Merkelapp-arkiv: Oppskrift

MMmm, god omelettoppskrift!

Eg hev vorte ein racer på omelettar det siste halve året. Dei siste omelettane eg hev laga hev vore heilt fantastisk gode, i dag storkosa eg meg verkeleg. Difor tenkte eg at eg kjapt skulle skriva ned grunntrinni, slik at eg kann hava det skriftleg um andre er interesserte.

Oppskrift, osteomelett med kvitlauk

Eg hev laga veldig mange forskjellege variantar, det er veldig enkelt å tulla rundt for å so koma opp med ein god omelett. Eg skriv ned den eg laga i dag; osteomelett med lauk, kvitlauk, gastromat (norsk «krydder») og ingen mjølk.

Det var ei ekstremt enkel oppskrift som smakte himmelsk:

Dette treng du (ingrediensar)

  • 1 vanleg skei med smør
  • 3 egg
  • 1 fedd kvitlauk (ein båt altso)
  • Lauk (dobbelt so mykje lauk som kvitlauk, berre kanten av ein stor lauk)
  • Ei lita neva (hand) rispa ost
  • 1 flat teskei med gastromat (du finn det i krydderhylla på butikken)
  • 1/4 teskei med oregano (vanleg krydder)

Framgangsmåte (tek rundt 10 minutt)

  1. Set steikeplata på omnen, (varme 4 (av 6)) og ha i smøret
  2. Kutt opp kvitlauken og lauken i små bitar
  3. Hiv det oppi steikepanna når smøret er smelta
  4. Ha dei tri eggi oppi skåli
  5. Putt krydderet oppi skåli, rør til det vert gult
  6. Fordel det som er i steikepanna likt utyver
  7. Når lauken og kvitlauken er brun, hell innhaldet i skåli yver
  8. Roter steikepanna rundt ein gong slik at egget lagar ein «kant» inne i panna
  9. Hell litt av osten oppå omeletten (osten vil søkka ned i han)
  10. Når eggekanten du laga fjernar seg frå plata, bruk steikespada di til å lausriva omeletten frå plata
  11. Ha resten av osten på den eine halvsida av omeletten (den sida som sit mest fast)
  12. Pass på at omeletten er passe fast på yverflata (kann renna litt, skal vera litt blaut)
  13. Bruk steikespaden for å koma under den motsette sida av osten og legg han forsiktig yver, no hev du ikkje ein rund omelett lengre, men ein halvmåne
  14. Strø litt ost på toppen som pynt
  15. Omeletten er ferdig når osten hev festa seg
  16. Skli omeletten yver på ein tallerken ved hjelp av steikespaden

Njot omeletten din med salat! :D

Variasjonar

Det er sjølvsagt veldig, veldig, veldig lov å laga variasjonar av denne. Det er berre godt og enkelt. Grunnen til at eg laga omeletten på denne måten i dag var ganske enkelt av di det var dette eg hadde. Ein av mine betre omelettar brukte eg sopp;

Sopp

  • Meir smør i panna
  • Steik soppen brun og god
  • Ha han yver på ein tallerken
  • Når omeletten er i stadiet der du puttar «resten av osten på», so heller du berre soppen oppi

Det er veldig vanskeleg å laga ein omelett som er vond, det er enkelt og godt. Vil du bruka litt mjølk i?

Med mjølk

  • Ha i mjølk når du rører eggi, ikkje for mykje, omtrent ein liten «skvulp»

Hev du ein god omelettoppskrift?

Kom med han då. :-)

Jentemåten å eta kiwi på, ikkje bra

Eg hev funne ein morosam ting. Det krev ein kjærast med kniv, ein (helst tvo) kiwiar, skei og film. Dessutan må du vera van med å eta kiwi på den ekte måten, den for mannfolk og alle andre som veit korleis me et frukt.

  1. Få kjærasten din til å laga klar kiwiane de skal eta medan de ser «Pink Panther».
  2. Ho lagar han sjølvsagt på feil måte (kutt av toppen av kiwien (jentemåten)).
  3. Ho innser dette, men sei «OK, eg kann prøva å gjera det på denne måten» for å vera open for nye (teite) ting.
  4. Le medan du ser «Pink Panther».
  5. Tak skeii i den eine handi, og kiwien i den andre.
  6. Skrap av eitt lag Kiwi, putt inn i munnen og et.
  7. Repetér frå 5 heilt til Kiwi-en er ferdig.
  8. Voilá, kjenn etter ei spesiell kjensle.

Dette er kannhenda ein lur plass å gå til spegelen på badet og sjå på verket (eller skal eg seia «verken» ;-) ) ditt.

Illustrasjon

Steg 1, kiwi. Steg 2, kiwi utan topp. Steg 3, tunga som blør.

