Merkelapp-arkiv: Video

Eg og Falke og rumpebrett i snjoen

Sidan eg framleis ikkje hev fengje kaupt dress (dei stengjer so tidleg og hev ikkje ope i helgene), hev eg framleis ikkje fengje leika skikkeleg i snjoen. Sidan eg hev veslebror Falke på vitjing, so tok eg meg ein tur ned i sentrum. Eg kom på at eg hadde lyst på akebrett, eg fann ikkje eit kult nok akebrett – men eg fann rumpebrett.

So eg kaupte eitt til meg (svart) og eitt til Helene.

So testa eg og Falke rumpebretti på Sagene;

Filmen kann lastast ned direkte frå archive.org (er akkurat den eg hev lagt til her òg då, brukar h264 – so skulle fungera for dei fleste). Musikken er fri, so lengje eg skriv at det er Tryad som hev laga han.

Me vart godt våte på rygg og bukser. Eg hadde so masse snø i ryggen då eg kom inn at det vart ein litt vel stor dam på golvet. Vops. Falke fraus som i gode gamle dagar då me sprang ute i snjoen med alt for lite klede på.

Det var hyggeleg.

Kjempeflott fødedag, fekk Nikon D90!

Vel, rett nok var det eg som betalte for den nye speilrefleksen, men eg fekk han jo likevel på fødedagen. Dessutan gav Helene meg eit objektiv eg hev hatt lyst på utruleg lengje (elsk), men som hev vore litt dyrt.

Eg hev hatt lyst på Nikon D90 etter NRKbeta informerte meg um at det hadde video. So eg testa kamera på fødedagen min i går (NMU hadde jolefest heime hjå oss)

Du finn òg fila hjå archive.org – der kann du m.a. lasta han ned i HD (altso mykje betre kvalitet) og sjå han i Flash.

Brukte tvo objektiv, det nye vidvinkelobjektivet (10–20mm f/4–5.6) og mitt herlege Nikon 50mm f/1.8. Alle bileti som er supermørke er tekne med vidvinkelobjektive. Grunnen til at dei vert so mørke er av di objektivet ikkje er so ljossterkt (f/4), men mest av alt av di det var sabla mørkt for eit stakkars kamera der inne. Men 50 mm objektivet er jo ein helt utan like. Utruleg bra.

Eg elskar mitt nye Nikon D90. No vert det endeleg meir video frametter! Wey! :D

Espen hev (nesten) fengje kjærast

So meg og Espen hadde lite å gjera på ein dag. Som normalt. Eller, eg hev no masse eg kann gjera, men eg vel å ikkje gjera noko. For eg er jo trass alt sjuk og ikkje minst sjukeleg lat. Er stress å vera lærar.

Same kva, eg tok fram kamera – og filma, vel, ingenting. So her hev de ingenting! Versogod!

Videoen er i Ogg Theora (eitt FRITT videoformat). Du kan «lasta «Ingenting med Espen (han hev snart kjærast)» ned»:http://www.ping.uio.no/~odinho/filmar/080515-espa-kjaerast.ogg, men må ha ein avspelar som «VLC»:http://www.videolan.org eller liknande for å sjå han. Avspelar som er bruka er GPL-a «Flumotion Cortado Java applet»:http://www.flumotion.net/cortado/.

Eg ler som ein mongo i videoen. Haha.

Velvel, men meg og Espen heng mykje um dagane. God gang fiskestang.

Dataarbeid heime i joleferien

Mykje av det eg hev gjort her heime er å sitja på datamaskini. Ja, ganske likt det eg plar gjera i Oslo. Likevel hev eg gjort ein god del ting eg ikkje plar gjera normalt; so eg tenkte eg skulle seia tvo ord um det.

Eg skulle laga ein effektiv video-lagringsmaskin til pappa, slik at han kunne taka inn den digre mengda med video som me hev. Han vil taka vare på det og redigera det ned. Familievideo og anna. Eit godt prosjekt. Rita og nokre veninner ville redigera videoen dei hadde teke på turen sin rundt verdi, so eg kunne halda på med det medan eg hjalp dei so smått med å redigera på Mac-en til Randaberg VGS.

