifrå om du finn det), fann fort utmeldingsskjema frå statskyrkja, men ingenting om det motsette. Det er vel eigentleg forventa. Så eg fann ei epostaddresse til innmelding, og skreiv eg ville melda meg ut. Eg fekk inget svar, venta fleire dagar. Til slutt ringde eg Human-Etisk forbund og blei satt over til innmelding:

Ring-ring… Ring-ring… Ring-ring…
KLIKK
Dame: Hallo. Nei, ser ikkje ut som om dei er inne. Ring tilbake seinere.
Meg: Å, ok. Hm. Kor lengje då til?
Dame: Mange er sjukemelde. Veit ikkje om alle er tilstades.
Meg: Javel, hadebra då.
KLIKK

Tidligare hadde eg spurd dama om kvifor eg ikkje hadde fått svar på eposten min og sagt eg ville melda meg ut. Eg har ikkje ringd igjen endå. Dei er ikkje imøtekomande, men motarbeider heller ikkje. Så eg trur det går bra neste gong eg prøver. Skal gjera det imorgon.

Det som er litt moro er at HEF heile tida kritiserer kyrkja for at det er vanskeleg å melda seg ut. Så skal kyrkja vera utruleg enkle å ha med å gjera, medan dei godt kan unngå å svara på epostar? Det er ein liten dobbeltmoral ute å går. Det synest eg eigentleg gjennomsyrer heile organisasjonen no. Dei klagar litt vel mykje på alt og alle, men er komfortable med å sjølv ha monopol på diverse ting. At dei endra namnet frå borgarleg konfirmasjon til humanistisk er forsåvidt eit motsett trekk. Det var bra.

Men før det blir meir rotete sluttar eg.

Mogleg relaterte innlegg

Norskfagskonferansen på Lambertseter

Odin Hørthe Omdal — Wed, 09 Nov 2005 09:04:27 +0000

Denne guten har ikkje ete noko særleg. Ikkje sove heller, for den saks skuld. No er det heim frå Norskfagskonferanse, det blei 5,5 timar søvn fordelt på 3 dagar. To netter altså, ei normal natt skal ein ha 8. Var moro på konferanse, men godt å kome heim. Normalt vil eg bli igjen…

Eg vil litt heim

Kvifor vil eg ikkje heim no? Nei, det kan det jo vera fleire grunnar til. Eg veit ikkje heilt. Tenkjer litt på Rebecca. Tenkjer nok søvn og på å ikkje sprada rundt i ein halvkald skule heile dagen. Maten var god, men det var ikkje enkelt å få nok. Det er kritikk av min ete-kompetanse, ikkje av jobben til matnemda. Då gjeld det altså evna til å eta nok.

Eg vakna nett og fann ut eg ville skriva. Foten sov, me var i Bø, magen ville ha mat, naboparet hadde båe kaffi og sjokolade pluss at foten sov. Det med foten var spesielt ekkelt, om du ikkje fekk det med deg. La meg tilbake. Såg på sidejenta mi, «ChiCA»-bladet hennar (hum?) og klokka. Wow; 2 timar! Eg hadde sove i to timar, men kjendest som om eg nett var gått på toget. Det var kort sagt fantastisk. For ei kjensle. For ein trøyttheit.

To dagar tidligare sat eg litt meir opplagt på toget andre vegen. Las Harry Potter, den fyrste. Sidan Rebecca er så utruleg fan av desse bøkene har eg bestemt meg for å lesa dei sjølv. Eg las han perm til perm på togturen. Vél framme rota meg og Magnus (lillebroren til Elisabeth) oss til Lambertseter VGS. Bruka litt tid på det. Oslo. Ja…

Mat og Amsterdam

No er det to ting eg vil prate om meir enn å skildre dagane som har gått; mat og Amsterdamturen om to dagar. Mat. Dagen før eg drog til Oslo (torsdag) åt eg ei 15krs pølse og eit par skiver til frukost. Dagen eg drog åt eg:

Økologisk knekkebrød som nattmat (teknisk same dag, så)
Frukostblanding til frukost
Ein liten sjokolade til middag (togmat er dyrt)
To berlinerbollar og eit par klementinar til kvelds

Ikkje store festmiddagen altså, sjølv om det blei litt når ein putta det i fin liste. Tok ikkje så stor plass reint fysisk som det gjer psykisk i hovudet grunna listeteksten. For å ikkje taka heile dagen kan me prate om Amsterdamturen. Det er ikkje stort å seie, anna enn at eg har vore vekk heile helga. Eg dreg heim no, er der i to dagar før eg tidleg onsdag må taka flyet til Amsterdam. Der skal eg vere til måndag. Eg skal jobbe, hardt. Eg skal reisa. Møta masse folk. Bli utslitt. Som de kanskje forstår er eg det allereie.