Du vil slita med nr. 3 eit heilt døger etterpå. Det vil vera stress å eta ting…

Korleis du skal eta Kiwi

For dei ulukkelege sjelene som ikkje veit korleis me eigentleg skal eta kiwi:

  1. Vask kiwien (skyl han)
  2. Putt han i handa di
  3. Bit i han
  4. Tygg
  5. Svelg
  6. Start frå 3 til det ikkje er meir kiwi att

Då er kiwien god
då er han best
til kvardag
og til fest

Jeppz! Du et altso med skalet på, nett slik me et eple, nektarinar, plommer, sitronar og anna som er godt.

Kvifor seier du «jentemåten»?

Eg hev sterkt yvertydande statistisk materiale som seier at jenter brukar skei, og gutar berre et kiwien på den beste måten. Eg hev lagd ein tabell som prov:

Korleis jentor og gutar et kiwi
Dårleg måte å eta kiwi påDen beste måten
Gutar01
Jentor20

Som me ser, hev eg funne ut at båe mamma og Rebecca et kiwi med skei, og eg (som er gut) et på den beste måten. So der hev me det! Den dårlege måten er jentemåten.

QED.

Eit musehakk mindre einsamt på Bjerke

Wohoo! Eg hev snakka til fleire i blokka mi! Rektig nok berre «Good night» med svar attende; men det var jo noko. Eg kjenner meg eitt hakk mindre totalt åleine på denne plassen, Bjerke Studentheim.

Eg hev ein kamerat på Bjerke, det vil seia ein eg pratar med då eg stundom ser han. Han er frå Asia og gjeng på BI. Eg hev prata ein del med han om «norwegian-danish and norwegian» og korleis dei fleste nyttar den fyrste. I dag såg eg han på Bjerkebussen og helsa der eg sat med den absolutt forferdelege maten frå Deli de Luca (nei, det vert kebab fast etter dette! Det er mykje billigare òg).

Full heis

Me fekk veksla eit par ord i inne i heisen, full av dei asiatiske venene honom. So gjekk han av i andre etasje – og eg var igjen i heisen med ein flokk supersøte asiatar. Ho eine hadde lent seg på knappane, så halvparten av etasjane var markert. «Haha, you pushed them all», lo dei andre. Eg gliste breitt – desse folka var riktig herlege! Dei krangla litt om det, for det meste på engelsk, men med eit par ord på eitt eller anna asiatisk språk imellom. Eg ville gjerne bryta inn med ein hyggeleg setning, dei virka so opne og mottakelege for det.

Men eg var snart på mi etasje – og det var berre tvo av dei att. Rett før døra lukka seg bak meg fekk eg glad ynskja dei god natt med svar attende. Superkos! No kjenner eg at eg hev fleire å kunna småprata med enn asiat-venen min og naboen min (som eg ikkje hev sett på lengje! Verkar fordufta)…

Likevel er det langt ifrå nok til å få meg til å tenkja at Bjerke er ein kei, kei, trist og einsam plass. Ugh, eg vil flytta.

Pannekaker!

PS: Eg hev flytta heile innlegget nedanfyre sjølve oppskrifti, folket er mest interressert i den.

Pannekakeoppskrift for to personar

Fyrst må du ha div. ting og tang for å kunne lage pannekakar. Eg lister opp:

Innhald (Ting du må ha)

  • 2 supre egg
  • 2 dl mjøl (vel, ta 3 du, det plar eg gjere ;) )
  • 3 dl mjølk (helst Tine økologisk :p)
  • Masse sukker
  • Margarin (Soya plantemargarin er supert!)
  • Ingefær- og kardemommekrydder (superduperhemmeleg ingrediens (vanskeleg ord))

Tine Mjølk (ikkje økologisk diverre)

Dette skal sjølvsagt blandast på ein høveleg måte.

Framgangsmåten

  1. Putt mjølet i ei bolle (helst raud).
  2. Finn visp, visp mjølet.
  3. Hell litt og litt mjølk nedi medan du fortsetter å vispe.
  4. Visp til det blir glatt (klumpane er vekk, altså, dette er stress – få Tor Eirik til å hjelpe til)
  5. Smelt ein del margarin (ca 1 spiseskei, men du avgjerd)
  6. Hell nedi ein del sukker (eg plar smake til, men 2–4 matskeier ca)
  7. Knus egga (pass på å ikkje få skalet nedi) og held innhaldet ned i bolla.
  8. Kast eggeskala etter du har take ut alt innhaldet ned i bolla med fingen.
  9. Visp videre. Er enklare no.
  10. Hell det smelta margarinet ned i bolla og visp.
  11. Fyr på med ingefær og kardemomme, mest ingefær. Du skal sjå dei små korna!
  12. Visp. Luktar godt, gjer det ikkje? :D
  13. Lat bolla stå i kjøleskapet å «svelgje» i 20 min. Gå opp å chat imens.
  14. Steikepanna skal allereie vere smørt inn då du smelta margarinet; så berre gjer han varm (2 hos meg)
  15. Fyr ei ause med røre på panna
  16. Ta panna opp i lufta og få røra over heile
  17. Snu pannekaka når han blir «tørr» på toppen
  18. Et dei utruleg gode pannekakane med sukker (eller noko anna, sukker er best :p)

Et voilá! :D Hehe. Lang oppskrift, men slik lagar ein gode pannekaker. No må eg redigere film; er difor eg ikkje har oppdatert på evigheiter. Me jobbar dag inn, og dag ut med filmen «De metakognitive»…

Endringar i ettertid: fiksa skrivefeil (pannekakar til pannekaker), la til hopp-lenkje, la til stikktittel og skreiv helst økologisk mjølk. Dette er faktisk eit av mine mest populære innlegg, haha, vonar du likar dei! Gjerne legg att innspel.