Videomac, Final Cut Pro og øydelagde harddiskar

Ei lang historia kort: dei tapre jentone nytta ein heil dag som viste seg å berre verta til inga nytte. Den eksterne harddisken (Lacie, skikkelege drittdiskar) viste seg å vera heilt øydelagd. Eg kom ikkje på det fyrr. So dei nytta 8 timar på å taka inn ein og ein halv videokassett og ingen redigering. Veldig nedtur. So eg sa dei like godt burde prøva å gjera det ein annan plass. Eg fekk ikkje tid til å laga programmet for videoinnhenting til pappa.

DV og Linux

Då eg kom heim såg eg på det lille drittkamera pappa hadde skaffa for å bruka til å taka inn video; det fungerte ikkje på Mac-en i byen. Eg syntest jo det var veldig teit og ville feilsøkja med den berbare maskini mi heime (Sol). Det fungerte berre, heilt utan vidare. Eg vart sjølvsagt imponert. Hadde sers liten plass på disken, men eg tok inn eit par-få scenar og starta opp Cinelerra.

Eg hev vore veldig hard mot Cinelerra. Mitt videoredigeringsprogram er Final Cut Pro HD, og sjølv um det er veldig irriterande å måtta bruka Mac OS X berre for å redigera video; so synest eg ikkje programmi som er til Linux for ein grei penge er gode nok. Eg hadde eigentleg skuve frå meg heile Cinelerra ganske lengje. Sidan eg ikkje fekk gjort det eg ville ganske raskt, so kasta eg det. At det ofte hang då eg testa det ut gjorde det ikkje stort betre. Men eg tenkte, no som eg hev fengje inn DV-videoen på ein so enkel og god måte kann eg jo like godt prøva å redigera det!

Cinelerra

Men, wow! Eg vart so glad og yverraska, det fungerte jo sørenmeg! Eg kutta og stod på, det tok ikkje lang tid fyrr eg var ferdig med eit lite klipp. O, hallelujah, det vart noko. Ikkje eitt einaste kræsj. Litt seinare las eg manualen og fann tvo ting eg sakna. Cinelerra er framleis ikkje god nok til å erstatta Final Cut Pro for meg, langt i frå; men han er absolutt, absolutt god nok for private prosjekt. Eg kjem truleg til å gjera meir videoredigering på mi eiga maskin frametter, dette var so moro.

Bluetooth, blåtann

Maskini mi er so gamal at ho ikkje kom med blåtann. Dumt. Difor kann eg ingenting um blåtann. Dumt, teit. So eg kaupte ein blåtann-usb-sak av Espen. Ganske lurt.

So etter litt streving med Bluez fann eg ut at blåtann ikkje var stress i det heile teke. På same måte som folk tykkjer kommandolina i Linux er stress. Med ein gong du hev funne ut av det er det superlett. So no er blåtann superenkelt. Fungerer mykje på same måte som å setja upp netverk i Linux fann eg ut.

Wiimote + OpenGL

Men eg hev jo ingen blåtann-ting. Eller hev eg? Jo! Wiimotane mine! Etter litt hadde eg ein pc med mus styrt av Wiimoten. Tøft. Men ikkje tøft nok. Eg tenkte, hmm. Tenk å laga eit lite spel. Det hadde vore moro. Men eg kann jo ikkje OpenGL. Jaja, eg fær læra meg det. So då lærte eg meg OpenGL. Etter ein dag kunne eg flytta farga og malte figurar rundt i eit 3D-rom. Eg brukte cwiid-biblioteket for å bruka Wiimoten til «spelet» mitt, og etter ein del hacking fungerte det! Wey! Eg vart sers stolt. Hev vist det til mange. :] Eigentleg ingenting å vera stolt yver, men likevel – eg synest det er tøft.