Konferansen, natt til i dag

Sjølve konferansen var moro. Natt til i dag (wow, nyhende-språk) hadde Kjersti, Magnus, meg, Elisabeth og Øystein det supert. Oppramsinga er med synkjande moroskapsfaktor (leggjetid). Kjersti og Magnus la seg 09, eg 06, Elisabeth 05 og Øystein 04. Me var i konferansesalen og spelte musikk (frå min berbare datamaskin etter Øystein la seg ^^ ) medan me dansa med enorm innleving og digre faktar. Det var hugleg så det ljoma.

Eg la meg ned på sofaen kl 6, etter litt gitarsynging med Kjersti (spelte) og Magnus. Der tok eg NSB-teppet over min kropp før eg blei vekka av Margit (eller nokon, hugsar ikkje, augo igjen). Det blei 2,5 timar i natt. Eg sprang bort på matsalen og laga meg brødskiver banan med bringebær heilt til det ikkje var meir igjen (ei skive altså). Åt ost med bringebær på dei andre to. Eg var litt sein til foredraget om tospråklegheit i Finland, måtte snike meg inn. Det var eit veldig bra og interessant foredrag.

Teaterfolk, nynorskhatarar

Mot slutten av siste dag hadde me panel-ordskifte med SU, EO, NMU, Unge Venstre og Unge Høgre. Det kom ein gjeng lokale Lambertseter-ungdom inn i salen – dei sat seg bakarst og såg ut som bråk. Den var dei òg. Dei romsterte noko fælt medan folk snakka, tok masse oppmerksemd. Prøvde å laga mest mogleg bråk ut av å prate med kvarandre og rive i papir.

Etter litt gjekk dei ut; men dei kom tilbake. Plutseleg ser me ein gjeng ungdom spring i gangen utanfor gymsalen – dei hoier og skriker, tramper og tek oppmerksemd. Det gjorde dei mykje. Eg fekk veldig lyst til å setja dei på plass, det hadde visst Sigbjørn òg – for han gjorde nett det då dei sto utanfor den opne døra og snakka kjempehøgt.

Eg gjekk og dusja; såg Magnus kom i snakk med dei. Då me åt «middag» seinare fekk me vitjing av nokon av dei. Eg prata litt med dei sidan eg synest dei så greie nok ut. Berre at dei dumma seg fælt tidligare, off. Respektlaust. «Mot nynorsk», javel? Kom med argument, eller ikkje sei noko i det heile. Å bråka hjelper ein ikkje iallfall. Dessutan synest eg det er mongo å vera mot nynorsk, og eg har endå ikkje møtt ein smart fyr som er det…

Dei var kjekke dei. Haldt på med ein revy. Me leika litt med dei, hadde «Pangsang» (eller kva det var). Ein fyr i midten, peiker på ein og startar syngje; den personen skal dukke medan dei to på sidane skal fortsetje songen etter beste evne (litt som Beat for beat, trur eg). Så skal midten vera dommar og seia at ein må gå.

Oppsummering

Sidan eg har hoppa fram og tilbake i tid så får eg berre skriva ned resten av det eg vil ha med. Det var kurs, tri på likt; “God norsk”, “Nynorsk” og “Teiknspråk”. Eg ville veldig på båe dei to fyrste, men gjekk på den fyrste. Det var eit moro kurs; eg hadde nok litt utbytte av det. Likevel visste eg det vel frå før.

Ahvel. Eg må forte meg å bli ferdig. Det var veldig moro iallfall. No tek eg flyet til Amsterdam!

Mogleg relaterte innlegg

Av stad til landet til bokmålet

Odin Hørthe Omdal — Fri, 04 Nov 2005 11:32:16 +0000

Då er det ikkje stort lengje til eg skal taka toget til Oslo. Eg sit og knaskar økologiske knekkebrød med ost og masse smør, medan klokka tikkar berre litt for fort. Det er Norskfagskonferansa eg skal vitje denne helga.

Fekk nett telefon frå reisekameraten min; Magnus. Det er lillebroren til Elisabeth. Han lurde på kva for ei vogn me sat i. «Me gjer ikkje», sa eg. «Kva?», svara han som om han ikkje høyrde. «Det er ikkje plass på toget, me sit ikkje – me har ståplassar». Det er lagt til Oslo, me har 9 timar foran oss. Det er ikkje slik at me må stå heile denne tida. Når me ikkje har plassar så tyder det at me ikkje kan sitja på same plassen heile turen. Skal alltids klåre oppdrive eit og anna sete innimellom stolradane. Elles stilde eg klokka på maskina mi, og ja; han var 26 sekund for rask.