Dette er flytta ned no
No er det litt sidan; men eg hadde tenkt å skrive dette, så får gjere det no. Har sikkert gløymd alle detaljane, menmen. Etter ein lang dag med filming var eg iallfall svolten. Eg hadde hatt grandiosa dagen før; så tenkte eg måtte ha noko anna no.

Odin sin superoppskrift på pannekaker!

Jepp! Då kjem delen alle har venta på. Sidan eg er blitt så utruleg tilhengjar av å halde så lite som mogleg hemmelig (alt må ut!), så skal eg fortelje den hemmelige oppskriften på pannekaker her i huset. Kvifor skal ein liksom halde det hemmeleg? Kan jo hende nokon får bruk for det; – det hadde jo vore kjempemoro! Eg tenkte eg skulle dele pannekakar med Espen og Tor Eirik, men Falke kom, så han hadde vel fyrsteprioritet. Så me åt alle opp :p Same kva, eg startar med oppskrifta.

Sjølve dagbokinnlegget som fyrr var fyrst:

Eg sat oppe med Tor Eirik og Espen. Me skulle redigere. Fyrst måtte me logge, det vil seie å fortelje datamaskina kor dei forskjellige klippa ligg på videokasetten og kva dei inneheld. Eg var lei, ville heller chatte enn å logge; så eg lærte Espen korleis han skulle gjere det. Ganske greitt; då slapp eg :) Hadde dessutan tenkt å lage pannekakar, og då måtte jo nokon arbeide i mens.

Monica og Hilde (klassekameratar av Espen, Monica speler «Belinda» i De Metakognitive) kom på vitjing. Ganske trangt på rommet. Eg sat dei til å sjå på kva me hadde redigert så langt; medan eg sprang ned å lette etter lommeboka mi. Då eg omsider fann ho, køyrde eg til Kiwi.

«Alkis» på Kiwi

Der sprang eg rundt barføtt å såg etter mjølk. Eg visste jo eigentleg kor han var, så det gjekk jo ganske raskt. På vegen til kassa gjekk eg forbi nokre nye boller. Eg stoppa opp og betrakta dei. Flotte boller. Jæren bakeri? Hm. Lokalt òg. Ein (i Helge sine standard ord) alkis svimler forbi meg. Han ser ganske vekke ut i den raude grilldressen. Snubler hallvegs og mistar ein penge på bakken. Svimete som han er merker han det ikkje. Han skynder seg videre inn i butikken medan eg skal til å seie han mista ein femkroning. Blir ikkje meir enn ein rar rørsle.

Eg tek bollepakka, får take den iallfall. Så då har eg mjølk og boller. Eg står litt å ser etter den svimete mannen. Har lyst til å take femkroningen og gå til han med ho. Men er liksom så langt; så langt for fem kroner. Avgjorde at eg skulle gå til kassa, då mannen tusla seg tilbake. Eg såg på han, – han såg ikkje på meg. Såg berre forvirra rundt seg. Eg bøyde meg ned til femkroninga og ga ho til han. «Du mista femkroninga…» sa eg og smilte. Hugsar ikkje heilt kva han gjorde, men vekke var han iallfall. Var noko liknande «Åh.».

Kjende meg kjempebra :D Eg var utruleg glad. Då eg hadde betala, gjeve eit stort smil til personalet og pakka varene kom mannen til kassa. Han hadde eit brød i høgre hand, medan han tukla nedi lommene med venstre. Han tok handa opp, hadde ein tier og ein femmer der. Mannen hadde ikkje meir enn femten kroner! «Fem kroner», sa jenta i kassa. Han blei overraska, litt glad :D Hihih. Ga femmeren sin. Resten av turen heim sang eg veldig høgt i bilen.

Eg forstår ikkje kvifor ikkje fleire gjer slikt? Ein blir jo utruleg mykje meir lukkeleg av å hjelpe andre enn å take ein ussel femmer sjølv eller av å ikkje knuse ei bilrute for 60. Å gjere slike ting blir ein jo eigentleg berre ulukkeleg av. Eigentleg. Men for få ser ut til å forstå det, diverre. Same kva, eg var uhøveleg glad ;p Køyrde heim og sat tinga frå meg.