Ubuntu 7.10 på ein MacBook

Gode kamerat Bror-Magnus var innom og ville hava Linux på MacBooken sin. Han ville prøva Linux til ljodarbeid, med realtime-kjerna og alt. Det tok ein god del tid å leggja inn; men det viste seg at det fungerte til slutt. Eg var so glad at me ikkje trong Bootcamp til å få det til å fungera (då måtte han jo ha betalt for den teite oppgraderingi til Leopard, doh). Måtte fiksa dei trådlause driverane sjølv, men elles fungerte alt ut av boksen (ikkje kamera, men det kann fiksast). Dessutan var ikkje alt sett opp korrekt, eit stort problem er jo at desse teite maskinene berre hev ein museknapp. Ganske teit. Men trur me fann ei enkel løysing på det til slutt (Ubuntu hadde visst innebygd stønad for slikt tull!).

Vonar Bror-Magnus klarar læra seg UbuntuStudio då. Me burde gått litt meir gjennom ting, men eg hadde ikkje tid.

Django, Cinelerra3

Eg hev nesten lese heile Django-boki. På natta. Det er ikkje bra, slem gut. Elles vil eg hjelpa til med Cinelerra3, problemet er at det er eit videoredigeringsprogram. Altso, noko veldig vanskeleg. Eg er langt frå ei rockestjerneprogrammerer, langt frå ein medels flink programmerer tilogmed, difor er det eit litt høgt mål. Men eg skal hjelpa til, og hev funne ut at eg kann (prøva å) hjelpa til på webgit, som må fungera skikkeleg fyrr utviklingi av Cin3 gjeng vidare.

Elles er eg no skikkeleg gira på å laga ein heil film der eg berre brukar fri programvare! :D

Ping lyt skaffa seg blogg

Me hadde ein, men ingen skreiv noko – so han vart lagt ned. No sit Erik og speler gitar via Linux-boksen til mortehu og inn i MIDI-keyboadet til Erik. Korleis inni svarte natta gjeng dette an, spyrr du som kann litt um musikk. Jodå; det er ganske enkelt, gitaren hev vorte ein MIDI-gitar(!!) og mortehu sin boks cat-er /dev/midi1 (gitar) inn til /dev/midi2 (keyboard) medan han teikner opp kva strengane speler i fargerike strekar på skjermen.

Det hadde vore ein ganske stileg video, eller eit kjekt blogg-innlegg; men sidan ingen i Ping gidd halda ein slik blogg ved like (eg gidd ikkje skriva engelsk) vert det lite av. Hadde me hatt eit videokamera hadde det kann henda vore meir gjevande å laga ein videoblogg; på ein måte er det mindre stress.

Det er ganske moro å sjå Erik sitja å spela elgitar, men det er ikkje gitarljod me høyrer – men eit flygel (eller kva du vil) som spelar. Høyrest vel eigentleg ut som um det er tvo stykk som speler saman, piano og gitar. Feitt. ;-)

P2k med lås, døropnar, NAD-volum-kontroll og PMS

Det er mange prosjekt som burde vore fortald um her.

P2k4 med lås

P2k er eit kjøleskåp som er kobla til ein datamaskin; datamaskina held styr på kva som er i kjøleskåpet og kvar brukar hev pengar på kontoen sin der. Når ein kaupar noko vert det trukke frå kontoen, set ein noko inn fær ein det varone kosta. På den måten «tvinger» systemet folk til å halda kjøleskåpet fullt.

For ei tid sidan sat me inn lås i kjøleskåpet òg – slik at ein ikkje kann opna det med mindre ein loggar på datamaskini. Med «me» meiner eg altso at eg stod og såg på medan dei andre jobba. Men det skal nok gå greitt um eg set meg inn i det ein dag og prøver. :-)

Døropnar

Utanfor døri til Ping står ein skjerm som visar ASCII-video frå eit vevkamera. Veit du ikkje kva ASCII-video er, so er det video vist som tekst. Sjå på biletet for å forstå:

Ascii-webcam

Um du vil inn, kann du slå på Blåtann-mobilen din (Bluetooth) og døri opnar seg (um du er Ping-medlem). Hev du ikkje Blåtann-mobil, som meg, so skriv du berre inn brukarnamn og passord på tastaturet; so opnar døri seg. Fyrr nytta me ein CD-spelar på baksida av døri for å opna ho; men no nyttar me ein ekte elektronisk lås – visstnok veldig, veldig sikker og god. Moro å sjå korleis dei hev lodda det til for å få alt til å fungera. Sers moro :-)

PMS (for Playstation 3)

PMS er vel eigentleg berre programvare, so langt eg veit. Ping PS3-en (Zelda heiter han visst, mortehu fekk han av Sony) vert brukt til å spela musikk frå alle datamaskinone på PING, men òg for å sjå filmar (XviD, x264, Theora, DVD, Blueray(!)…) på prosjektoren. PS3-kontrollen brukast til å styra PMS; so faktisk måtte det til litt hardware òg. Sidan det ikkje fanst noko bra mediaskal for PS3 Linux laga nokon på Ping det (eg tenkjer meg mortehu utvikla det med hjelp frå diverse folk). PMS er vel òg laga for å integrera lett med resten av PING, som bringar meg vidare til:

NAD-link, volumkontroll direkte på forsterkar

Logg inn på ei maskin på PING, spel noko musikk og trykk Ctrl + +. Sjå burt på NAD-forsterkaren; kva er det du ser? Jo – volumhjulet på forsterkaren gjeng rundt! Det er supertøft og veldig bling-bling. Det finst ei sida på netet som forklarar formatet på NAD-linken, det måtte dei reverse engineera.

Og masse meir

Det er nok masse eg ikkje kjenner til og/eller hev gløymd. Men utanom dette so hev me ofte filmkveldar og gjer andre koselege ting; et saman, ordskiftast, speler osb, osb. So det hadde vore moro um Ping hadde hatt ein plass på veven for å visa kjekke ting me gjer. Me hev jo Ping si heimesida og wikien, men det vert ikkje til at det er oppdatert. Jaja, er nok ikkje so viktig so lengje me hev det moro her. :-)

Enkeltpersonføretaket Velmont

Då var det gjort. Eg har fått registrert meg i brønnøysundregisteret (eigentleg er det fleire då). No venter eg berre på at det skal bli offisiellt, og at eg skal få organisasjonsnummer. Det heiter «Enkeltpersonsføretaket Odin Hørthe Omdal», men eg får bruke «Velmont» som firmanamn. Difor vil no «Velmont» båe vere kallenamnet og firmaet mitt.

Brev/Søknad til brønnøysundregisterene

Så lurer de kanskje på kva eg skal gjere med firmaet? Eg måtte skrive firmaet sine kjerneområde i søknaden til brønnøysund. Den skal gje ei kortfatta skildring av områda.

Film- og videoproduksjon, fotografering. IT-tenester innan internett-relaterte område; heimesidedesign og -programmering.

Eg ser at eg har gløymd skrive noko om grafiske jobbar. Æsj. Jaja, får så vere. Seier det går under IT me. Eg har jo bl.a. ein jobb frå Reidar Larsen (Noreg sin blueskonge ;) ) – og eg sende nett pappa rekning for brevark og visittkort.

Med firmaet blir det lettare å take betaling for det eg gjer. Slik stoda er no gjer eg mykje gratis. Om eg gjer noko via firmaet blir alt mykje meir formelt. Med dette blir det enklare å take betaling/sende rekning.

Elles fekk eg ein jobb i dag; eg skal lage (redigere) ein episode av eit slags reiseprogram. Pat frå Canada dreg rundt med Harley-syklar i eit land sin natur og speler konsertar i storbyane (han er musiker). Så det blir innslag av mykje natur, landets kultur, musikk og anna. Han er veldig engasjert; eg gler meg til å sjå kva han har av opptak imorgon. Håper det er nok, og ikkje minst bra.

Same kva, no har eg (snart) eige firma! Eg har satt opp eigen konto til det allereie, kan nummeret i hovudet; klåra få eit enkelt eit. No blir moro å kunne fakturere ting og tang som eit firma ;)