4 Nov 11:49:59 ntpdate[3487]: step time server 129.240.12.4 offset -25.899262 sec

Aftenbladet og Rogalands Avis; meir nynorsk i Rogalandsmedia

Me har nett avslutta ein aksjon for meir nynorsk i Rogalandsmedia. Sett i forhald til kor mange som faktisk brukar nynorsk i Rogaland så speiler ikkje avisene dette godt. Det gjeld spesielt Rogalands Avis som har redaksjonelt forbod mot nynorsk, nett som Dagbladet og VG. Journalistane må skrive på bokmål. Eg er glad eg ikkje jobber dèr.

Aksjonen har for det meste vore på Arneageren i Stavanger (utanføre kulturhuset/sølvberget). Eg har vore med to gongar. Fyrste gongen gjekk litt betre enn andre; eg er så redd for å plaga folk. Alle trur eg er ein seljar òg; dei blir redd meg før eg spør dei om noko. Mange trekk seg vekk. Hekkan, eg blir jo redd sjølv når nokon buser bort til meg for å fortelje meg kor herlig jesus er/kor fint det er å betala x-antall pengar til Origanisasjonen&tm; eller eit eller anna skumle greier dei vil. Ofte visar det seg at dei ikkje vil riva buksa av meg og skjelle meg ut; men likevel er eg litt redd for kvifor denne fyren kjem bort til meg.

Eg hadde den taktikken å berre spørje folk eg kjende frå før. Difor fekk eg ikkje meir enn 12 underskriftar. Eg spurde ein god del andre eg ikkje kjende; men dei sa nei (for det meste, eg klåra få to folk til å skriva under). Hehe. Står fram som veldig hemma no; men eg fekk fleire underskriftar sist gong. Då var eg mykje flinkare. Sjølv om eg ikkje er heilt inni det der med underskriftsanking endå.

Vitjing hos redaktørane

Så i går var meg og Vebjørn hos redaktørane i dei to store avisene her i distriktet. Eg klåra ikkje kome til RA, men me var båe hos SA. Der hadde dei journalist og fotograf – spurde nok spørsmål til at me kan få ein bitteliten notis ein plass :P Men det var moro at dei sa det slik iallfall. Vebjørn var overraska over at RA-redaktøren var koseleg. Han er trass alt tabloid-redaktør og har forbod mot nynorsk. :P Hehe. Nei, er vel ofte slik. Me prata litt smått med Tom Hetland før han måtte prate med ein som ville “prata med sjefen” av di han ikkje hadde fått avisa si… (haha).

Me fekk 1068 underskriftar. Det er superbra, om eg så får seia sjølv. Dei fleste av dei underskriftane har ikkje eg hjulpe til med då; eg har vel 68 under beltet, alle dei 68 som er for mykje og liten vits i :p Heheh. Men, var moro å vera med å hjelpa. Kan henda eg blei litt tøffare der òg.

Toget går frå meg!

Men no har eg seriøst litan tid! :| Ooohhhh… Eg må springje (eg som skulle leggje til bilete osb :( ) Forresten (henta frå nmu sine nettsider):

I løpet av vidaregåande har du 1 512 000 sekund med norsk på vidaregåande, om du går på allmennfag. Skal du kjeda deg all den tida?
4.–6. november skipar Norsk Målungdom og Elevorganisasjonen til ein stor konferanse på Lambertseter VGS i Oslo. Emnet er ”det nye norskfaget”, som mellom anna femnar om nye læreplanar, sidemål, morsmålsopplæring, elevmedråding og mykje, MYKJE anna. Det vert høve til å verta kjend med folk frå heile landet. Gjennom ulike verkstader, teiknspråkkurs, ordskifte, teatersport og leiking skal alle få brynt seg. Og sjølvsagt vert det paneldebatt med ungdomspolitikarar og utdeling av Dialektprisen til nokon som verkeleg har fortent han! Me er stolte av å kunne presentera eit knallsterkt program, og vonar at nett DU vil vera med på ein konferanse du seint vil gløyma!

Mogleg relaterte innlegg

Måltur åt Homborsund fyr

Odin Hørthe Omdal — Thu, 20 Oct 2005 21:44:55 +0000

Denne flotte helga eg heilt hadde gløymd kom. Superkule folk frå målungdommen (Oslo og Stavanger) på ei lita øy med eit fyr. Det er tri veker sidan no, men likevel låg denne historia her som kladd. Gjorde han like godt raskt ferdig for å få det vekk frå kladdane. Koseturen var kjempekos.

Stormen uler rundt fyrtårnet. Det er békmørkt. Eg må pisse. Stemninga er verkeleg upåklageleg. Syng frå boka «Eg vil so gjerne syngja». Der dirrar i kjøkkenveggane av dei ruvande stemmane, leing tek over då eg snik meg ut. Putter på meg nokre digre sko, gidd ikkje taka mine eigne. Ute blæs det storm. Er på eit lita øy med eit fyrtårn. Rett ut mot havgapet. Alt er svart, men eg kjenner bølgjene er enorme. Salt frå dønningane når meg 30m over havet, 200m inn på øya. Ikkje småtteri til vêr.

Det er ikkje lurt å pisse i motvind. Det veit tilogmed den andre delen av verda som ikkje (?) har testa det. Difor gjorde eg ikkje det. Pissa ikkje i vind i det heile, det var for skummelt. Fann lé før eg fortsatte. Litt tidligare på dagen hadde eg teke toget åt Kristiansand. Hadde billett heilt åt Oslo, trudde me skulle dit eg. I tillegg kjøpte eg komfort-plass, det var ikkje plass på vanleg. Så alt i alt bruka eg meir pengar enn eg burde. 150 kr ca.

Eg prata med Gard, 25 år, jobbar med barn og psykologi. Han er ein av pådrivarane i Stavanger Filmklubb. Dei andre kom seinere på linja. Jarle, 16, speler orgel. Vebjørn, 17, leiar i målsiddisane. Den siste av målsiddisane (og einaste jente), Elisabeth Skatvedt (eg har skrive heile namnet hennar før på heimesida så :) ), 19, bur i Oslo, så ho reiste med dei. Ho studerer tsjekkisk og gjekk på Hetland saman med meg siste året.

Mannen som skulle køyre oss ut åt øya hadde satt seg på bakbeina av di me var ein halvtime sein. Han ville ikkje køyre. Fann seinare ut det var av di det var blitt mørkt. Heldigvis fiksa dei skyss ut. Utrykksfullt vêr på veg inn over Noreg. Det var nett dét vêret eg sto i nokre timar seinare. Då hadde me ete pasta i naustet, med ein god del stearinljos som einaste ljoskjelde. Superkoseleg, det ulte utanføre, medan me sat rundt det lange bordet alle 11 og introduserte oss sjølv.

Unge Høgre-vitsane satt laust, det lokale gjenferdet hadde halsband frå dei óg. Han lika dårleg at øya var fylt opp av folk som ikkje kan flytte seg stort meir åt høgre enn senterpartiet. Nynorskskrivande målungdom som syng internasjonalen, den gode gamle songen kjend frå Sovjet. Unge Høgre hatar som sagt nynorsk, sjølv om dei håplaust prøver seie det er sidemål dei ikkje likar. Alle ser det er tull. Hehe.

Også dei idiotiske reklamene han der sjølvdiggaren av ein høgrefyr hadde! Hahaha. Lagar reklamar for å fortelje kor kul og tøff han er sjølv. Siste sort :P Prøver óg å rakke ned på “Sosialisten Aslak”. Hahahahhah. :D Eg finn meg faktisk 100% einig med Aslak, heile reklama er jo laga med utgangspunkt at Aslak har feil :p Humor!

Fyret var fantastisk. 16 ljos som gjekk ut i natta. Strålar som gjekk om si eiga ljosakse. Ein må ha vore der for å forstå kor vakkert det er. Eg angra fælt på at eg ikkje tok med kameraet. Eg tok med laptopen, som eg helst ikkje burde hatt med. Trong han ikkje. Det gjorde eg derimot med kamera. Alle desse folka. Denne naturen. Dette vêret. Stjernehimmelen var superklår dagen etter.

Me frå Rogaland, tøffe som me er, sat oppe til 3–4 båe nettene og snakka. Barske rogalendingar! Eg fekk massasje frå Gard som er god på feltet, han er ein god liten luvvie nett som meg. Me snakka om meditasjon eg trening av sinnet i desse dagar der alle trener kroppen. Tingen er at eg er så overraska av at folk trener kroppen heile tida, men det er jo trass alt sinnet som tek inn all informasjon rundt ein. Det er det som avgjer lukka, det ein kan styre heile livsføringa si på!

Han massera veldig bra, – men konsentrera seg ikkje berre om ryggen og dei store muskelgruppene slik eg er vand til, men tok altslag småplassar óg. Tydeleg at han har fått mykje inn frå folk som kan det med energistraumer o.l. Veldig interessant, og ikkje minst kjempegodt. Blei god og avslappa. :D Etter endt massasje lura han på om eg kunne. Eg hadde ikkje meir erfaring enn pappa som har massert meg eit fåtal gonger (diverre ikkje meir, skjerpings!) og så har eg massert mormor for 1kr minuttet i ei årrekkje då eg var liten. Elles div. veninner oppgjennom åra, men ikkje så veldig mykje diverre.

Eg masserte han i ein 30–40min, tok heile bakre del av kroppen. Han var utruleg takknemleg og kom med masse ros, hihi. Det var moro å høyre, i frå ein som har meir peiling enn meg og greier ;D

Elisabeth strikka ei kjempetøff lue åt ein kamerat, eg fekk strikka ein halvtime eller noko. Eg tulla mykje til, men ho var like glad og hjelpsom – veldig søtt :D Eg må ha vore litt til bry, heh, jobba seint og satt meg fast innimellom; men ho syntest det berre var moro :D Me søv alle på same rom, ville ikkje vekke dei andre. Kjempekos. Eg hadde sjølvsagt gløymd søvepose, så eg søv med kleda på.

Elisabeth og, hm, trur det var Trine, hadde laga frukost – kom ned og koste oss. Etter me hadde gjort litt av det på planen gjekk me ut på ekskursjon. Elisabeth spurde om me skulle bade imorgon; «Veeeel, det er jo kaldt. Men eg tok med badebukse…».
«Me badar jo naken!», svara ho raskt.
«Eg tek gjerne ein morgondukkert», ytra Gard og strakk labben ut. Dei skulle bade ja. Såg på meg. Elisabeth retta handa ut.
«Kan godt hende eg blir med, men eg tek deg ikkje i handa på det!», sa eg. Rart, eg har ikkje pleid vere så feig. Hihi. Men blir vel eldre ^^

Me hadde det igjen kjempemoro. Denne natta planla me korleis me skulle take over Kvitsøy:

Få alle medlemane i NMU (1200 eller noko) til å melde flytting åt Kvitsøy rett før kommuneval
Opprette parti.
Alle stemmer parti.
Me vinn overlegent.
Me får styre Kvitsøy, og blir ein KNALLRAUD kommune midt i blåe Rogaland
???
PROFIT!!!!

Ah, kanskje slå vekk den siste der med profitt, – det er trass alt ikkje formålet med raude kommunar! Det me heller skal gjere er å spreie oss, kommune for kommune – heilt til heile Noreg er innrullert i den sosialistiske/kommunistiske varmen!! WEEE! :D AHvel, det var iallfall planen på kjøkkenet kl. 03 midt uti havgapet på sørspissen av Noreg.

Eg søv litt betre. Fekk pledd denne natta. Neste morgon var det bading. Eg sat igjen medan dei andre sprang ut, skal, skal ikkje. Eg sprang opp, henta handkle, sprang ned – kasta av meg kleda, kasta meg uti. Dei andre var på veg opp igjen, må ha vore kort bad. Men dei kom uti igjen då eg hoppa. Skreik og hylte, hihihi, var superkos! :D

Herleg å bada naken. Eg er så mot at det skal vere eit problem; det er den enorme sexifiseringa som er problemet. Nakenheit == sex liksom. Det er reinspikka tull. Det er plagsomt og vondt. Det er jo heilt naturleg, og eg er heilt einig med naturistforeninga. Eg las nett ein bra artikkel bak på Aftenbladet; så får eg seie; eg er naturist! :D Hihih :D Eg er mot at nakenheit skal vere tabu. Det er teit.

Åååh, det var så herleg vatn! Plaska kjempemykje og hoia fælt. Så skulle me dra. Stavangerguta var igjen og rydda, dei andre var klemma hade-bra. Møtte dei likevel igjen då dei sat og venta på bussen. Det var koseleg, sat oss ned og snakka. Meg og Elisabeth åt alle gulrotene Gard hadde stelt i stand. Tidligare åt eg støre deler av peanuttene hans. «Du smakar salt, lurer på kor du har bada» sa Elisabeth lurt siste klem før ho stakk i bussen. Då hadde eg prakka på russe-/visittkortet mitt på fleire personar. Hihi.

Så tok me toget heim. Kos. Men innlegget er for langt, og alt, alt, alt for seint ute! Ah, forresten, ser eg ikkje har skrive så mykje om folka. Vel, folka var kjempestilige. Alle saman. Det er så stilig når ein dreg med ein slik organisasjon; ser kor flotte folk som kjem. Det gjekk mykje i nynorsksnakk, superkos. Sivilarbeidar for NMU, Jens, hadde omsyn for det meste av turen.